16
Səhifə 115. 1-ci abzasda “1667-ci ildə Solsahil Ukraynası və Kiyev Rusiyaya
birləşdirildi” cümləsinin “ 1667-ci ildə Kiyev də daxil olmaqla, Solsahil Ukraynası
Rusiyaya birləşdirildi” kimi verilməsi məqsədəuyğundur.
Səhifə 116. Axırıncı abzasda “I Pyotrun islahatları nəticəsində ... təqvim və
əlifba yaradıldı” cümləsində “təqvim və əlifba yaradıldı” ifadəsinin “ təqvim
yaradıldı və əlifbada dəyişiklik edildi” kimi verilməsi məqsədəuyğundur.
Səhifə 117. “İsti dənizlərə çıxmaq uğrunda mübarizə” paraqrafının adı
uğurlu seçilməmişdir. “İsti” deyəndə, ilk növbədə, o dənizlərin ilin bütün fəsillərində
isti olması təsəvvürü yaranır. İsti tropik qurşaqlarda bu dənizlərdən daha isti dənizlər
mövcuddur. Mövzuya reallığa uyğun ad qoyulması məqsədəuyğundur.
3. Dizayn və bədii tərtibat baxımından
Dərslik dizayn və bədii tərtibat baxımından qənaətbəxşdir. Rəsm və
illüstrasiyalar orijinal, mətnə uyğun, ifadəli və aydındır. Rəsmlərin əksəriyyəti
cəlbedicidir.
Dərslikdə 95 şəkil, 16 xəritə, 12 müxtəlif sxem və cədvəl (8-i tapşırıqlar
bölməsində, 4-ü isə əsas mətndə) verilmişdir. Şəkil və illüstrasiyalardan 50-si
müxtəlif tarixi şəxsiyyətlərin portretləridir. Dərslikdə tarixin öyrənilməsinə Şərqdən
başlansa da, onun üz qabığında Rusiya və Fransa motivləri qabardılmış, Osmanlı
sultanı və ordusu isə arxa planda təsvir etmişdir. Dərsliyin ilk səhifələrində şərti
işarələrin izahı verilməmişdir.
Mövzular üzrə şəkillər bərabər paylanmamışdır. Məsələn, §1, 10, 11.2-də bir,
§11.1, 13.1, 13.3, 14.1, 16.2-də iki illüstrasiyadan istifadə olunmuş, §7-də isə
illüstrasiya verilməmişdir. Xəritələrdəki şəkillərin bəzilərinin adı verildiyi halda,
bəzilərinin adı verilməmişdir.
Şəkil, xəritə və sxemlər nömrələnməmişdir. İllüstrasiyaların bir qismində
şəkilaltı informasiya çatışmır və onların təqdimatında vahid dizayn üslubu
pozulmuşdur. Bəzi şəkillər solğun və qarışıq (səh.12, 26, 49, 113), bəziləri kiçik
ölçüdə (səh.22-də 3-cü, səh.46, 53, 57 və s.) verilmiş, bəziləri (səh.45, 54 və 84) isə
yerində deyil. Bəzi görkəmli tarixi şəxsiyyətlərin təsvirləri təhrif olunmuş (səh.21-də
1-ci, səh.83), bəzi şəkillər isə ifadəlilik və cəlbedicilik baxımdan uğurlu seçilməmiş,
yaxud keyfiyyətsiz təqdim olunmuşdur (səh.16, 41 və s.). Bəzi şəkillərdə şiddət
17
təsvirinin yer alması (səh.22-də 1-ci, 34, 79) şagirdlərin yaş xüsusiyyətləri
baxımından məqsədəuyğun deyil.
Dərslikdə mövzuların mənimsənilməsinə yardım edən 16 müxtəlif xəritədən
istifadə edilmişdir. Onların əksəriyyətində şərti işarələr verilmiş, coğrafi obyektlərin
adı aydın oxunur, istifadə olunmuş rənglər yorucu deyil. Bununla belə, bəzi
xəritələrin üzərində yenidən işlənməlidir. Məsələn, bəzi xəritələrdə (səh.8, 13, 27,
104) şərti işarələr natamamdır (xüsusilə, paytaxt şəhərlər göstərilməyib), bəzi
xəritələrdə isə şərti işarələr verilməmişdir (səh.54, 55, 59, 118). Bəzi paraqraflarda
(§3, 13, 15.3 və 16.1) ciddi ehtiyac olmasına baxmayaraq, ümumiyyətlə, xəritə
verilməmişdir, bəzi xəritələr (səh.59, 118) isə tarix fənninə uyğunlaşdırılmamışdır.
Xəritələrdə bəzi xüsusi adların da düzəldilməsinə ehtiyac var. Məsələn,
“Braxmaputra” əvəzinə “ Brahmaputra” (səh.23), “Mogilov” əvəzinə “ Mogilyov”,
“Yevpotoriya” əvəzinə “ Yevpatoriya”, “Balaxiya” əvəzinə “ Valaxiya” (səh.51),
“Məşəd” əvəzinə “ Məşhəd” (səh.55), “Volqaqrad” əvəzinə “ Volqoqrad”,
“Çuvaşistan” əvəzinə “ Çuvaşıstan” (səh.59), “Piçmona” əvəzinə “ Riçmond”,
“Karpolina” əvəzinə “ Karolina”, “Çarpston” əvəzinə “ Çarlston”, “Pod-Aylend”
əvəzinə “Rod-Aylend” (səh.91), “Dunkerk” əvəzinə “Dünkerk” (səh.104)
yazılmalıdır.
Paraqrafların sonunda tapşırıq məqsədilə verilmiş zaman oxlarının sayı 24-dür. 2
paraqrafın sonunda (§ 7, 16.1) zaman oxuna dair tapşırıq verilməmişdir.
Təlim materiallarının daha yaxşı qavranılması üçün nəzəri məlumatı özündə əks
etdirən sxem, qrafik və cədvəlin sayının artırılması tövsiyə edilir.
Səhifə 8. 1556-cı ildən ruslar tərəfindən işğal edilmiş Həştərxan xanlığının
1587-1736-cı illəri əhatə edən xəritədə yer alması məqsədəuyğun deyil. Həmçinin
xəritədən belə anlaşılır ki, Həştərxan Şimali Qafqaz ərazisindədir. Halbuki həmin
xanlıq Volqa çayının Xəzər dənizinə töküldüyü ərazidə yerləşirdi. “Həştərxan
xanlığı”nın yerinə Terek çayından şimalda “ Rusiya” yazılmalıdır. Xəritənin altında
Portuqaliyadan geri alınmış ərazinin ili 1620 deyil, 1622 verilməlidir. Xəritədə
verilən şəklin adı qeyd olunmamış, şərti işarələrin izahında qılınc, qala və paytaxt
işarəsinin açıqlaması yazılmamışdır. Xəritənin adında “sələfləri” sözünün əvəzinə
“xələfləri” sözü yazılmalıdır. Həmçinin bu xəritə 8-ci sinif “Azərbaycan tarixi”
dərsliyində (Bakı: Təhsil, 2015) səhifə 22-də verilmiş xəritənin eynisidir.
Səhifə 13. “Nadir şah Moğol hökmdarı Məhəmməd şahı vassallığa qəbul
edir” adlı rəsmdə Nadir şahın nə etmək istədiyi aydın deyil.
18
Xəritədə Nadir şahın Xivəyə yürüşü və Buxara xanlığının onun vassalı olduğu
göstərilməmişdir. Xəritədə paytaxt, qılınc və qala işarələrinin izahı yazılmamışdır.
Səhifə 16. Ağa Məhəmməd şah Qacarın mum fiqurunun verilməsi onun
haqqında formalaşmış mənfi obrazı daha da gücləndirir.
Səhifə 23. Xəritədə Maratx dövlətinin mətndə adı çəkilən paytaxtı Puna
şəhərinin yeri əks olunmamışdır. “Böyük Moğol imperiyası”nın adı “Böyük
Moğollar” kimi verilmişdir.
Mətndə İngiltərə-Maysor müharibəsindən bəhs olunsa da, təqdim olunan şəkil
ingilislərin maratxlarla döyüşünə həsr olunmuşdur.
Səhifə 24. Şəkil kimin kimdən asılı olması barədə dəqiq fikir söyləməyə imkan
vermir.
Səhifə 27. Xəritədə şərti işarələrdə “Cunqar xanlığı”, xəritənin özündə isə
“Cunqariya xanlığı” yazılmışdır.
Səhifə 28. Sxemdə verilmiş “hərbi məskənlərə aid torpaqlar” və “döyüşçü
kəndlilərə verilən torpaqlar” ifadələrinin fərqinin nə olduğu başa düşülmür.
Səhifə 45. Kiçik Qaynarca sülhünə aid şəklin müqavilə şərtlərinin yazıldığı
səhifə 47-də verilməsi məqsədəuyğundur.
Səhifə 46. Kiçik Qaynarca sülhünün imzalandığı dövrdə Almaniya imperiyası
mövcud olmadığına görə xəritədəki müvafiq ifadə əvəzlənməli və ya silinməlidir.
Səhifə 49. Rus tarixçilər tərəfindən rus ordusunun qəhrəmanlığına sübut kimi
istinad edilən “Rusların İzmayıl qalasını tutması” rəsminin verilməsi vacib deyil.
Həmçinin şəkil çox tutqun olduğundan, tədris zamanı istifadəyə çox da yararlı olmur.
Səhifə 51. Xəritədə 1783-cü ildə Rusiyaya verilmiş ərazi kimi Krım da
göstərilmişdir. Halbuki Krım Rusiyaya verilməmiş, Rusiya tərəfindən işğal
edilmişdir.
Səhifə 54. Tauke xanın şəklinin onun haqqında məlumatın verildiyi səhifə 53-ə
keçirilməsi məqsədəuyğundur.
Səhifə 59. Xəritələrin tarix dərsləri üçün daha yararlı şəklə salınması
məqsədəuyğundur. 2-ci xəritədə Sibir türklərinin yaşadığı ərazilərə Mərkəzi Asiya və
Volqaboyu da daxil edilmişdir. Həmçinin sözügedən xəritənin “Sibir türkləri”
yarımbaşlığının verildiyi səhifə 60-a keçirilməsi məqsədəuyğundur. Bundan əlavə,
həmin xəritədə Azərbaycanın şimal və cənuba bölünməsi dövrə uyğun deyil.
Səhifə 63. Şəkildə osetinlərdən, çərkəzlərdən, kabardinlərdən fərqli olaraq,
çeçen millətinin nümayəndəsi tək təsvir edilmişdir.
19
Səhifə 64. O dövrdə Azərbaycan bölünmədiyindən, Azərbaycanla İran arasında
müasir dövrdəki sərhəd xətlərinin verilməsi düzgün deyil. Arazdan cənubda Muğan
adlı ərazinin göstərilməsi mübahisəlidir. Kartli adı altında bütün Gürcüstan verilir və
belə təəssürat yaranır ki, o, müstəqil dövlət olub. Xəritədə “Osmanlı imperiyası”
ifadəsinin əvəzinə, o dövrə aid olmayan “Türkiyə” sözü yazılmışdır.
Səhifə 68. I Pyotrun tapşırığı ilə tərtib olunmuş Cənubi Qafqazın şərqinin və
Xəzər dənizinin xəritəsi 8-ci sinif “Azərbaycan tarixi” dərsliyində (Bakı: Təhsil,
2015) səhifə 49-da da verilmişdir. I Pyotrun Azərbaycana yürüşü “Azərbaycan tarixi”
dərsliyində daha geniş təsvir edildiyindən, “Ümumi tarix” dərsliyindəki xəritənin
başqa bir illüstrativ materialla əvəzlənməsi məqsədəuyğundur.
Səhifə 91. Florida uzun müddət İspaniyanın, XVIII əsrin ikinci yarısında 20 il
Böyük Britaniyanın müstəmləkəsi olmuşdur. Buna görə də xronoloji çərçivəsi
bilinməyən xəritədə Floridanın yaşıl rənglə Böyük Britaniyanın müstəmləkə ərazisi
kimi verilməsi mübahisəlidir.
Şəklin adı ilə məzmunu bir-birinə uyğun gəlmir. Burada rəftardan çox, qarşılıqlı
vuruşma şəraitində gedən döyüş təsvir olunmuşdur. Şəkil 1876-cı ildə baş vermiş
Biqhorn döyüşünə
5
aid olduğundan, dərsliyin xronoloji çərçivəsinə uyğun deyil.
Həmçinin şəklin “Hindularla son dərəcə amansız rəftar edilirdi” kimi
adlandırılması səhifə 97-də verilmiş “ABŞ bəşəriyyətə o zaman üçün demokratiya
nümunəsi verdi” ifadəsi ilə ziddiyyət təşkil edir.
Səhifə 95. “Şimali Amerikada İstiqlaliyyət müharibəsi” adı altında XIX əsrə
aid vətəndaş savaşlarından birinin şəkli verilmişdir.
Səhifə 96. Sxemdə C.Vaşinqtonun adının verilməsinə ehtiyac yoxdur.
Səhifə 118. XVII-XVIII əsrlədə Bolqarıstan adlı müstəqil dövlət olmadığından,
xəritədə göstərilməsi məqsədəuyğun deyil. Səhifə 46-da olduğu kimi, həmin ərazinin
Osmanlı imperiyasına aid edilməsi məqsədəuyğundur.
4. Tapşırıqların elmi-metodiki uyğunluğu baxımından
Təqdim olunan sual və tapşırıqların çoxu şagirdlərin yaş səviyyəsinə uyğundur.
Onların bir qismi həm də yaradıcı xarakter daşıyır. Lakin qapalı tipli sual və
tapşırıqlar dərslikdə üstünlük təşkil edir.
5
http://www.manataka.org/images/Little_Big_Horn_Battle.jpg
20
Dərslikdə müəllim və şagirdlərin istifadəsinə 304 sayda müxtəlif tipli sual və
tapşırıqlar təqdim olunmuşdur. Onların 147-si paraqraf daxilində, 157-si isə
paraqrafın sonundakı “Sual və tapşırıqlar” bölməsində verilmişdir. Lakin dərslikdə və
ya MMV-də illüstrasiyalar üzərində işləmək üçün sual və tapşırığın nəzərdə tutulması
yaxşı olardı. Mətnin içərisində verilmiş sual və tapşırıqlar qırmızı kursivlə yazılmış
və nömrələnməmişdir. Sual və tapşırıqların bu cür təqdimatı metodik baxımdan
məqsədəuyğun deyil, çünki fikrin bütövlüyünü pozur və şagirdlərin diqqətini əsas
mətndən yayındırır. Bu problemi aradan qaldırmaq üçün sual və tapşırıqların tipinə
və xarakterinə görə qruplaşdırılıb, müvafiq çərçivə içərisində bir yerdə verilməsi
yaxşı olar.
Sual və tapşırıqların paylanmasında qeyri-mütənasiblik var. Məsələn, 13-cü
paraqrafın I hissəsində (“Parlament, yoxsa kral?”, səh.77-80) 16 sayda, III hissəsində
isə (“Dünyanın ilk sənaye dövləti”, səh.86-89) 7 sayda sual və tapşırıq nəzərdə
tutulmuşdur.
Səhifə 10. “Azərbaycan Səfəvi dövlətində baş vermiş hadisələrin səbəb-
nəticə əlaqələrini müəyyənləşdirən xronoloji cədvəl tərtib edin” tapşırığı metodiki
baxımdan düzgün tərtib olunmamışdır. Tapşırığın məzmunu nəinki 8-ci sinif
şagirdinin, hətta bir çox yaşlıların belə qavrayacağı səviyyədə deyil. Tapşırığı yerinə
yetirmək üçün əvvəlcə hadisələrin xronoloji ardıcıllığını əks etdirən cədvəl tərtib
edilməsi, sonra həmin cədvəldən istifadə edərək, hadisələrin mümkün səbəbləri və
nəticələrinin müəyyənləşdirilməsi tələb oluna bilər.
Səhifə 10, 15, 19, 24. Qeyd edilmiş səhifələrdə paraqrafın axırında verilmiş sual
və tapşırıqların heç biri MMV-də müvafiq dərs nümunələrində tövsiyə olunan 2.1.2.
(MMV, səh.54), 4.1.1. (MMV, səh.57) və 1.1.1. (MMV, səh.59, 61) alt standartlarını
reallaşdırılmağa istiqamətlənməmişdir.
Səhifə 12. “Sizcə, Moğol imperatoru əfqanlara sığınacaq verməsəydi, Nadir
şah Hindistana yürüş etməzdimi?” sualının “ Sizcə, Moğol imperatoru əfqanlara
sığınacaq verməsəydi, Nadir şah Hindistana yürüş edərdi?” kimi verilməsi üslubca
daha doğru olar.
Səhifə 15. 2-ci abzasdan sonrakı “Nadir şaha verilən bu qiymətlər sizdə hansı
hisləri oyadır?” sualının “ Nadir şahın Avropanın məşhur fatehləri ilə müqayisə
edilməsi sizdə hansı hisləri oyadır?” kimi verilməsi üslubca daha doğru olardı.
Səhifə 35. Paraqrafın axırında verilmiş “Yaponiyanın siyasi cəhətdən
birləşdirilməsi prosesini Avropa ölkələrindən fərqləndirən nə idi?” sualı
21
mahiyyətcə səhifə
32-də verilmiş “Yaponiyada
mərkəzləşmiş dövlətin
yaranmasını Avropa ölkələrindən fərqləndirən nə idi?” sualının təkrarıdır.
Səhifə 38. Paraqrafda yalnız bir Şərq ölkəsində tarixi əsərlərin meydana gəlməsi
haqqında məlumat verildiyi halda, 1-ci sualda Şərq ölkələrində tarixi əsərlərin daha
çox yaranmasının nə ilə izah olunması soruşulur.
Mətndə Çin mədəniyyətdən bəhs edilsə də, ona aid heç bir sual verilməmişdir.
Səhifə 43. 3 -cü tapşırıqda elmi kəşf və ixtiraların Osmanlı imperiyasının
həyatına və mədəniyyətinin inkişafına təsirinin izahı tələb olunur, lakin mətndə
verilən məlumatdan bunun nədən ibarət olduğunu müəyyən etmək çətindir.
Səhifə 48. “Yunan layihəsi” mahiyyətcə “Şərq məsələsi”nin tərkib hissəsi
olduğundan, “Yunan layihəsi” ilə “Şərq məsələsi”nin oxşar və fərqli cəhətləri
nədən ibarət idi?” sualının verilməsi məqsədəuyğun deyil.
Səhifə 57. Kokand xanlığının yaranması haqqında mətndə müvafiq məlumat
verilmədiyi halda, “Kokand xanlığı harada və necə yarandı?” sualı verilmişdir.
5-ci sualdakı “Mərkəzi Asiya və Qazaxıstan” ifadəsi elmi baxımdan
mübahisəlidir. Qazaxıstanı Mərkəzi Asiyaya aid olduğundan, ifadənin “Mərkəzi
Asiya” kimi verilməsi kifayətdir.
Səhifə 58. Yönləndirici sual mövzunu tam əhatə etmir. Sualın bir hissəsinin və
ya əlavə bir sualın da Sibir xalqlarına aid edilməsi məqsədəuyğundur.
Səhifə 79. 2-ci sualda vətəndaş müharibəsinin ilk dəfə harada baş verdiyi
soruşulsa da, suala birmənalı cavab tapmaq çətindir.
Sonuncu sualın “Vətəndaş müharibəsi” yarımbaşlığından əvvələ keçirilməsi
məqsədəuyğundur.
5. “Müəllim üçün metodik vəsait”in (MMV-nin)
məzmununun işlənməsi baxımından
128 səhifədən ibarət olan MMV-də “Metodik vəsait haqqında” başlığı altında
giriş, “Fənnin məzmun xətləri və onların əsaslandırılması”, “Məzmun xətləri
üzrə təlim nəticələri”, “Fəaliyyət xətləri”, “VIII sinif Ümumi tarix fənni üzrə
məzmun standartları”, “VIII sinif Ümumi tarix fənni üzrə məzmun
standartlarının şərhi”, “Ümumi tarix fənninin inteqrasiya imkanları”, “Təlim
strategiyaları”, “Planlaşdırmanın aparılmasına dair tövsiyələr”, “Tədrisin
səmərəli olması üçün tövsiyələr”, “Qiymətləndirməyə dair tövsiyələr”, “Tematik
22
planlaşdırma”, “Mövzuların reallaşdırılması üçün metodik tövsiyələr”, “Dərs
nümunələri”, “Ümumi tarix fənni üzrə resurslar”, “İstifadə olunmuş ədəbiyyat”
və “Kitabın içindəkilər” verilmişdir.
Müəllim üçün metodik vəsait müəllimə iş prosesində, hər bir şagirdin fərdi
bacarığından asılı olaraq, tapşırıqları sadələşdirmək və ya mürəkkəbləşdirmək imkanı
verir. Fənn kurikulumunun tələblərinin reallaşdırılma mexanizmləri şərh edilmiş və
əsaslandırılmışdır. Həmçinin dərs zamanı əlavə vasitələrə (elektron resurslar, əyani
vasitələr və s.) istiqamətləndirmə də verilmişdir.
Dərsliyin hazırlanması prinsiplərinin şərhi, qiymətləndirmənin müxtəlif
növlərinə aid vasitələrin verilmə səviyyəsi qənaətbəxş deyil. Qiymətləndirmə
meyarlarının bəzi yerlərdə 3 səviyyədə verilməsi səhifə 51-də qeyd edilmiş təlimata
(“Qiymətləndirmə standartı: ... məzmun standartının tərkibinin kəmiyyət və
keyfiyyət
göstəriciləri
ilə
tamamlanaraq
4
çətinlik
səviyyəsi
üzrə
diferensiallaşmasıdır”) uyğun deyil.
Gündəlik planlaşdırılma ilə bağlı nümunələrdə resurslar ümumi şəkildə məsləhət
bilinmiş, inteqrasiyaya isə kifayət qədər diqqət ayrılmamışdır. Gündəlik dərs
planlaşdırılmasında tövsiyə olunmuş təlim üsulları bir sıra hallarda müvafiq alt
standartı reallaşdırmaq üçün tam şərait yaratmır. Məsələn, səhifə 73-75; 78-79; 90-
91; 100-101; 107-108; 109-110-da təqdim olunmuş dərs nümunələrində vəziyyət bu
cürdür. Bəzi dərs nümunələrində təlim üsullarının çoxu ya standartlara uyğun
seçilməmiş, ya da göstərilən təlim üsullarının sırasında göstərilməmişdir. Məsələn,
78, 86, 90, 100, 107, 109-cu səhifələrdə verilən dərs planlarında təlim üsulu kimi
Venn diaqramının göstərilməsi məqsədəuyğundur.
Mühüm məsələlərdən biri də tədqiqat suallarının aydın olmamasıdır. Nümunə
üçün “Böyük Moğol imperiyasının parçalanmasından sonra Hindistanın
tarixdəki rolu nədən ibarət olmuşdur?” (səh.62), “Çinin XVII-XVIII əsrlərdəki
tarixi rolu nədən ibarət olmuşdur?” (səh.65), “Yeni dövrə köhnə qaydalarla
daxil olan Osmanlı imperiyasının rolu nədən ibarət oldu?” (səh.74), “Böyük
Britaniya krallığının yaranmasının tarixi şəraiti nədən ibarətdir?” (səh.93),
“XVIII əsrin sonlarının Fransanın tarixindəki rolu nədən ibarətdir?” (səh.103)
suallarını göstərmək olar.
İstər dərslikdə, istərsədə MMV-də elə ifadələr var ki, dildə ağırlıq yaradır.
Məsələn, “cədvəlləşdirin”, “variantlaşdırın”, “təşkilatlanmamışdılar” və s. Bəzi
səhifələrdə orfoqrafik və qrammatik səhvlər var. Məsələn, səhifə 91-də cədvəlin orta
23
sütunundakı 3-cü cərgədə “Məllim” əvəzinə “Müəllim”, səhifə 115-də “Vaşiqton”
əvəzinə “ Vaşinqton” yazılmalıdır.
Səhifə 59- 62. 3 və 4-cü paraqraflarla bağlı tövsiyələrdə 1.1.1. alt standartının
reallaşdırılması tələb olunsa da, alt standartın reallaşdırılmasına yararlı sual və
tapşırıq verilməmişdir.
Səhifə 90. Vaxtdan nə qədər səmərəli istifadə edilsə də, çox vaxt aparan ziqzaq
və karusel üsullarının bir dərsdə tətbiqi real görünmür.
Səhifə 100. İnsert təlim üsulu kimi göstərilmədiyi halda, dərsdə istifadə
edilmişdir.
Səhifə 103. Özünüqiymətləndirmə vərəqi nümunəsinin səhifə 101-də verilməsi
məqsədəuyğundur. Çünki əvvəlki dərsdə də özünüqiymətləndirmə vərəqlərindən
istifadə etmək tövsiyə edilmişdir.
Səhifə 109-110. Verilən dərs nümunəsində 4.1.1. alt standartına uyğun heç bir
tapşırıq təqdim edilməyib. Bu alt standartın necə reallaşdırılması dərsin gedişində öz
əksini tapmamışdır.
Müəllimin sinfin qarşısına hansı məsələ qoyduğu aydın deyil.
Səhifə 121. “Ümumi tarix” fənni üzrə resurslar siyahısında “ABŞ-da vətəndaş
müharibəsi” xəritəsi, “Borodino”, “Şimal və Cənub” bədii filmləri dərsliyin zaman
çərçivəsinə uyğun deyil.
Dostları ilə paylaş: |