138
Tanrı tarixə müdaxilə edir, bu, hər üç Qərb dini üçün önəmli
inancdır. Tanrı tarixin gedişatına müdaxilə edir, hətta tarix ona görə
mövcuddur ki, Tanrı öz iradəsini həyata keçirsin. Tanrı bir zamanlar
İbrahimi vəd etdiyi ölkəyə aparıb çıxardığı
kimi, bəşəriyyəti də tarixin içindən keçirərək addımbaaddım Qiyamət
gününə aparacaq. O gün gələndə Tanrı dünyadakı bütün pislikləri yox
edəcək.
Tarixin gedişində Tanrının böyük rolu olduğuna inanan semitlər
minillərlə tarixin yazılmasıyla məşğul olublar. Onların müqəddəs
kitablarının təməlini də bu tarixi köklər təşkil edir.
Qüds şəhəri bu gün də yəhudilər, xristianlar və müsəlmanlar üçün
eyni dərəcədə əhəmiyyətli dini mərkəzdir. Bu da bu üç dinin ümumi
əsası olduğuna işarə edir. Qüdsdə sinaqoqlar, kilsələr və məscidlər var.
Faciə də ondadır ki, bu “əbədi şəhər” üzərində hakimiyyətin kimdə
olması üstündə insanlar bir-birini öldürür. Kaş BMT bir gün Qüdsü üç
dinin görüşdüyü müqəddəs mərkəzə çevirə bilə. (Hələlik fəlsəfə
kursumuzun bu praktik hissəsi üzərində çox dayanmayacağıq. Qoy bu
işi Hildenin atası üçün saxlayaq. Bildiyin kimi, o, Livanda işləyən
BMT müşahidəçisidir. Sənə onun rütbəsinin mayor olduğunu da deyə
bilərəm. Bəlkə də mən bunu deyəndən sonra müəyyən əlaqələr
görməyə başladın. Elə də olmalıdır. Amma gəl hadisələri
qabaqlamayaq!)
Bayaq dedik ki, Hind-Avropalılar üçün ən vacib duyğu görmə idi.
Semit mədəniyyəti üçünsə eşitmə ən vacib duyğudur. Təsadüfi deyil ki,
Yəhudi kredosu belə başlayır: “Dinlə, ey İsrail!” Əhdi-Ətiqdə
insanların Tanrının sözlərini necə “eşitdiklərini” oxuyuruq. Yəhudi
peyğəmbərləri də adətən öz moizələrinə bu sözlərlə başlayırlar: “Yəhva
(Tanrı) dedi ki”. Tanrnın sözlərini “eşitmək” Xristianlıqda da
vurğulanan bir məsələdir. Xristianlığa, İudaizmə və İslama dini
mərasimlərdə ucadan oxumaq və ya “nağıl etmək”, “rəvayət etmək”
səciyyəvidir.
Hind-Avropalıların
həmişə
öz
tanrılarının
rəsmlərini
çəkdiklərindən, heykəllərini düzəltdiklərindən danışmışdıq. Semitlər
downloaded from KitabYurdu.org
139
isə bunu heç vaxt etməyiblər. Onlara Yaradanın və ya Allahın rəsm və
heykəllərini yaratmaq icazəsi verilmir. Əhdi- Ətiq buyurur ki, insanlar
Tanrının şəklini çəkməməlidirlər. Bu gün də bu qanun həm İudaizm,
həm də İslam üçün keçərlidir. İslamda bundan əlavə, foto və incəsənətə
ümumi ikrah var, çünki insanlar “nə isə” yaratmaq uğrunda Allahla
yarışa bilməzlər.
Yəqin fikirləşirsən ki, bəs axı xristian kilsələri İsanın və Tanrının
rəsmlərilə doludur. Elədir, Sofi. Bu da sənə Xristianlığın Yunan-Roma
dünyasından necə təsirləndiyinə dair bir misal. (Xristian Ortodoks
Kilsəsində, yəni, Yunanıstanda və Rusiyada İncil rəvayətlərini göstərən
məzar rəsmləri, xaç üzərində İsanın rəsminin həkk edilməsi hələ də
qadağandır.)
Böyük Şərq dinlərindən fərqli olaraq, üç Qərb dini Tanrı ilə Onun
yaratdıqları arasında məsafə olduğunu vurğulayır. Məqsəd ruhun
bədəndən bədənə köçməsindən azad olmaq deyil, günahlardan uzaq
durmaqdır. Bu dinləri insanın öz daxilinə çəkilməsi və meditasiya
deyil, dua, moizə və dini kitabların öyrənilməsi xarakterizə edir.
İsrail
Sənin dinşünaslıq müəlliminlə yarışa girmək fikrim yoxdur, Sofi,
amma gəl, sadəcə Xristianlığın yəhudi keçmişinə ötəri nəzər salaq.
Hər şey Tanrının dünyanı yaratmasıyla başladı. Dünyanın necə
yaradılmasını İncilin ilk səhifələrindən oxuya bilərsən.
Sonra bəşəriyyət Tanrıya üsyan qaldırdı. Bu, yalnız Adəmlə Həvvanın
Cənnətdən qovulmalarına deyil, Yer üzünə Ölümün gəlməsinə də
səbəb oldu.
İnsanın Tanrıya itaətsizliyi mövzusu İncildən qırmızı xətlə keçir.
Əgər biz Yaradılış Kitabını oxusaq, orada qarşımıza böyük tufan və
Nuhun gəmisi çıxacaq. Orada daha sonra yazılıb ki, Tanrı İbrahim və
onun nəslindən olanlarla müqavilə bağladı. Bu müqaviləyə əsasən
İbrahim və onun nəslindən olanlar Tanrının əmrlərinə itaət etməyə,
Tanrı isə əvəzində İbrahimin bütün övladlarını qorumağa söz verib.
E.ə. 1200-cü ildə Sina dağında Musaya on ilahi əmr verilməsilə bu
müqavilə yenilənir. Həmin vaxtadək ibranilər uzun illər Misirdə qul
downloaded from KitabYurdu.org
140
kimi yaşamışdılar, lakin Tanrının köməyilə öz torpaqları olan İsrailə
dönə bildilər.
Xristianlıqdan təxminən 1000 il əvvəl, hələ yunan fəlsəfəsi olmayan
vaxtlarda, İsraildə üç böyük kral yaşayırmış. Birincisi Saul, ikincisi
Davud, üçüncüsü Süleyman idi. Bütün israillilər bir krallıqda
birləşmişdilər, xüsusən Davudun hakimiyyəti
dövründə siyasi, hərbi və mədəni çiçəklənmə dövrü yaşamışdılar.
Krallar taxta çıxmazdan əvvəl xalq onları yağlayırdı. Beləcə, onlara
“yağlanmış adam” mənası verən Məsih deyirdilər. Dini mənada
krallara Tanrı və camaat arasındakı əlaqə kimi baxırdılar. Krala
“Tanrının oğlu”, ölkəyə isə “Tanrının Krallığı” deyilirdi.
Lakin çox keçmədi ki, İsrail öz gücünü itirdi, Krallıq Şimali Krallığa
(İsrail) və Cənubi Krallığa (İudea) bölündü. E.ə. 722-ci ildə Şimali
İbrani Krallığı assuriyalılar tərəfindən fəth edildi, siyasi, dini
əhəmiyyətini itirdi. Cənubi Krallığın da aqibəti bundan yaxşı olmadı,
belə ki, oranı babillilər e.ə.586-cı ildə ələ keçirdilər. İbadətgah
dağıdıldı, əhalinin çoxu Babilistana qul kimi aparıldı. Bu “Babil
əsarəti” e.ə. 539-cu ilədək davam etdi, israillilər yalnız həmin il Qüdsə
dönüb yenidən ibadətgah tikə bildilər. Lakin İsanın anadan olduğu ilə
qədər yəhudilər xarici hökmranlıqlar altında yaşamağa davam etdilər.
Yəhudilər özlərinə daim belə bir sual verirdilər ki, axı niyə Davud
Krallığı dağıldı, niyə onların başına fəlakət dalınca
fəlakət gəldi. Axı Tanrı söz vermişdi ki, İsraili əlinin içində saxlayacaq.
Amma xalq da Tanrının əmrlərinə tabe olacağına söz vermişdi.
Getdikcə belə bir fikir yayıldı ki, Tanrı İsrailliləri onun əmrlərinə tabe
olmadıqlarına görə cəzalandırıb.
İsadan əvvəl 750-ci illərdən etibarən cürbəcür peyğəmbərlər ortalığa
çıxaraq Tanrının İsraili ona itaət etmədiyinə görə cəzalandırdığını və
daha betər cəzalandıracağını deməyə başladılar. Deyirdilər ki, bir gün
Tanrı İsraili Qiyamət günülə üzbəüz qoyacaq. Belə peyğəmbərlərə
qiyamət peyğəmbərləri deyilir.
Bununla yanaşı, elə peyğəmbərlər də ortaya çıxırdı ki, onlar
Tanrının öz xalqının bir neçə üzvünü seçərək onları xilas edəcəyini,
downloaded from KitabYurdu.org
Dostları ilə paylaş: |