Dərs vəsaiti Bakı Slavyan Universteti Elmi Şurasının 27 aprel

Tanqram oyunu. Karton və ya plastikdən hər iki tərfdən eyni rəngdə rənglənmiş 8*8 ölçülü kvadrat kəsilir. Kvadrat 7 hissəyə bölünür. Nəticədə 2 böyük,
1 orta ölçülü və 2 kiçik üçbucaq, kvadrat və paraleloqram alınır. Bu hissələrdən istifadə etməklə, onları bir-birinə yaxınlaşdıraraq, uşaqlar öz fantaziyaları ilə və hazır modellərdən istifadə etməklə, müxtəlif fiqurlar düzəldirlər. Bu yeddi fiqur Günəş, Ay, Mars, Yupiter, Saturn, Merkuri və Veneranı təmsil edir.

Həmin fiqurların hissələrindən isə müxtəlif yeni fiqurlar düzəltmək olar. Onlardan bir neçəsini göstərək.

Sehrli kvadrat oyunu. Hər iki tərəfdən eyni rənglənmiş 10*10 ölşülü kvadrat kəsilir. Bu kvadrat 5 hissəyə bölünür. 1 böyük və 2 kiçik üçbucaq, kvadrat və paraleloqram. Bütün hissələrdən istifadə etməklə, uşaq əvvəlcə hazır modelə baxaraq, sonra isə öz fantaziyasından müxtələr fiqurlar düzəldir.
Sehrli dairə. Dairə 7 hissəyə bölünür. Nəticədə
4 eyni üçbucaq, qalanları isə bir tərəfləri yuvarlaq formalı üçbucağa oxşar fiqurlar alınır. Bu fiqurlardan insan fiquru, quş, raket və s. düzəldilir. Dairə hər iki tərəfdən eyni rənglənir ki, fiqurları düzəldərkən bütün 10 hissədən istifadə etmək mümkün olsun.

8. İbtidai sinif şagirdlərinə informasiya texnologiyaları anlayışının öyrədilməsi metodikası

1. 
   İnformasiya texnologiyası anlayışı.
   
2. 
   Tədrisdə informasiya texnologiyalarından istifadənin texnoloji və nəzəri aspektləri.
   
3. 
   İnformasiya texnologiyaları məzmun xəttinin öyrədilməsi metodikası.
   

İnformasiya texnologiyası anlayışı. Bu günə qədər məktəb informatika kursunun inkişafında nəzərə çarpan ən vacib məqamlardan biri onun məzmununda informasiya texnologiyaları (İT) həcminin artmasıdır. Texnologiya yunanca techne-bacarıq və loqos-hazır- lanma, istehsal mənasını verib, nəyinsə hazırlanması, istehsalı deməkdir. [18, s.436-450]

Məktəb informatikasında İKT–nin tətbiqi proqram mühitini mətn və qrafik redaktorlar, verilənlər bazası, multimedia proqramları təşkil edir. Bu proqramlar ümumi təyinatlı proqramlar olub, praktikada geniş istifadə olunur.

Məktəbdə İT mövzusunun tədrisinə müxtəlif yanaşmalar mövcuddur. Kurikuluma əsasən hazırlanmış dərsliklərdə əsasən İT xətti şagirdlərin

tətbiqi proqramlarla tanış edilməsi və bu proqramlarda praktik işlərin aparılması ilə tədris edilir. Belə proqramlara Word Pad mətn redaktoru, PaintBrush qrafik redaktoru, Excel cədvəl redaktoru və s. aiddir.

Son vaxtlar tədrisdə texnologiya əvəzinə infor- masiya texnologiyaları sözü işlədilir. Texnologiyanın tədrisi İT tədrisindən nə ilə fərqlənir? Texnologiyaya aid hər bir mövzu keçilərkən aşağıdakıların öyrədilməsi vacibdir:

Informasiya və informasiya texnologiyalarının təsviri, bu sahəyə aid olan məsələlərin qoyuluşu və texnoloji üsullarla həlli.

İnformatika kursunda əsas diqqəti İT vasitələrinin deyil, insanın informasiya fəaliyyətinin müxtəlif sahələrinin öyrədilməsinə yönəltmək lazımdır.