vəzifəyə təyin olunanlar isə iki dirhəm ödəməlidir. Adlı-sanlı əyanlar
və çar nəslindən olan şəxslər ömrü boyu bir dəfə bir yəhərli-qayışlı at
və ya nə bacarırsa onu verməlidir. Əgər həmin şəxs bunu etməyib
ölərsə, bu vəzifə onun ailəsinin üzərinə düşür. Əsilzadələrin kilsəyə
verdikləri onda bir vergisinin yarısı Baş kilsəyə, digər yarısı isə mənsub
olduqları öz kilsələrinə verilməlidir.
Cəza və məhkəmə qanunları- Məclisin qəbul etdiyi 7-ci maddəyə görə
əgər hansısa bir xaçpərəst biri ilə dava edib onun qanını tökərsə, həmin
adam birbaşa yepiskopun yanına gətirilməli və cəzasını almalıdır. Əgər
bir rahib monastrdan oğurluq edərsə, həmin adam mühakimə olunmalı
və ona ayrılan torpaq payı kilsənin xeyrinə verilməlidir. Məclisin qəbul
etdiyi 12-ci maddəyə əsasən ölülər üçün yas saxlamaq və ağlamaq
qadağan edilir və bu qanuna qarşı çıxanlar çar divanında cəzalandırılır.
Keşişlər və ondan aşağı vəzifədə olanlar hər hansı bir suçdan sonra
günahlarını boyunlarına alarlarsa, onlar yepiskop
tərəfindən
cəzalandırılmalı və kilsədə tövbə etməlidirlər, əgər onlar günahlarını
etiraf etməsələr və günahları aşkar olunsa, onlar qanunlar əsasında
cəzalandırılıb, kənddən qovulmalıdırlar, əgər keşişlərin günahı təsdiq
olunmazsa, o zaman onlar nahar ibadətini keçirtməlidirlər.
Kilsənin idarə edilməsi ilə bağlı qanunlar- Məclisin qəbul etdiyi
qanunun 7-ci maddəsi kilsəyə mənsub olan keşişlərin və dindarların
say nisbətinin müəyyənləşdirilməsinə həsr olunub. 9-cu maddəyə
əsasən iki kiçik kənd bir-birilərinə yaxındırsa, onlar birləşdirilməli və
onlara bir keşiş xidmət göstərməlidir. 17-ci maddəyə əsasən bir kənddə
tikilmiş iki və ya üç kilsədən gələn xeyirlər və vergilər baş kilsəyə
verilməlidir. 20-ci maddəyə görə əsilzadələr öz şəxsi mülklərindən
yepiskopun xəbəri olmadan keşişi nə qova bilər, nə də ki onu təyin edə
bilər. Yepiskoplar da eyni zamanda əsilzadənin razılığı olmadan onun
mülkünə keşiş təyin edə və ya qova bilməz. Keşiş əsilzadədən və ya
dindarlardan gələn hər hansı bir təhlükəyə baxmayaraq, yepiskopun
icazəsi olmadan öz yerini tərk etməməlidir.
İbadətlə bağlı qanunlar- Qanunun 19-cu maddəsinə görə, hər bazar
günləri həm ağa, həm də ki nökər bir yerdə ibadət etmək üçün Baş
kilsəyə getməlidirlər. 21-ci maddəyə görə isə əsilzadə öz kilsəsində
səcdəgah qurub ibadət mərasimi keçirmək istəyirsə, bunu yepiskopun
icazəsi ilə etməlidir. Əgər buna əməl etməzsə, o, kilsədən uzaqlaşdırılır
və yepiskopa cərimə gətirir. Qanunun 13-cü maddəsinə əsasən ölmüş
heyvanın ətini və qırxgünlük pəhriz zamanı ət yeyən və bazar günü
işləyib kilsəyə getməyən şəxslər dindarların gözü qabağında keşiş
tərəfindən cəzalandırılır.
Ailə ilə bağlı qanunlar- Qanunun 10-cu maddəsinə görə, heç kəs öz
qohumu olan əmi və bibi nəvəsi ilə evlənə bilməz, qardaşının arvadını
ala bilməz. 11-ci maddəyə görə əgər kim öz arvadını səbəbsiz yerə
boşayıb, ikinci arvadla kəbinsiz yaşayırsa, kim cadugərlərə müraciət
edirsə, onlar çar divanına gətirilməli və işgəncələrdən sonra ölüm
cəzasına məhkum edilməlidir.
Göründüyü kimi, Aquen kilsə Məclisinin qanunları Albaniyada fedoal
münasibətlərin möhkəmlənməsinə, Alban kilsəsinin hüquqlarının
artırılmasına və kilsə xadimlərinin nüfuzunu əyanlarla eyniləşdirməyə
və onlar arasındakı münasibətləri tənzimləməyə, ölkədə dini birliyin
yaradılmasına xidmət edirdi. Lakin bütün bu tədbirlərə baxmayaraq
Çar Vaçaqanın ölümündən sonra Albaniyada xristianlıq yüksək
səviyyəyə çata bilmədi, yəni Azərbaycan türklərinin vahid dininə
çevrilmədi.
II yarpaq
Alp Ər Tonqa
Alp Ər Tonqa və onun hökmdarı olduğu Turan dövləti haqqında olan
mənbələrin azlığından və mövcud olan mənbələr də şifahi xalq
ədəbiyyatına və dini rəvayətlərə əsaslandığından bu mövzu ətrafında
müxtəlif mülahizələrin yaranmasına səbəb olub. Lakin buna
baxmayaraq böyük türk xaqanı Alp Ər Tonqanın (orta əsr şərq
mənbələrində Əfrasiyab) kimliyi zaman baxımından bir-birindən xeyli
uzaq olan iki mühüm mənbə əsasında qismən açıqlana bilir. Bunlardan
biri Azərbaycan ərazisində formalaşmış müqəddəs kitab hesab edilən
Avesta, digəri isə Türküstanda yaşamış Mahmud Kaşğarlının “Divani-
lüğət ət-Türk” əsəridir.
Birinci mənbəmiz Avesta olduğundan ilk olaraq orada Franqrasyan
adlanan və Alp Ər Tonqa hesab edilən Turan hökmdarı barədə olan
məlumata diqqət yetirək. Avestanın Yaştlar kitabının Ardvisur-Yaşt
bölməsinin XI hissəsində Turanlı Franqrasyanın Vorukaş (Xəzər)
dənizinin ortasında yerləşən Xvarnonu (xvarnonu əldə edən şəxs
xoşbəxtlik qazanır və ilahi qüdrət sahibi olur) ələ keçirmək üçün Anahit
Ardvisura qurban gətirməsi, lakin ilahə Anahitin bu qurbanı qəbul
etməməsi və ona bu zəfəri bəxş etməməsi qeyd olunur:
“Ona qurban gətirdi əsli Turanlı olan,
Uçurum qırağında bədəməlli Franqrasyan.
Min cöngə, 10 min qoyun, bir də yüz at gətirdi.
O da Ardvisurdan belə dilək dilədi:
“Ey xeyirxah, qüdrətli Anahit Ardvisur,
Mənə elə bir uğur nəsib elə, yetir ki,
Vorukaş dənizinin ortasında nur saçan,
Dostları ilə paylaş: |