Beynəlxalq hüquqda insanlıq əleyhinə cinayətlər
152
insan hüquq və azadlıqlarını pozan hər hansı psixiatrik və
ya digər tibbi təcrübənin tətbiqindən insanların müdafiəsini
təmin etmək öhdəliyi qoyulur. Zamanla dövlətlər bu sahədə
olan öhdəliyi yerinə yetirməyə borcludur və yerinə yetirir.
Bura həm məhbuslarala rəftar aiddir, həm də qanunvericilik
aktlarına dəyişikliklərin edilməsi.
İşgəncə müharibə cinayətləri kimi isə tamam başqa
xüsusiyyətlərlə xarakterizə olunur. Bu halda əsirlərə və gi-
rovlara, işğal edilmiş ərazinin dinc mülki əhalisinə işgəncə
verilməsi artıq müharibə cinayəti hesab olunur və BHH nor-
malarının ciddi pozuntuları hesab olunur. Nəhayət, işgəncə
dövlət siyasəti formasında dövlətin öz vətəndaşlarına qarşı
törədildiyi halda insanlıq əleyhinə cinayət kimi, silahlı mü-
naqişə dövründə düşmən dövlətin vətəndaşlarına, hərbi qul-
luqçularına qarşı yönəlmiş olduqda isə müharibə cinayətləri
kimi tövsif olunur.
Qəsdən güclü iztirablara səbəb olma və ya ağır bə-
dən xəsarətləri, yaxud fiziki və ya psixi sağlamlığa mü-
hüm ziyan vurmaqdan ibarət olan digər analoji xarak-
terli qeyri-insani hərəkətlər
BCM Statutunun 7-ci maddəsinin k) bəndində qəsdən
güclü iztirablara səbəb olma və yaxud ağır bədən xəsarətləri,
yaxud fiziki və ya psixi sağlamlığa mühüm ziyan vurmaq-
dan ibarət olan digər analoji xarakterli qeyri-insani əməllər-
dən bəhs olunur.
“Digər qeyri-insani əməllər” anlayışı iki tələblə məh-
dudlaşır:
Birincisi, bu kateqoriyaya aid olan əməllər yuxarıda
qeyd edilmiş cinayət lərə əlavə kimi başa düşülməlidir.
İkincisi, cinayət əməli şəxsin sağlamlığına psixoloji və
fiziki baxımdan, ağır təzyiqlə və onun şəxsiyyətinin alçaldıl-
ması ilə nəticələnir.
Beynəlxalq hüquqda insanlıq əleyhinə cinayətlər
153
Qəsdən güclü iztirablara səbəb olma və ya ağır bədən
xəsarətləri, yaxud fiziki və ya psixi sağlamlığa mühüm ziyan
vurmaqdan ibarət olan digər analoji xarakterli qeyri-insani
hərəkətlər öz hüquqi ifadəsini Nürnberq Tribunalı Nizam-
naməsinin 6-cı maddəsində, BNŞ-nın 10 nömrəli Qanunu-
nun 11-ci maddəsində, YBCT və RBCT nizamnamələrinin
müvafiq olaraq 5-ci və 3-cü maddələrində, Nürnberq prin-
siplərində (prinsip VI) və artıq qeyd edildiyi kimi, BCM Sta-
tutunun 7-ci maddəsində tapmışdır
1
.
Qəsdən güclü iztirablara səbəb olma və ya ağır bədən
xəsarətləri, yaxud fiziki və ya psixi sağlamlığa mühüm ziyan
vurmaqdan ibarət olan digər analoji xarakterli qeyri-insani
hərəkətlər aşağıdakı hallarda insanlıq əleyhinə cinayətin tər-
kibini yaratmış olur
2
:
1. cinayətin subyekti şəxsə ağır işgəncələr verməklə
bərabər ona ciddi fiziki və psixoloji təzyiqlər göstər-
məlidir;
2. əməl mülki əhaliyə qarşı genişmiqyaslı və sistema-
tik hücumun bir hissəsi kimi çıxış etməlidir;
3. cinayətin subyekti törətdiyi əməlin xarakteri ilə mü-
şayiət olunan faktiki şəraiti dərk etməlidir;
4. əməl dövlət siyasəti və ya planı çərçivəsində həyata
keçirilməlidir.
Qeyd olunduğu kimi bu əlamətlər olduqda əməl insanlıq
əleyhinə cinayətlərin tərkibini yaratmış olur və eyni zaman-
da BCM-nin yurisdiksiyasına aid olur.
1
Bassiouni M. Cherif. Crimes against Humanity-Dordrecht/Boston/ London.
Martinus Nиjhoff Publиshers, 1992
2
Международный уголовный суд. (сборник документов), Казань. Цен трин-
но вационных технологий, 2004
Beynəlxalq hüquqda insanlıq əleyhinə cinayətlər
154
2. 2. İnsanların azadlığı əleyhinə cinayətlər
Köləlik və ya kölə vəziyyətinə salma. İnsanlıq əleyhinə
cinayətlərdən biri də köləlik və ya kölə vəziyyətinə sal ma dır.
Elmi-texniki tərəqqinin inkişaf etməsi, sivil cəmiyyət qurul-
masına bax maya raq, müasir dövrdə köləliyin ləğv olunması
mümkün olmamışdır.
Köləlik və qul alveri demək olar ki, quldarlıq cəmiyyə-
tindən qalmış mirasdır. Quldarlıq quruluşunun dağılması ilə
köləlik və qul alveri nəinki yox olmuş, hətta onun yeni forma
və təzahürləri meydana gəlmişdir.
Köləlik dedikdə, barəsində mülkiyyət hüququna məx-
sus bəzi, yaxud tam səlahiyyətlər həyata keçirilən şəxsin və-
ziyyəti, yaxud halı nəzərdə tutulur.
Köləliklə bağlı institutlar özündə borc köləliyi, təh-
kimçilik hüququ, nigah köləliyi, qul əməyindən istifadə və
cinsi köləlik, yaxud uşaq ticarəti ilə bağlı məsələləri ehtiva
edir. İnsan bilərəkdən aşağıda göstərilən əməlləri törətməklə
köləliyin müxtəlif elementlərini yaradır:
• insanı kölə vəziyyətinə salma;
• insanı kölə vəziyyətində nəzarətdə saxlama;
• müəyyən əməl nəticəsində köləliyin geniş miqyasda
və sistematik formada baş verməsi
Yuxarıda qeyd olunduğu kimi, köləlik fenomeni həmişə
mövcud olmuş, lakin zaman keçdikcə əhəmiyyətli dərəcədə
dəyişmişdir. Hətta XIX əsrin sonu, XX əsrin əvvəllərində
Avropa qadınlarının Amerika qitəsinə və Şimali Afrikaya
geniş miq yaslı formada miqrasiyası təşkil edilmiş və vaxtilə
qadın alveri üçün qadınların Avro paya gətirilməsi də bu cür
təşkil edilmişdi.
Beynəlxalq hüquqda insanlıq əleyhinə cinayətlər
155
“Ağların köləliyi” kimi tanınan bu hala son qoymaq
məqsədilə Parisdə 1902-ci il və 1910-cu illərdə iki bey-
nəlxalq konfrans keçirildi və aşağıda göstərilən beynəlxalq
konvensiyalar qəbul edildi:
• “Ağ kölələrin alverinin qarşısının alınması haqqın-
da” 4 may 1910-cu il Beynəlxalq Konvensiyası;
• Qadın və uşaq alverinin qarşısının alınması haqqın-
da” 30 sentyabr 1921-ci il Konvensiyası;
• “Yetkinlik yaşına çatmış qadınların alverinin qarşı-
sının alınması haqqında” 11 oktyabr 1933-cü il Ce-
nevrə Konvensiyası
Təəssüf ki, bu Konvensiyaların qəbul olunmasından
sonra da, yuxarıda qeyd olunduğu kimi, köləliyin aradan
qaldırılması istiqamətində o qədər də əhəmiyyətli dəyişiklik
olmadı.
Köləlik beynəlxalq xarakterli müstəqil cinayətdir.
Ümumdünya İnsan Hüquq ları Bəyannaməsində göstərilir ki,
heç kəs köləlikdə və ya qul vəziyyətində saxla nıla bilməz,
köləlik və kölə ticarətinin bütün növləri qadağan olunur. Bu
cinayətə qarşı formalaşan dövlətlərarası əməkdaşlıq Kölə-
lik haqqında 1926-cı il tarixli Konvensiya və “Köləliyin,
kölə ticarətinin və köləliyə bənzər institut və adətlərin ləğvi
haqqında” 1956-cı il tarixli Əlavə Konvensiya ilə tənzimlə-
nir. Köləlik haqqında Konvensiyaya görə, köləlik üzərində
mülkiyyət hüquqları atributlarının hamısının və yaxud on-
lardan bəzilərinin həyata keçirildiyi insanın vəziyyəti və ya
durumu köləlik kimi başa düşülməlidir. Kölə ticarəti dedik-
də isə kölə kimi satmaq məqsədilə insanın ələ keçirilməsi
və ya başqasına verilməsi ilə bağlı istənilən akt, satmaq və
ya dəyişdirmək məqsədilə kölənin əldə edilməsi ilə bağlı
istənilən akt, satmaq və dəyişdirmək məqsədilə əldə edilmiş
Dostları ilə paylaş: |