30
XIX əsrin sonlarında Hindistanda ictimai həyat aktivləşdi. Bunda Avropa təhsili al-
mış, eləcə də milli dəyərlərə və ənənələrə dərin hörmət edən ziyalıların böyük rolu var
idi.
1885-ci ildə onlar ingilis hökumətinin razılığı ilə
Hindistan Milli Konqresi (HMK)
adlı yeni ictimai cəmiyyət yaratdılar. Konqresin təsisçiləri hind xalqının hüquqlarının
artırılmasına, maraqlarının ingilis parlamentində təmsil edilməsinə çalışırdılar. XX əs-
rin ilk illərində ifratçıların kütləvi hərəkatına qarşı sərt cəza tədbirləri tətbiq edildi.
Müstəmləkə zülmünün getdikcə artması, ingilis məmurlarının özbaşınalığı ümumxalq
narazılığına səbəb olurdu. Müstəmləkəçilərin özbaşınalıqlarına qarşı etiraz əlaməti
olaraq ingilis mallarının boykot edilməsinə başlanıldı. Passivliyinə baxmayaraq, boy-
kot ən kütləvi mübarizə forması idi. Bu, Hindistan tarixində birinci ümumxalq hərəkatı
hesab edilə bilər.
Çin.
XVIII əsrdən etibarən Çin imperatorlarının ölkəni ətraf aləmdən tədric etmək
siyasəti eksponsionist siyasət yürüdən Avropa ticarət şirkətlərinin planlarına zidd idi.
Vəziyyəti dəyişmək haqqında düşünən ingilislər hind vi-
layətlərində becərdikləri tiryəkin Çinə ixracını artırdılar.
Bununla onlar böyük gəlir əldə etməklə yanaşı, Çin baza-
rında ticari əlaqələr qurmaq imkanı da əldə etdilər. 1800-cü
ildə tiryəklə ticarət qadağan olunduğundan qaçaqmalçı
yollarından istifadəyə başlanıldı. Bu hal konflikt yaratmaya
bilməzdi. Cənub əyalətlərin hakiminin bu yolda əməli ad-
dımlar atması (ingilis faktoriyalarında qaçaqmalların mü-
sadirə edilməsi) 1839-cu ildə ingilislərlə toqquşmalara gə-
tirib çıxardı. Son nəticədə ingilis hərbi eskadrasının Çin
sahillərinə yaxınlaşması ilə 1840–1842-ci illəri əhatə edən
və tarixdə
Birinci "Tiryək" müharibəsi adlanan müharibə
başladı. Çinin məğlubiyyəti ilə başa çatan müharibə
Nan-
kin sülh müqaviləsi ilə bitdi. Müqaviləyə görə, Çin İn-
giltərəyə böyük məbləğdə təzminat ödədi, 5 limanını ticarət üçün açdı, ingilislərə ticari
güzəştlər, eləcə də faktoriyalarda xarici missiya üçün eksterritoriallıq hüququ verdi.
Syanqan (Honkonq) İngiltərənin mülkiyyətinə keçdi.
1844-cü ildə ABŞ və Fransa da
Çin hökumətini qeyri-bərabər hüquqlu müqavilə imzalamağa məcbur etdi.
Asılılığın güclənməsi.
Növbəti on ildə xarici siyasi problemlər daxili problemlərlə
qaynayıb-qarışdı. 1850-ci ildə ölkənin cənub-şərq əlayətlərində taypinlər üsyanı baş-
landı. Tezliklə üsyançılar Nankini tutub öz dövlətlərini yaratdılar.
Krım müharibəsi bitdikdən sonra ingilislər və fransızlar Çində öz fəaliyyətlərini ak-
tivləşdirdilər. Onlar 1842–1844-cü illərin müqavilələrinə yenidən baxılmasını, yeni
güzəşt və hüquqlar tələb edirdilər.
1856-cı ildə Çinə qarşı Böyük Britaniya və Fransa-
nın
İkinci "Tiryək" müharibəsi
(1856–1860) başladı. Müharibənin yekunu olaraq ingi-
lis və fransız təbəələri imperiya ərazisində sərbəst hərəkət və Yantszı çayı vasitəsilə
ticarət etmək hüququ qazandılar. Lakin bu müqavilə ilə nəzərdə tutulanları reallaşdır-
maq çətinləşirdi. Çünki Yantszının bir hissəsi taypinlərin hakimiyyəti altında idi. Belə
şəraitdə Böyük Britaniya, Fransa və ABŞ hərbi dəstələri quruda və dənizdə Çin ordusu
ilə birlikdə taypinlərə qarşı mübarizəyə başladı. Gərgin mübarizə nəticəsində taypinlər
məğlub oldular.
1864-cü ildə üsyançıların paytaxtı süqut etdi.
Sizcə, eksterritoriallıq hüququnun xaricilərə nə dərəcədə faydası dəyə bilərdi?
?
Krım müharibəsi bitdikdən sonra ingilis və fransızların Çində öz fəaliyyətlərini aktivləşdir-
mələrinin səbəbi nə ola bilərdi?
?
Tiryək müharibəsinə aid
karikatura
LAYİHƏ
31
Rusiya və Çin arasında imzalanmış
Ayqun müqaviləsinə (1858) görə, Amurun sol
sahili,
Pekin müqaviləsinə (1860) görə isə Ussuriysk vilayəti Rusiyaya keçdi. XIX əsrin
II yarısında Çinin xarici siyasət sahəsində mövqeyi Fransa
(1884–1885) və Yaponiya (1894–1895) ilə aparılan müharibələr
sayəsində bir qədər də zəiflədi. Məğlubiyyətlər nəticəsində im-
periya Vyetnam, Koreya və Tayvan üzərində nəzarəti itirdi.
Hərbi məğlubiyyətlər və imperiyanın zəifləməsi hakim da-
irələri narahat edirdi. Onlar ordunun və donanmanın yenidən
silahlanmasını, dövlət sənayesinin inkişaf etdiril məsini vacib
sayırdılar. Tezliklə ölkədə həm yerli, həm də xaricilərə məxsus
şəxsi müəs sisələr yaradılmağa başlandı. Gənclər üçün ənənə-
vi təhsillə yanaşı, həm də Avropa proqramlı məktəblər açıldı.
1905-ci ildə bir neçə inqilabçı qrupun birləşməsi nəticəsində
Sun Yatsenin rəhbərliyi ilə
“Birləşmiş ittifaq” təşkilatı yaradıl-
dı. Millətçiliyin, demokratizmin, xalq rifahının əsas məqsəd ol-
duğunu bəyan edən Sun Yatsen Mancur sülaləsini bu yolda əsas maneə hesab edirdi.
1911–1913-cü illəri əhatə edən inqilab nəticəsində Çində müvəqqəti Konstitusiya qə-
bul olundu, Tsin sülaləsi devrildi və prezident idarə üsulu bərqərar oldu.
Yaponiya.
XIX əsrin əvvəllərində Yaponiyada ali hakimiyyət
İmperatora məxsus olsa da, real hakimiyyət Tokuqava sülaləsin-
dən olan syoqunların əlində idi. Syoqunların mərkəzi hakimiyyəti
möhkəmləndirməyə yönəlmiş qapalılıq siyasəti ölkəni zəiflədirdi.
İqtisadiyyat inkişafdan qalmış, kəndlilərdən tutmuş samuray və
knyazlaradək əksər təbəqələrin vəziyyəti pisləşmişdi.
Qapalılıq siyasətinin iflası.
Syoqun rejimi XIX əsrin əvvə-
lində ağır daxili vəziyyətlə yanaşı, Yaponiyanın qapalılıq siya-
sə tini dağıtmağa çalışan Avropa ölkələrinin təzyiqi ilə də üzləş-
di. ABŞ bu yöndə aktiv siyasət yürüdürdü.
1854-cü ildə ABŞ və
Yaponiya arasında sülh və əməkdaşlıq haqqında
müqavilə im-
zalandı. Şərtə görə, Amerika gəmiləri Simoda və Hakodate limanlarına girmək hüququ
əldə etdilər. Simodada ABŞ konsulluğu yaradıldı. Bir neçə ildən sonra imzalanmış yeni
mü qaviləyə əsasən, amerikalılara ticarət güzəştləri, eksterritoriallıq hüququ verildi.
Tezliklə Rusiya da daxil olmaqla, bir sıra Avropa ölkələri ilə də belə müqavilələr imza-
landı.
Beləliklə, Yaponiyanın özünütəcrid siyasəti ləğv edildi.
Amma bu hadisələr ölkədə birmənalı qəbul olunmadı. Bir çox samuray və knyazlar
ölkənin müstəqilliyi üçün təhlükə yarandığını düşünürdülər. Syoqunların siyasətini
tənqid edən milli ruhlu dövlət xadimləri “Səmavi hakimə” (imperatora) müraciət etdilər.
İslahatlar.
Daxili və xarici ziddiyyətlərin olduğu bir dövrdə 15 yaşlı imperator Mut-
suxito (1867–1912) 1868-ci ildə syoqunun vəzifə və səlahiyyətlərini məhdudlaşdırıb
imperator hakimiyyətini bərpa etdi. Növbəti on ildə Yaponiyanın ənənəvi iqtisadi və
Sun Yatsen
Çinin Avropa dövlətləri ilə müharibədə məğlubiyyəti nə ilə bağlı ola bilərdi?
?
Sübut edin ki, XX əsrin əvvəllərinə yaxın Çin yarımmüstəmləkəyə çevrilmişdi.
!
Sizcə, nəyə görə xarici ölkələrlə müqavilələrin imzalanmasını samuray və knyazlar ölkə-
nin müstəqilliyi üçün təhlükə hesab edirdilər?
?
Tokuqava sülaləsinin
gerbi
LAYİHƏ