7
adı çəkilməyən Yaponiyanın tarixi ilə bağlı “Gündoğan ölkə” paraqrafının dərsliyə
daxil edilməsi mübahisəlidir.
Motivasiyanın “Yapon xalqı da əksər slavyan və alman tayfaları kimi ibtidai
icma quruluşundan birbaşa feodalizmə qədəm qoydu” cümləsində ibtidai icma
quruluşundan birbaşa feodalizmə qədəm qoymuş tayfalar arasında ərəblərin də adının
çəkilməsi təklif edilir.
Səhifə 33. Yaponiyada aparılmış təcridolma siyasətinin, o cümlədən antixristian
tədbirlərin həmin ölkənin digər Şərq, Afrika və Amerika ölkələri kimi müstəmləkəyə
çevrilməməsində böyük rol oynadığını nəzərə çatdırmaq məqsədəuyğundur.
Antixristian tədbirlərin daha rasional açıqlamasına ehtiyac var. O tədbirlər
təcridolma siyasətinin tərkib hissəsi olub, həm də antiassimilyativ məqsəd daşıyırdı.
Xristianlığın bərabərləşdirici ideyası güclü təsirə malik olsaydı, başda Müqəddəs
Roma imperiyası olmaqla əksəriyyəti xristianlığı qəbul etmiş Avropa dövlətlərində
təbəqələşmə olmamalı, kilsələr isə əhalinin dini inanclarından yararlanıb var-dövlətə
sahib olmamalı idi.
Səhifə 38. 4-cü abzasda XVII əsrdə Çin incəsənətinə və memarlığına Avropa
mədəniyyətinin ciddi təsir edə bilməməsinin səbəbi kimi Çinin özünütəcrid siyasəti
göstərilir. Lakin səhifə 26-nın 3-cü abzasında Çinin bu siyasətə XVIII əsrin II
yarısında (1757-ci ildə) keçdiyi yazılmışdır.
Səhifə 42. 2-ci abzasın axırında Karlovitsa sülhünə görə, Osmanlı ərazisinin
Avstriya, Polşa və Rusiya arasında bölüşdürüldüyü yazılır. Həmin sülhə görə
Rusiyaya heç nə verilmədiyinə görə onun əvəzinə Dalmasiya və Moreyanı almış
“Venesiya”nın adı verilməlidir.
Səhifə 44. 1-ci abzasda
“Venesiya ilə müharibə Osmanlı dövlətinin qələbəsi
ilə başa çatdı” cümləsində hansı müharibədən bəhs olunduğu məlum deyil.
1-ci abzasın 3-cü cümləsində verilmiş “Pojarevatsk sülh müqaviləsinə görə
Serbiya və Bosniyanın şimalı Avstriyaya verildi” ifadəsi ilə növbəti səhifənin
axırıncı abzasında verilmiş “Pojarevatsk müqaviləsi ilə Avstriyaya verilmiş Şimali
Serbiya və Belqrad” ifadəsi fikir qarışıqlığına səbəb olur. Ziddiyyət yoxdursa, eyni
şərtin hər iki yerdə vahid formada verilməsi məqsədəuyğundur.
Səhifə 44-45. 2-ci abzasdakı
“Cəmiyyətin sosial-iqtisadi həyatında olduğu
kimi, siyasi sistemdə də böhran dərinləşməkdə idi”,
“Ölkənin iqtisadi
vəziyyətinin pisləşməsi ... ” fikri ilə növbəti abzasda verilmiş
“XVIII əsrin birinci
yarısında Osmanlı imperiyasında kənd təsərrüfatında və iqtisadiyyatın digər
8
sahələrində müəyyən dərəcədə irəliləyiş gözə çarpırdı. Əmtəə-pul münasibətləri
inkişaf edirdi” fikri arasında uyğunsuzluq var.
Səhifə 48. Motivasiyada sadəcə tarixi məlumat əks etdirildiyindən, şagirdlər
idraki fəallığa sövq edilmir.
Səhifə 53. İlk abzaslar arasında əlaqə zəifdir.
Qırğız xalqının tarixi barədə “Onların siyasi qurumu yox idi” və “Siyasi
qurumun olmaması dedikdə nə başa düşürsünüz?” cümlələrinin verilməsi
məqsədəuyğun deyil.
Səhifə 62. Bir abzasın daxilində 9-10 xalqın adının verilməsi və onların
yaşadıqları ərazinin göstərilməsi mövzunu ağırlaşdırır.
Səhifə 63. Sonuncu abzasda Tabasaran maysumluq kimi Şimali Qafqaza aid
edildiyi halda, 8-ci sinif “Azərbaycan tarixi” dərsliyində (Bakı: Təhsil, 2015) səhifə
85 və 103-dəki xəritələrdə sultanlıq kimi Azərbaycana aid edilmişdir.
Səhifə 72. 4-cü abzasda
“Nəbi, Nedim, Titnat xanım XVII əsr türk
ədəbiyyatının tanınmış simalarından olublar” cümləsində adı çəkilən Nedim və
Fitnat xanımın yaradıcılığı XVIII əsrə aiddir.
Səhifə 73. Axırıncı abzasda XVII-XVIII əsrlərdə Arif Şirvani, Arif Təbrizli,
Xəstə Qasım, Şəkili Nəbi, Molla Vəli Vidadi və bir çox başqa şairlərin
yaşayıb-yaratdıqları qeyd edilir. Lakin ədəbiyyat tarixinə əsasən, adı çəkilmiş
ədiblərin XVII əsrdə yaşaması mübahisəlidir.
Səhifə 81-
85. Böyük Britaniya adının XVIII əsrin əvvəlində necə yaranması
haqqında paraqrafın axırında bir abzas verildiyi halda, mətnin böyük hissəsinin XVII
əsrdən bəhs etdiyi paraqrafın “Böyük Britaniya krallığı necə yarandı?”
adlandırılması sual yaradır.
Səhifə 81. Verilmiş açar sözlər əvvəlki paraqrafa daha çox uyğun gəlir.
“Kavaler” və
“girdəbaşlar” sözləri əvvəlki paraqrafda istifadə edilmişdir.
Səhifə 85. 1-ci abzasda
“liberallar” və
“mühafizəkarlar” partiyalarının
adlarının çəkilməsi düzgün deyil. Çünki bu partiyalar XIX əsrin sonu-XX əsrin
əvvəllərində formalaşmışdır.
Səhifə 81, 86. § 13-ün I hissəsindən (səh.77) fərqli olaraq, II (səh.81) və III
(səh.86) hissələrində motivasiya və tədqiqat sualı verilməmişdir.
Səhifə 93. 1-ci abzasda kolonistlərin ucuz qiymətə satılmalı olan çaya etiraz
etmələrinin səbəbləri göstərilmədiyindən, hadisənin mahiyyətini anlamaq çətindir.
Səhifə 94. Paraqrafın əvvəlində motivasiya verilməmişdir.