Bu piramidaların iki mislini götürməklə triqonal, tetraqonal və heksaqonal dipiramidaların sadə formalarını almış olarıq.
Şəkil 1.7.Orta kateqoriyalı sinqoniyaların sadə formaları
1‒triqonal, 2‒ditriqonal, 3‒tetraqonal, 4‒ditetraqonal, 5‒heksaqonal, 6‒diheksaqonal piramidalar; 7‒triqonal, 8‒ditriqonal, 9‒tetraqonal, 10‒ditetraqonal, 11‒heksaqonal, 12‒diheksaqonal dipiramidalar; 13‒triqonal, 14‒ditriqonal, 15‒tetraqonal, 16‒ditetraqonal, 17‒heksaqonal, 18‒diheksaqonal prizmalar; 19‒triqonal trapesiyaedr; 20‒tetraqonal tetraedr; 21‒tetraqonal trapesiyaedr; 22- romboedr; 23-heksaqonal trapesiyaedr; 24- tetraqonal skalenoedr; 25‒triqonal skalenoedr.
Bunlardan başqa daha mürəkkəb dipiramidalar mövcuddur ki, onları göstərilən üç dipiramidaların iki misli nəticəsində almaq olar. Bunlar ditriqonal dipiramida, ditetraqonal dipiramida və diheksaqonal dipiramidadan ibarət olurlar.
Orta kateqoriyanin mühüm formalarından biri romboedrdir. Bu formaya triqonal sinqoniyanın kristallarında rast gəlinir. Onun altı üzü rombdan ibarətdir. Bu formanin adı da elə buradan götürülüb. Bu formanın rambik sinqoniyanin kristallarına heç bir aiddiyyatı yoxdur, yalnız triqonal sinqoniya kristallarında rast gəlinir.
Dostları ilə paylaş: |
