D. Q. Asqarova Bolalarni saxnalashtirish va ijodiy faoliyatga o’rgatish.

QOG'OZ VA BOSHQA MATERIALLARDAN ESDALIK 
SOVG'ALARINI 
TAYYORLASH. 
Bolalar qo'li bilan yasaladigan har qanday o'yinchoq esdalik sovg'asiga aylanishi 
mumkin. Buning uchun kerakli materiallar tayyorlasa bo'ladi. Masalan: qog'ozdan 
tabriknoma, taklifnoma, gilamcha kabi narsalarni, gazlamadan kashta tikish, savatcha 
tayyoriash, igna tutgich tikish, charmdan xaltachalar yasash, ko'zoynak uchun g'ilof tikish, 
bo'sh qutilardan chiroyli sandiqchalar yasash mumkin. Bunda qo`l ostimizda barcha ish 
qurollari bo'lishi lozim. Yasalgan o'yinchoq sovg'alarni chiroyli qilib bezatish talab 
etiladi. 
Zar qog'ozdan to'qilgan 
savatchani yasash. Savatchani yasash uchun kerakli ish 
qurollari: zar qog'ozlar, konfet qog'ozlari, chizg'ich, qaychi, flomaster, karton qog'oz, 
igna, yupqa ipga o'xshash sim. 
Bajarish usuli. 
1-bosqichda 1 metr yaltiroq qog'oz olib, uni enidan bo'yiga qarab 
10 sm oralig'ida qirqib olinadi, so'ngra undan eni 3 sm li bo'laklar qirqib olinadi. 
2-
bosqich. Qirqib olingan eni 3 sm li zar qog'ozning ikki cheti buklab olinadi, 
orasiga uzunligi 10 sm, eni 1 sm karton qog'oz qo'yib zar qog'oz bilan o'rab olinadi. 
3-
bosqich. Buklab olingan karton va zar qog'ozning ikki tomoni 
4 marotaba o'rtaga qarab teng miqdorda buklanishi lozim. 

---

47 
Shunday tasmacha hosil bo'ladi: 
4-
bosqich. Shunday tasmachalardan 50—100 ta, hattoki yasaladigan 
buyumingizga qarab 500 tagacha yasab olinadi. 
5-
bosqich. 1-bo'lak tasmacha gorizontal holatda 2-si unga vertikal holatda 
kiydiriladi u quyidagi ko'rinishga ega bo'ladi: 
Shu tariqa 4—5 qator to'qib olingach, savatcha hosil qilish uchun yumshoq qizil 
simni ninaga o'tkazib, tasmachalarni bir-biriga ulab chiqiladi va cheti ham bir-biriga 
kirgizib ulanadi. 
6-
bosqich. Tayyor namunani taqdim etsak bo'ladi. 
7-
bosqich. Savatchaning tag qismini karton qog'oz bilan dumaloq yoki 
to'rtburchak shaklda kesib, ich tomoniga zar qog'oz yopishtiriladi, chetlari bigiz 
yordamida teshib olinadi va yumshoq sim orqali tikib chiqib ulanadi. 
8-
bosqich. Savatchaning bandi, yani 
to`qilgan tasmacha o`rnatiladi. 

---

48