161
Zamanın gərdişi dolanar gedər,
Hər dövr bir yeni şey tələb edər.
Çalınar, dillənər köhnə havalar,
Təzədən yeni bir hava yaranar,
Təzə şairlər də belə yaranar,
Köhnə tarixləri təzələr onlar.
C.Cabbarlı yaradıcılığına diqqətlə yanaşanda
böyük dramaturqun həmişə yüksələn xəttlə inkişaf
edən dramaturgiyasında «1905-ci ildə» pyesindən
sonra müəyyən bir eniş, «Dönüş»də isə qismən də
olsa, bir tənəzzülə rast gəlirik. Təsadüfi deyildir ki,
ədib son əsərini «Şikəst övlad» adlandırmışdı. Bizcə,
bunun başqa səbəblərlə yanaşı, bir səbəbi də məhz
dramaturqun romantikadan nisbətən uzaqlaşması ilə
izah olunmalıdır.
Fikrimizi, hisslərimizi cilvələndirən bütün
romantik əsərlərinin təbii inkişafı, xüsusilə, realizm
istiqamətində inkişafı bizi «Sevil» əsərinə gətirib
çıxardı və bu əsərdə sanki sənətkarın öz romantik
görüşlərinin xəsisliklə ifadəsi istər-istəməz bizi məyus
edir. Lakin xoşbəxtlikdən burada da sənətkar sövq-
təbii qalib gəlir. Heç olmasa, əsərin finalında birdən-
birə yenə də romantika ilə qarşılaşmalı oluruq. Bu,
balaca Gündüzün sözləri ilə əlaqədardır. Gündüz
əlindəki təyyarə modelini göstərərək deyir:
Mən sabah dünya səyahətində də yol başına
bütün cocuqlardan tez çatacağam. Mən daha gəmi ilə
getməyəcəyəm, bununla gedəcəyəm, bununla!
162
Mən daima irəliyə doğru gedəcəyəm – Marsa,
Yupiterə, sonsuz fəzalara doğru gedəcəyəm.
1
Deməli, romantika bütün realist əsərlərdə belə
arzu olunacaq bir keyfiyyətdir!
Böyük şairimiz S.Vurğun doğru deyibdir:
Qanadsız bir böcək uçmaz, sürünmək qurda
adətdir. Romantika sənətkarın qələmə aldığı əsərlərin
təkcə mayasında, məzmununda deyil, bəzən təsvir
vasitələrində də özünü büruzə verə bilər. Məsələn,
«Dönüş»də Qüdrət Arslanla Gülsabahın mükalimə-
sinə diqqət edin:
«Qüdrət Arslan» – Yeni insanların mahnısını
mən belə təsəvvür edirəm:
Mənim yarım bir gözəldir,
Altun kimi saçı var;
Mirvaridən sırması var,
Göy zümrüddən tacı var.
Gülsabah – Altun saç... çeynənmiş obrazdır. Həp
də tacir təbiridir. Bu günün təbiri deyildir.
Qüdrət Arslan o biri bəndi oxuyur:
Mərmər kimi ağ döşündə
Al yaqutdan düyməsi,
Şahanə bir baxışı var,
Məftun edər hər kəsi...
1
C.Cabbarlı. Əsərləri, 1-ci cild, Bakı, 1968, s.402
163
Gülsabah – Əvvələn, sənin gəlinin zərgər qızına
bənzəyir. Atasının bütün daş-qaşını oğurlayıb yar-ya-
xasına sancmışdır. Sonra şahanə baxış da bu günün
təbiri deyildir.
Qüdrət – Sən də lap döndün bir para adamlara.
Bəs nə yazım? Yazım, dvornikanə baxışın, ya da
biçinçiyanə baxışın?
Gülsabah – Bilmirəm!
Qüdrət – Sonra...
Göydə uçan durnalara
Kağız yazıb verərəm,
Sevdiyimə yetirsin.
Yazda bitən çiçəklərlə gözəl bir at bəzərəm
Getsin gəlin gətirsin.
Hə, buna ki sözün yoxdur?
Gülsabah – Sən, Qüdrət, əsrin can damarını
axtarırsan... o hər halda burada deyildir. Yeni
insanların idealı bu deyildir. Məsələn:
Radio verən dalğalara
Sözlərimi deyərəm
Sevdiyimə yetirsin.
Göydə uçan aeroların
Qanadların bəzərəm
Səni gəlin gətirsin».
Yeni insan belə düşünə bilər, onun arzuları belə
təzahür edər. Bu da son hədd deyildir. Həyat hərəkət-
164
dir, dialektikanın sonu yoxdur. Deməli, romantika
üçün zəfərlərlə dolu həyatımız, geniş göylərimiz, nə-
hayətsiz arzularımız vardır. Böyük dramaturq deyirdi:
«Bizim quruluşumuzun misli bərabəri yoxdur». Cab-
barlı sənətinin romantik pafosunu hamıdan gözəl
duyan S.Vurğun yazmışdır:
Bir həqiqət, bəlkə canlı bir xəyal kimi,
Vüqarlıdır Cabbarlının söz ülviyyəti.
Uçsun Vətən göylərində bir qartal kimi
Xalqımızın böyük qəlbi, böyük sənəti.
Romantik ədəbi qəhrəmanlar.
C.Cabbarlının romantik axtarışları onun yarat-
dığı qəhrəmanlarla reallaşır, təsbit edilir. Məhz bu eh-
tiraslı surətlərin timsalında böyük sənətkarın nəyə nail
olduğu, hansı uğurlar qazandığı oxucu və tamaşaçıla-
ra, xüsusilə də tədqiqatçılara aydın və aşkar olur. Bu
mülahizələri sübut etmək üçün yenə də bizim istinad
edəcəyimiz material müəllifin öz əsərləri və onlarda
iştirak edən romantik surətlərdir.
C.Cabbarlının romantikasının özü də iki mənbə-
dən, qaynaqdan nəşət edirdi: onlardan biri doğma
folklorumuz və klassik ədəbiyyatımızdırsa, digəri isə
dünya və xüsusilə, Qərb ədəbiyyatıdır. Azərbaycanın
böyük tənqidçisi, cavan ikən repressiyaya uğramış Əli
Nazim «Cəfər Cabbarlının yaradıcılıq yolu» adlı
məqaləsində bu xüsusiyyətin ikinci tərəfini, əsasən,
düzgün qiymətləndirərək yazmışdı: «Hər iki əsərdə
(«Aydın» və «Oqtay Eloğlu» əsərləri nəzərdə tutulur–
165
Ə.N.) Cabbarlı Şillerçidir». Tənqidçi sözünə davam
edərək deyir: «Cabbarlının bu əsərlərdə hər zaman
Şillerə müraciəti, hətta Şillerin «Qaçaqlar»ından
bütün bir səhnənin «Oqtay Eloğlu»ya əlavəsi təsadüfi
deyildir. Şillerin tendensiyalı olsa da, sentimental
romantizmi bütün xüsusiyyətləri ilə bərabər bu
pyeslərdə əsas üslubi istiqaməti təşkil edir. Onlar dövr
ruhunun əsas borusudurlar. Aydın və Oqtay müba-
rizəçi deyil, bəlkə fikir carçısıdırlar. Hər iki pyes xita-
bətçilik, ritorika, aforizmlərlə doludur».
Ə.Nazimin xarakteristikasını tamamilə qəbul et-
məklə yanaşı onu da deyək ki, elə ondakı «ritorika və
aforizmlər» də yersiz deyildir, onların da müsbət
mənası vardır.
Romantikaya səmimi münasibət böyük sənətkara
imkan verirdi ki, bu ədəbi priyomun vasitəsilə qəhrə-
manlarının daxili dünyasını, xəyal aləmini, sevinc və
kədərini lazımınca canlandırmağa nail olsun. Ədibin
ilk, bəlkə də sütül əsərlərindən biri olan «Solğun
çiçəklər»də insaf, vicdan, insaniliyin hələ tamam yox
olmadığı təbii anlar Bəhramı tutduğu əməldən peşi-
man edərək sarsıdır, onu çılğınlaşdırır, dəlilik dərəcə-
sinə gətirir. Gecə yuxularında sayıqlayaraq, özünün
daxili monoloqunu söyləyir:
«Ax
yenə
kimsən?
Mələkəl-mövtmusan?
Əzrailsənmi? Gəl, gəl, al canım, bu əzablardan xilas
olum!.. Mənim həbibim! Gəl, gəl, gəl, al canım!
Ox,...indi tanıdum! Sara, sənmisən? Gəl. Gəl yanıma!
Sara gəl!»
Dostları ilə paylaş: |