8
Texnologiyaları İnstitutunda informatika kurslarında iştirak etmək üçün Magistratura
və doktorantura şöbəsinə məktub almaq üçün müraciət etməlidirlər.
3.
İmtahanlar ildə iki dəfə – yaz (aprel-may) və payız (noyabr-dekabr) sessiyalarında 1
fəndən artıq olmamaq şərti ilə keçirilir.
4.
Doktorluq imtahanlarının nəticəsi rektorun imzası ilə vəsiqə şəklində tədqiqatçıya
verilir.
11.
Əcnəbilərin və vətəndaşlığı olmayan şəxslərin doktoranturada və dissertantlıq yolu ilə
təhsil almaq hüququ
11.1.
Əcnəbilərin və vətəndaşlığı olmayan şəxslərin doktoranturada və dissertantlıq yolu ilə
təhsili Azərbaycan Respublikasının tərəfdar çıxdığı beynəlxalq müqavilələrə uyğun
olaraq hüquqi və fiziki şəxslərin birbaşa bağladıqları müqavilələr əsasında həyata
keçirilir.
11.2.
Əcnəbilərin və vətəndaşlığı olmayan şəxslərin doktoranturada və dissertantlıq yolu ilə
təhsili ödənişli əsaslarla aparılır. İllik təhsil haqqı təhsilin xüsusiyyətlərinə uyğun olaraq
ali təhsil müəssisələrinin və elmi təşkilatların tabe olduqları qurumlar tərəfindən müəyyən
edilir. Müstəsna hallarda ali təhsil müəssisələri və elmi təşkilatlar tabe olduqları
qurumların razılığı əsasında ödənişsiz qəbul həyata keçirə bilərlər.
11.3.
Xarici dövlətlərdə təhsil almış əcnəbilər və vətəndaşlığı olmayan şəxslər üçün ali təhsil
haqqında diplomun notarial qaydada təsdiq edilmiş surəti və diplomun tanınması
haqqında şəhadətnamə təqdim edilməlidir.
11.4.
Əcnəbilərin və vətəndaşlığı olmayan şəxslərin ali təhsil müəssisələrində və elmi
təşkilatlarda doktoranturaya qəbulu və dissertant təhkim olunması, eyni zamanda təhsili
bu Qaydalara və qüvvədə olan qanunvericiliyə uyğun olaraq həyata keçirilir.
12.
Dissertasiya şuraları
12.1.
Dissertasiya şuraları elmin, texnikanın, təhsilin, mədəniyyətin və incəsənətin müxtəlif
sahələrində öz elmi nailiyyətləri ilə tanınmış və görkəmli alimləri olan dövlət elmi (elmi-
tədqiqat, elmi-istehsalat) müəssisələrində (birliklərdə, təşkilatlarda) və ali məktəblərində
onların vəsatətləri əsasında yaradılır. Həmin qurumlar dissertasiya şuralarının işinin
təşkili və müdafiələrin keçirilməsi üçün zəruri şərait yaradır və onları lazımi vəsaitlərlə
təmin edirlər.
12.2.
Dissertasiya şuralarının tərkibinə fəal elmi və ya elmi-pedaqoji iş aparan, elmi kadrların
hazırlanmasında fəal iştirak edən nüfuzlu alimlər daxil edilirlər.
12.3.
Dissertasiya şuralarının fəaliyyət müddəti üç ildir.
12.4.
Dissertasiya şuraları bir qayda olaraq bir neçə (dörddən çox olmamaqla) ixtisas üzrə
namizədlik və doktorluq dissertasiyalarını müdafiəyə qəbul edirlər.
12.5.
Dissertasiyaların müdafiəsi və attestasiya məsələləri ilə bağlı sənədlərin tərtibi, həmçinin
dissertasiyaların baxılması və müdafiəsi ilə əlaqədar xərclərin ödənilməsi dissertasiya
şuralarının fəaliyyət göstərdiyi qurumlar tərəfindən həyata keçirilir.
12.6.
Dissertasiya şurası nəzdində fəaliyyət göstərdiyi qurumun möhüründən istifadə edir.
12.7.
Dissertasiya şuralarının fəaliyyətinə nəzarət Ali Attestasiya Komissiyası tərəfindən
aparılır.
13.
Fəlsəfə doktoru elmi dərəcəsini almaq üçün təqdİm edilmiş dissertasiyalara dair
tələblər
13.1.
Fəlsəfə doktoru elmi dərəcəsini almaq üçün təqdim edilmiş dissertasiya iddiaçının
müstəqil elmi işi olaraq aşağıdakı tələblərdən birinə cavab verməlidir:
9
13.1.1.
dissertasiyada müvafiq elm sahəsi üçün böyük əhəmiyyət kəsb edən hər hansı
məsələnin yeni həlli təklif olunur;
13.1.2.
böyük tətbiqi əhəmiyyəti olan iqtisadi, texniki və texnoloji işləmələrin
təkmilləşdirilmiş elmi şərhi verilir.
13.2.
Fəlsəfə doktoru elmi dərəcəsinin iddiaçıları Komissiya tərəfindən müəyyən edilmiş
qaydada ixtisas fənnindən namizədlik imtahanları verməlidirlər.
İxtisas sahəsini dəyişmiş iddiaçılar əlavə olaraq yeni seçdiyi sahənin ümumelmi
əsaslarından namizədlik imtahanı verirlər.
Namizədlik imtahanları verildiyi tarixdən altı il ərzində etibarlı sayılır.
İxtisas fənni üzrə namizədlik imtahanı dissertasiyanın müdafiəsi keçiriləcəyi təşkilatda
verilir.
Namizədlik imtahanlarının keçirilməsi ilə bağlı xərcləri nəzdində imtahan komissiyası
yaradılan müəssisə (birlik, təşkilat) ödəyir.
Namizədlik imtahanlarının proqramı və imtahanların aparılma qaydası Komissiya
tərəfindən təsdiq edilir.
13.3.
Elmi dərəcənin iddiaçıları dissertasiyanı xüsusi hazırlanmış əlyazması şəklində təqdim
edirlər.
13.4.
Dissertasiya müəllifin təkbaşma yazdığı və açıq müdafiə üçün irəli sürdüyü elmi
müddəaların və nəticələrin məcmusunu əhatə edən elmi işdir. Dissertasiya daxili vəhdətə
malik olmalı, müəllifin elmə şəxsən verdiyi töhfəni əks etdirməlidir.
Müəllif tərəfindən təklif olunmuş yeni nəticələr ciddi əsaslandırılmalı, mövcud faktlarla
və elmi baxışlarla müqayisədə tənqidi qiymətləndirilməlidir. Tətbiqi əhəmiyyətə malik
dissertasiyada müəllif tərəfindən alınmış elmi nəticələrin praktikada tətbiqi barədə
məlumat, nəzəri əhəmiyyətə malik olan dissertasiyalarda isə elmi nəticələrin tətbiqi ilə
əlaqədar tövsiyələr verilməlidir.
Dissertasiya Komissiya tərəfindən müəyyən edilmiş qaydalara uyğun tərtib edilir.
13.5.
Dissertasiyaların mövzuları müəssisələrin (birliklərin, təşkilatların) və ali məktəblərin
fakültələrinin elmi (elmi-texniki) şuralarında hər bir iddiaçı üçün ayrılıqda təsdiq
olunmalıdır.
13.6.
Dissertasiyaların əsas elmi nəticələri elmi nəşrlərdə dərc olunmalıdır.
Azərbaycan Respublikasının müvafiq elmi nəşrlərinin siyahısı Komissiya tərəfindən
təsdiq edilir.
Dissertasiyanın əsas elmi nəticələri xarici ölkələrin elmi jurnal və nəşrlərində də dərc
edilə bilər. Xarici ölkələrin elmi jurnal və nəşrlərində xarici dildə dərc edilmiş
dissertasiyanın əsas elmi nəticələrinin Azərbaycan dilində qısa xülasəsi müdafiə zamanı
Komissiyaya təqdim edilməlidir.
Dissertasiyaların elmi nəticələrinin elmi nəşrlərdə dərc olunması ilə bağlı tələblər
Komissiya tərəfindən müəyyən edilir.
13.7.
İddiaçıların fəlsəfə doktoru dissertasiyalarının nəticələrinə dair ən azı beş, o cümlədən
xarici ölkələrdə nəşr olunan nüfuzlu jurnallarda bir məqaləsi dərc edilməlidir.
Dissertasiyanın əsas elmi nəticələrini əks etdirən dərc olunmuş işlərə ixtiralar haqqında
müəlliflik şəhadətnamələri, sənaye nümunələri və patentlər, ümumrespublika və
beynəlxalq konfrans və simpoziumların nəticələri üzrə dərc olunmuş məruzə və tezislər,
elektron elmi nəşrlər də aiddir.
Ümumrespublika konfrans və simpoziumlarının nəticələri üzrə dərc olunmuş məruzə və
tezislərə, habelə elektron nəşrlərə dair tələblər Komissiya tərəfindən müəyyən edilir.
13.8.
Dissertasiyanın yazılışı zamanı iddiaçı iqtibas etdiyi materialların mənbələrinə və
müəlliflərinə istinad etməlidir.
Kollektiv müəlliflərə mənsub olan elmi ideya və işləmələrdən istifadə edilirsə, iddiaçı bu
barədə dissertasiyada qeyd etməlidir.