5
Dərslikdə inklüzivliyi təmin edən materiallara, demək olar ki, rast gəlinmir.
Diferensial təlim üçün nəzərdə tutulmuş materiallar isə sual və tapşırıqlar
çərçivəsindən kənara çıxmır. Halbuki siniflərdə təlim nəticələri zəif, yüksək və
sağlamlıq imkanları məhdud olan şagirdlər də təhsil alır.
Təlim materiallarında tarixi hadisə və proseslərin səbəb-nəticə əlaqələrinə,
sinxronluğuna, qanun və qanunauyğunluqlarına daha çox diqqət verilməsi
məqsədəuyğundur. Nəticədə şagirdlərin tarixi hadisə və proseslərin qanun və
qanunauyğunluqlarını dərk etmək, onların inkişaf tendensiyalarını proqnozlaşdırmaq
imkanları xeyli artardı.
2.1.2. (
Dövlətlərin və xalqların həyatında baş verən ərazi dəyişikliklərini xəritə
və sxemlərdəki məlumatlar əsasında kontur xəritələrə köçürür) alt standartının tam
reallaşdırılması üçün dərslik komplektində kontur xəritə nümunəsi verilməmişdir.
3.1.1. (
Dövlətlərin (İngiltərə, Fransa, Rusiya, ABŞ, Osmanlı, İran, Çin,
Hindistan, Mərkəzi Asiyanın türk dövlətləri, Qazaxıstan, Krım, Sibir, Volqaboyu,
Qafqaz xalqları) yaranmasını, idarəçilik formalarını, siyasi, sosial-iqtisadi
münasibətlərini təhlil edir) alt standartında Krımın adı çəkilsə də, dərslikdə onun
haqqında cüzi məlumat verilmişdir.
Səhifə 5. İlk bölmələrdə tarixi dövr göstərilsə də, 3-cü bölmədə
göstərilməmişdir.
Səhifə 9-10. “Səfəvi dövlətinin zəifləməsi və süqutu” yarımbaşlığında əvvəlcə
əfqanların İsfahanı tutması, sonra Osmanlı-Rusiya müqaviləsi və onun şərtlərinə
əsasən, Azərbaycan torpaqlarının bölüşdürülməsi, daha sonra isə Azərbaycan
ərazisinin XVIII əsrin əvvəllərində əfqanlar və osmanlılar tərəfindən tutulmasından
bəhs edilir. Belə bir vaxtda Nadir xanın hakimiyyətə gəlməsi, torpaqların əfqanlardan
və osmanlılardan azad edilməsi və bununla da, Səfəvi dövlətinin sərhədlərinin bərpa
edilməsi şərh olunsa da, Rusiyanın Azərbaycan torpaqlarını tutması və sonra
çıxarılması haqqında heç bir məlumat verilməmişdir.
Yarımbaşlıqda
Şah Sultan Hüseynin hakimiyyət illərinin verilməsi
məqsədəuyğundur.
Səhifə 14. 1-ci abzasda
1
“Kuhi-nur”un dünyada ən məşhur brilyant kimi deyil,
məşhur brilyantlardan biri kimi təqdim edilməsi məqsədəuyğundur.
1
Paraqraflardakı motivasiya, yönləndirici sual, qırmızı şriftli sual və tapşırıqlar abzasların sayılmasında
nəzərə alınmamış, həmçinin başlanğıcı əvvəlki səhifədə olan abzasın davamı növbəti səhifədə 1-ci abzas
kimi götürülmüşdür.
6
Axırıncı abzasda “Gündən-günə artırılan vergilər ölkədə narazı qüvvələrin
üsyanına səbəb oldu” cümləsində narazı qüvvələrin kimlərdən ibarət olması aydın
deyil.
Səhifə 16. Açar söz kimi təqdim olunan
“Qəndəhar” sözü mətndə əksini
tapmamışdır.
Səhifə 18, 36. 3-cü abzasda
“Bu əsərdə İranın həmin dövrdəki daxili
vəziyyəti haqqında xeyli material verilib”
cümləsinin “
Bu əsərdə
Əfşarlar
imperiyasının
həmin dövrdəki daxili vəziyyəti haqqında xeyli material verilib
” kimi
verilməsi məqsədəuyğundur.
Səhifə 20. Açar söz kimi təqdim olunan
“Heydərəli” adına mətndə rast
gəlinmir.
1-ci abzasda XVII əsrin başlanğıcında Hindistanda daxili ticarətin
canlanmasından, ayrı-ayrı vilayətlərin məhsul istehsalı üzrə ixtisaslaşmasından,
şəhərlərin ticarət və sənətkarlıq mərkəzlərinə çevrilməsindən bəhs olunur. Bunlar
Hindistanda natural təsərrüfatdan əmtəə təsərrüfatına keçildiyini göstərən
əlamətlərdir. Lakin 3-cü abzasda isə XVII əsrdə Hindistanda feodalların kəndlilərdən
vergini məhsulla topladıqları göstərilmişdir. Bu, tarixi qanunauyğunluğa və tarixi
gerçəkliyə ziddir. Əslində, hələ XVI əsrin ikinci yarısından Hindistanda təkcə daxili
deyil, həm də xarici ticarət nisbətən sürətlə inkişaf etməyə başlamış, hələ qədimdən
ticarət, sənətkarlıq və mədəniyyət mərkəzləri kimi tanınmış şəhərlərin sırasına
yeniləri əlavə olunmuşdu. Bu səbəbdən də hələ XVI əsrin sonlarından hind feodalları
vergini kəndlilərdən məhsulla deyil, pulla almağa başlamışdılar.
Səhifə 25. 1-ci abzasda “İmperiya əyalət, vilayət, dairə, mahal, qəza və
kəndlərə bölünmüşdü” cümləsinin “İmperiya canişinlik, əyalət, dairə, qəza,
kəndlər, həyətlərə bölünmüşdü” kimi verilməsi daha dəqiq olar.
Səhifə 25-35. “Çin–“Qapalı ölkə” və “Gündoğan ölkə” adlı paraqraflar
şagirdlər tərəfindən çətin anlaşıldığından, yenidən işlənməsi tövsiyə edilir. Hər iki
paraqrafda çoxlu faktlar, çətin adlar yer almışdır ki, bu da şagirdlər üçün çətinlik
yaradır.
Səhifə 31-
35. “Dövlət” məzmun xətti üzrə
3.1.1. (
Dövlətlərin (İngiltərə,
Fransa, Rusiya, ABŞ, Osmanlı, İran, Çin, Hindistan, Mərkəzi Asiyanın türk
dövlətləri, Qazaxıstan, Krım, Sibir, Volqaboyu, Qafqaz xalqları) yaranmasını,
idarəçilik formalarını, siyasi, sosial-iqtisadi münasibətləri təhlil edir) alt standartında