CÜMHURİYYƏT
QURUCULARI
104
H.Ağayev Azərbaycan Parlamentinin üzvləri arasında. 1920-ci il.
H.Ağayev bu çıxışında parlamentin katibi vəzifəsinə ən cavan məbusun seçilməsi
təklifini edərək Rəhim Vəkilovun namizədliyini irəli sürdü və təklif qəbul olundu.
1919-cu ilin iyunun 27-də Azərbaycan Parlamentinin növbədənkənar ic-
lası keçirildi. İclasda çox əhəmiyyətli bir sənədin – Azərbaycan hökuməti ilə
Gürcüstan hökuməti arasında bağlanmış olan hərbi müqavilə təsdiq edilə-
cəkdi. Bütün parlament üzvləri, nazir və nazir müavinləri, Gürcüstan siyasi nü-
mayəndələri və nazirləri də iclasda iştirak edirdi. Toplantını H.Ağayev açdıq-
dan sonra katib Əhməd Cövdət bəy müqaviləni oxudu. Sonra Xarici İşlər naziri
M.Y.Cəfərov bu müqavilə münasibəti ilə bəyanatla çıxış etdi. Toplantıda Müsa-
vat adından M.Ə.Rəsulzadə, Y. Əhmədov, İ. Əbilov (sosialistlərdən), H.H.Əfəndi-
zadə (Əhrardan), gürcü nümayəndələrindən – Bakradze, Q.Qarabəyli (İttihad)
hər iki dövlət arasında imzalanmış hərbi müqavilənin əhəmiyyətini qeyd etdilər.
H.Ağayev sonda bu məzmunda çıxış etdi: “Möhtərəm məbuslar! Bu gün
Azərbaycan – Gürcüstan müqaviləsini bütün firqə və millətlər mütəhidil-rəy qə-
bul və təsdiq etməklə isbat etdilər ki, Ümumazərbaycan demokratiyası bilafərq
din, dil və məsləki-siyasiyyə Azərbaycanın müqəddəratını və qonşu millətlərin
və ümum Cənubi Qafqazın müqəddəratını gürcü və ermənilərlə bərabər təyin
və müdafiə etmək istəyirlər.
Burada natiqlərin hamısı söylədilər və mən bütün qəlbimlə bu rəyə iştirak edirəm
ki, ümidvar olmalıdır üçüncü millət də tək yaşaya bilməyəcəyini, hürriyyət və istiqlalını
HƏSƏN BƏY AĞAYEV
105
təklikdə müdafiə
edə bilməyəcəyini anlar, bu ittifaqa daxil olar.
O vaxt bu millətlər
müttəfiqən yaşar, lazım gördükləri müqavilənamə və ittifaqları əqd edib bu
surətlə hürriyyət və istiqlallarını ümumi qüvvə ilə müdafiə edərlər”
6
.
1920-ci ilin yanvarın 11-də Azərbaycanın dünya dövlətləri tərəfindən ta-
nınması münasibəti ilə yanvarın 14-də Bakıda bayram tədbirləri keçirildi. Həmin
gün gündüz saat 2-nin yarısında parlamentin təntənəli iclası oldu. İlk söz Xarici
İşlər naziri F.X.Xoyskiyə verildi.
F.X.Xoyskinin çıxışından sonra H.Ağayev bu fikirləri söylədi: “İndiyə qədər bi-
zim bir neçə təntənəli iclasımız olmuşdur. Lakin bu gün xariqüladə bir gündür.
19 ay yarım çəkdiyimiz zəhmət və məşəqqətlər nəticəsi olaraq bu gün istiqla-
liyyətimiz təsdiq edilmişdir. Necə ki Fətəli xan Xoyski cənabları buyurdular ki, bu
gün tək bizim bayramımız olmayıb, ümumislam aləmi bayramıdır. Bu gündən
etibarən hökumətlər sırasında yeni, müstəqil bir islam hökuməti də vücuda gəl-
mişdir. Bu gündən etibarən bizi tanıdılar. Lakin tanınmaq üçün özünü tanıtdır-
maq lazımdır. İndiyə kimi nəzərə vəhşi verilmiş olan biz Azərbaycan türkləri bu
bir il yarımın müddətində özümüzün vəhşi olmayıb da özümüzün mədəni və
müstəqil yaşamağa qabil və layiq olduğu-
H.Ağayevə parlamentdəki fəaliyyətinə
görə verilən təşəkkür məktubu.
1920-ci il.
muzu bütün aləmə bildirdik. Bunun üçün
biz böyük imtahanlar verdik, böylə ki, də-
faətlə məmləkətimizə və paytaxtımıza
gələn Avropa nümayəndələri bizim belə
bir yüksək məqama ləyaqətli olmağımızı
təsdiq etdilər. Biz bu səadətə və xoş-
bəxtliyə nail olmağımız üçün az qur-
banlar verməmişik, buna təxrib edil-
miş şəhər və kəndlərimiz, yüz minlərlə
qaçqınlarımız və vətən uğrunda canla-
rından keçən şəhidlərimiz sübutdur.
Bu gün o şəhidin ruhu şaddır. Onların
ruhu bu gün bizə deyir ki, biz sizin üçün
əziz və möhtərəm bir nemət qoymu-
şuq, o neməti möhkəm saxlayınız. Çün-
ki, iraq olsun əldən versəniz daha ala bil-
məzsiniz. Mən əminəm ki, biz onu fəda-
6
“Azərbaycan” qəzetində Parlament hesabatları və şərhlər (noyabr 1918 – Aprel 1920). III c. B.,
2017, s. 255.
CÜMHURİYYƏT QURUCULARI
106
karlıqla müdafiə edəcəyik. Yalnız istiqlalı almaq kifayət deyildir. Onu davam et-
dirmək lazımdır. Bunun üçün də Məclisi – Müəssisan seçkisi lazım gəlir və
əminəm ki, bu xüsusda biz artıq ciddiyyət göstərib, vətənimizin ən səmimi
oğullarını işbu Məclisi-Müəssisana seçim edəcəyik”
7
.
Azərbaycan Parlamenti H.Ağayevin sədrliyi müddətində böyük fəa-
liyyət göstərdi. Bununla əlaqədar “Azərbaycan” qəzetində çap olunmuş “Azər-
baycan Parlamentinin birinci illiyi” məqaləsində geniş məlumatlar vardır. Məlum
olur ki, bir il müddətində parlamentin 104 iclası keçirilmiş, 120-yə yaxın əsaslı və
mühüm qanunlar qəbul edilmişdir. Bir il müddətində ən çox maliyyə nəzarətin-
dən parlamentə 82 qanun daxil olmuş, 55-i qəbul edilmişdir. Həmin qanunlar-
dan 19-u hazırda komissiyalarda müzakirə olunmuş, 5-i Parlamentdə müzakirə-
dədir, 3-ü isə qəbul edilməyib.
“Azərbaycan” qəzeti yazırdı: “Ən çox maliyyə qanunlarının parlamentə gəl-
məsi göstərir ki, dövlətin həyati-ümumiyyəsində olduqca bir fəaliyyət mövcud-
dur. Çünki maliyyə qanunları, xüsusilə, hökumət maşınının başlıca bir çarxını təş-
kil etməsinə görə məmləkətin fəaliyyəti-ümumiyyəsində ona görə müqayisə
etmək lazım olur”
8
.
H.Ağayevin Parlamentə sədrlik etdiyi bir il müddətində Ədliyyə nazirliyin-
dən 31 qanun layihəsi təqdim olunmuş, bunlardan 14-ü qəbul edilmiş, 6-sının
müzakirə prosesində, 10-nun komissiyalarda olduğu, 1-nin isə geri qaytarıldığı
qeyd olunmuşdur.
Bu müddətdə Daxiliyyə nəzarətindən 24 qanun layihəsi daxil olmuş, bun-
lardan 14-ü qəbul edilmiş, 1-i müzakirə olunmuş, 6-sının komissiyalarda olduğu,
3-nin geri qaytarıldığı bildirilmişdir.
Eyni zamanda Xariciyyə nəzarətindən 2 qanundan biri, Səhiyyə nəzarətin-
dən (Səhhəti ümumiyyə) 2 qanundan biri, Poçt və Teleqraf Nazirliyindən 5-i, Yol-
lar nəzarətindən 2 qanun layihəsi, Ticarət və sənaye nəzarətindən 2 qanundan
biri, Nafiə nəzarətindən 7 qanundan 2-si, Hərbiyyə nəzarətindən 9 qanundan
7-si, Maarif nəzarətindən 19 qanundan 7-si, Təftişat nəzarətindən 1 qanun daxil
olmuş və o da komissiyalarda müzakirədə idi, Ziraət və əmlak nəzarətindən 11
qanundan 3-ü, Əmək nəzarətindən 1 qanun qəbul edilmişdir.
Azərbaycan Parlamentinin bu fəaliyyətində H.Ağayevin böyük xidmətləri
vardı. “Azərbaycan” qəzeti 1919-cu ilin 9 dekabr sayında yazırdı: “Parlamentin sə-
7
“Azərbaycan” qəzetində Parlament hesabatları və şərhlər (noyabr 1918 – Aprel 1920). I c. B.,
2015, , s. 275-276.
8
“Azərbaycan” qəzeti, 9 dekabr 1919-cu il, №340.