qurmuş quti-lullubi xalqları və başqa Orta Asiyadan gələn ellər və
kütlələr
vasitəsilə
yaranmışdır”.
Göründüyü kimi Zöhtabi Novruzun Ön Asiyadakı Türklərlə, Orta
Asiyadan gələn türklərin törənlərinin qarışığından ibarət olduğu
qənaətindədir. Fikrimizcə, bu inkaredilməz gerçəklikdir. Bilirik ki,
Zərdüştilikdə od müqəddəs sayıldığından hətta nəfəsləri ilə də onu
kirlətməmək üçün ağızlarını parçayla örtürdülər. Halbuki Novruz
törənlərində insanlar öz mənfi enerjilərini (xalq dilində “ağırlıqlarını”)
oda “verərək” ondan xilas olmağa çalışırlar. Bu isə şaman türklərinə
məxsus adətdir. Görünür, müxtəlif ərazilərdə yaşayan türklərin adətləri
birləşərək vahid ənənə yaradıb. Hazırda Quzey Azərbaycanda olduğu
kimi güneyimizdə də Novruz törənləri adətlərə bağlı şəkildə qeyd
olunur. Bayram martın 21-də başlayır və 13 gün davam edir. Qışın son
günlərindən etibarən “Ev tökmək” adlanan təmizlik mərasimləri
başlanır. Yas tutan qohum-əqrəbanın və tanışların evinə gedilir, həmin
evin kişilərinə ağ köynək, qadınlarına isə rəngli paltarlar aparılır.
Bunun mahiyyəti ondan ibarətdir ki, qohumlarının “qara paltarını” ağ
ilə əvəzləyərək onları yasdan çıxarırlar. Daha sonra əgər varsa,
küsülülüklərə son qoyulur, kiçiklər böyükləri ziyarət edirlər. Bayram
zamanı “Novruz ağası” adlanan şəxslər evlərin damından və ya
pəncərəsindən içəriyə səbət sallayaraq ev yiyəsindən pay istəyirlər,
sonra isə bu payı yoxsullar arasında bölüşdürürlər. Güneydə keçirilən
ən maraqlı adətlərdən biri də bayramın 13-cü günü ilə əlaqəlidir.
Həmin gün kimsə evində olmaz. İnanca görə Həzrəti Adəm məhz bu
gün cənnətdən qovulub, ona görə də əgər kimsə həmin gün evində
olarsa, ilboyu ona dərd və müsibətlər gələcəkdir. Bir çox Türk boyları
arasında geniş yayılmış “Qodu-qodu”, “Kosa-kosa”, “Tənbəl qardaş”,
“Qoca
gəlin”
oyunları
Güneydə
bayram
günü
oynanılan
tamaşalardandır. Güneyli şairimiz M.H. Şəhriyarın “Heydər babaya
salam” poemasında isə bütövlükdə bir çox adətlərin real təsviri öz
əksini
tapıb.
Tədqiqatçı S.Soltanın yazdığına görə mərkəzi Urmiya olan Qərbi
Azərbaycan əyalətinin Sulduz (adı dəyişdirilərək Nəğədə olub) və ətraf
rayonlarda bu bayram çox böyük şövqlə keçirilir. Aşıqlar saz çalır,
insanlar türk havalarına şənlənir. Türk dünyasının başqa bölgələrində
olduğu kimi, Güney Azərbaycanda da Yeni Günə hazırlıq çərşənbələr
və təmizlikdən başlayır. Bu işləri bayrama 40, 30, 15 və ya 10 gün
qalanda görürlər. Məsələn, Güneyin Qoşaçay və Çayqara bölgələrində
bu işlər xalı-xalçanın, pal-paltarların çay sularında durulanması ilə
başlayır. Bu, gələcək günlərin təmiz olacağı inamı ilə bağlıdır. Təbrizin
Dəvəçi, Qonqabaşı, Şamqazan, Yekədükanlar, Abrəsan, Qarabağlılar,
Sento, Bahar, Pastur, "Çaharrahe-Şahnaz", "Tərbiyət", Qurd meydanı,
Acı körpü, Abbasi, "Kuye-vəli-əsr", "Terminal", "Barnava", Bazarağzı,
Saatqabağı,
Xiyabani,
"Şəmsül-imarə",
"Vadiye-rəhmət",
Ərk
məhəllələrində də Bakının, Gəncənin, Şəkinin, Ordubadın, Borçalının,
Lənkəranın, Dərbəndin küçələrində olduğu kimi tonqallar qalanır,
"ağırlığım-uğurluğum burada qalsın" söylənilir. Yeməklərə gəldikdə
isə, plovun çeşidli növləri - fisincan plov, zəriş plov, mürəssə plov,
şirniyyatı ilə ad çıxarmış "Şəbüstər şirinləri", şorbalar, "Təbriz" küftəsi,
rizə küftə, qarnıyarıq (badımcan dolması), "Qoşaçay" kababı, yarma aşı,
işgənə, şolən və başqa ləzzətli yeməklər hazırlanır. Şirniyyatlardan isə -
paxlava, bamiyə, zulbiya, tərə (halva növü), halvanın çeşidli növləri,
qayğanaq (paxlavaya oxşayır), filqulağı (quşfil), qulabiyə, badambura,
lətifə, kişmişli, dil ("zəban") süfrələrə yaraşıq verir. Bundan başqa
Təbrizdə badımcandan tutmuş qarpızadək, eləcə də gilənardan
qozadək bütün meyvələrdən mürəbbə və şərbət hazırlanır, bu nemətlər
Güney Azərbaycan türklərinin bayram süfrəsinin bəzəklərindəndir.
Novruz yeni günlərə olan başlanğıcdır. Bilavasitə təbiətlə əlaqəli
olduğu üçün nə qədər təmtəraqlı, möhtəşəm keçirilərsə, onun enerjisi
bir il ərzində yurdumuzun azadlığı üçün kömək edəcəkdir. Novruz
zülmə, haqsızlığa dirənişin bayramıdır. Xalqın birlik və bərabərlik
günüdür. Doğrudur, bilinən və bilinməyən səbəblər ucbatından son
dönəmlər milli bayramların keçirilməsi ötən illərə nisbətdə daha passiv
görünsə də, ümidə doğru addımladığımız yeni dönəmdə daha
coşğuyla qutlanmalı, Türk dünyasının ortaq dəyərlərə sahib olması
sərgilənməlidir.
XVII yarpaq
Manilik
Yurdumuzun görkəmli mütəfəkkiri Maninin 2014-cü ildə keçiriləcək 1800
illiyinə həsr olunur.
Maninin həyatı- Yurdumuzun ünlü filosofu Maninin həyatı tarixi
mənbələr əsasında bu günümüzədək gəlib çatıb. Zərdüşt peyğəmbər
kimi əsl adı bəlli olmayan Mani miladın 216-cı ilində aprel ayının 14-də
Mesopotomiyanın (Babilin Nahr Kutha bölgəsində) Mardinu şəhərində
zəngin bir ailədə dünyaya göz açıb. Atası Pətik Babak (Patekios,
Patticius, Paftiq, ərəbcə Futtuq) dindar bir şəxsiyyət olub, əsli kökü
Azərbaycan-Türk dövləti olan Madayın paytaxtı Ağbatana (Həmədana)
bağlı idi. Anası Mar Maryam (Məryəm) Arşaki xanədanı ilə
(Arşakilərin Kamsarakan qolu) qohumluğu olan bir qadın olub. Mani
(Manys, Manytos, Manentos, Manou, Manichios, Manes, Manetis,
Manichaus) sözünün mənası Arami dilində “Mana” kökündən yaranıb
ki, bu da “işıq” anlamındadır. Umumilikdə, “Mani” sözünün mənası
elmdə “aydınladan” kimi qəbul edilir. Ağbatandan Ktesifona köçən
Pətik çoxallahlı şəhər olan Ktesifonda həqiqi bir dindar olmaq istəyirdi.
O, bilgəlik Tanrısı Nabuya daha çox bağlanmışdı. Pətik bir gün bu tanrı
üçün edilən törənə aparılan bütün qırılmasına səbəb olan Palmiralı
Sittay ilə tanış olur. Sittayla tanışlıqdan sonra Pətik onun ardınca
getməli olduğunu anlayır və bu yolçuluğa baş qoyur. Bu onun üçün
asan olmayacaqdı, çünki bu yolda o bir çox şeylərdən vaz keçməli idi.
Sittay insan ruhunun tərbiyə edilməsinə inanan Nəsrani bir təriqətin
üzvü idi. Bu təriqətin üzvləri ticarətlə məşğul olur və qatı dindarlar
idilər. Pətik yaxşı bir insan olmaq istəməsindən bu təriqətə üzv olur.
Maninin atası təriqətə üzv olmaqla yanaşı həm də dini islahatçı
qismində də çıxış edir. Bu təriqət barədə bilgilər çox məhduddur. Əsas
ayinlərindən birinin Vaftiz olduğu bəllidir. Belə ki, günahlardan
Dostları ilə paylaş: |