162
etmişdi. Xeyir və şərin mübarizəsi fəlsəfə tarixində çox
deyilmişdi, yeniliksə bu idi ki, Avqustin üçün bu mübarizə tarixən
yaranıb inkişaf etmişdi. Avqustinin baxışlarının bu hissəsində Platon
gözə dəymir. O, daha çox Əhdi-Ətiqdə gördüyümüz, Tanrının öz
Krallığını bərqərar etməkdən ötrü tarixə ehtiyacı olmasına dair xətti
tarixi baxışdan təsirlənmişdi. Tarix insanın aydınlanması və şərin məhv
edilməsindən ötrü lazımdır. Yaxud Müqəddəs Avqustinin dediyi kimi,
“İlahi bəsirət uşaqlıqdan qocalığa doğru yol gedən insan kimi, bəşər
tarixini də Adəmdən başlayıb tarixin sonuna doğru istiqamətləndirir”.
Sofi saata baxdı. “Saat səkkizdi, bir azdan getməliyəm”, - dedi.
Amma getməzdən əvvəl sənə başqa bir böyük Orta əsrlər filosofu
haqda danışmalıyam. Bir az bayırda oturaq?
Alberto ayağa qalxdı. Qollarını sinəsində çarpazlayıb kilsənin
ortasındakı dəhlizlə getməyə başladı. Tanrını, yaxud başqa ruhani
məsələləri düşünürmüş kimi görünürdü. Sofi onun dalınca getməyə
başladı. Onsuz da başqa yolu olmadığını hiss edirdi.
Günəş hələ səhər buludlarını aralayıb özünü göstərməmişdi. Alberto
kilsənin qarşısındakı skamyada oturdu. Bir anlıq Sofinin fikrindən
keçdi ki, görəsən indi kimsə onu burada görsə, nə düşünəcək. Səhər
saat 8-də kilsə skamyasında, bir keşişin yanında oturmaq qəribə
mənzərə yaradırdı. Alberto sözə başladı:
Saat səkkizdi. Müqəddəs Avqustindən dörd əsrə yaxın vaxt keçir və
indi uzun bir məktəb günü başlayır. Saat 10-a qədər monastır
məktəbləri təhsil üzərində inhisara malik olacaq. Saat 10-la 11 arasında
ilk böyük kilsə məktəblərinin əsası qoyulacaq, saat 12-də ilk
universitetlər qurulmağa başlayacaq. Böyük qotik kilsələr də həmin
vaxt tikiləcək. Bu oturduğumuz kilsə də 1200-cü illərdə tikilib. Bu
balaca şəhərdə böyük kilsə tikməyə imkanları çatmayıb.
Böyük kilsə tikməyə ehtiyac da olmayıb, məncə. Mənim də böyük
boş kilsələrdən zəhləm gedir.
O böyük kilsələr içlərinə çoxlu adam sığsın, geniş toplantılar
keçirilsin deyə tikilmirdi ki, Sofi. Onlar Tanrının şərəfinə tikilir, elə
sadəcə varlıqları ibadət sayılırdı. Həmin
downloaded from KitabYurdu.org
163
dövrdə biz filosofların diqqətini çəkən başqa bir məsələ də var
idi.
Aha, danış, danış!
Alberto davam etdi:
Bu dövrdə İspaniyadakı ərəblərin təsiri hiss olunmağa başladı.
Ərəblər bütün Orta əsrlər boyu Aristotel ənənəsini yaşatmışdılar və
ərəb alimləri XII əsrin sonlarından etibarən əsilzadələrin dəvətilə
Şimali İtaliyaya gəlməyə başladılar. Beləliklə, Aristotelin bir çox
əsərləri yunan və ərəb dilindən latına çevrildi. Bu, təbiət elmlərinə yeni
maraq yaratdı. Bundan əlavə, xristian vəhyinin yunan fəlsəfəsilə
əlaqəsinə dair yeni baxışların meydana gəlməsinə yol açdı. Aristoteli
daha elmi məsələlərdə gözardı edə bilmirdilər. Amma adam hansı
məsələlərdə filosof Aristotelin, hansı məsələlərdə İncilin ardınca
getsin? Başa düşürsənmi, Sofi?
Sofi başıyla təsdiqlədi və keşiş sözünə davam etdi:
Bu dövrün ən böyük və mühüm filosofu 1225-ci ildə doğulub, 1274-
cü ildə vəfat etmiş Müqəddəs Foma Akvinalıdı. O, Roma və Neapol
arasında yerləşən kiçik Akvina şəhərində
yaşayır, Paris Universitetində müəllim işləyirdi. Ona filosof deyirəm,
amma o, daha çox ilahiyyatçı idi. Lakin o zaman fəlsəfə ilə ilahiyyat
arasında böyük fərq yox idi. Qısaca desək, o, Aristoteli erkən orta
əsrlərdə Müqəddəs Avqustin Platonu xristianlaşdırdığı kimi
xristianlaşdırırdı.
Xristianlıqdan yüzlərlə il əvvəl yaşamış filosofları xristianlaşdırmaq
çox qəribədir, hə?
Bəlkə də belə deyə bilərsən. Lakin bu iki yunan filosofunun
“xristianlaşdırılması” deyəndə biz vur-tut onların xristian ehkamları
üçün təhlükə təşkil etməyəcək şəkildə şərh və izah olunmasını nəzərdə
tuturuq. Akvinalı da Aristotelin fəlsəfəsini xristianlıqla uzlaşdırmağa
çalışanlardan idi. Onun inamla bilik arasında böyük sintez yaratdığını
deyə bilərik. O, bunun üçün Aristotelin fəlsəfəsinin dərinliyinə enirdi.
Yəqin çox az yatdığıma görə, başım dumanlıdır, gərək daha aydın
izah edəsən.
downloaded from KitabYurdu.org
164
Akvinalı inanırdı ki, fəlsəfə və əqlin bizə öyrətdiklərilə xristian
vəhyinin və ya inamın bizə dedikləri arasında ziddiyyət olmamalıdır.
Çünki xristianlıq və fəlsəfə eyni şeyi deyirlər. Ona
görə də ağlımızla fikir yürüdərək, İncildə oxuduğumuz həqiqətlərə
özümüz də çata bliərik.
Necə ola bilər? Ağlımız bizə Tanrı dünyanı altı günə yaratdığını
necə deyə bilər? Yaxud İsanın Tanrının oğlu olduğunu ağlımızla
özümüz necə anlaya bilərik?
Elədir, bu cür iman gerçəklərinə yalnız inamla və xristian vəhylərini
oxumaq vasitəsilə çatmaq olar. Amma Akvinalı bir sıra “təbii ilahi
həqiqətlərin mövcudluğuna inanırdı. Bu həqiqətlərə həm xristian imanı
və həm də bizim anadangəlmə, təbii ağlımızla vara bilərik. Məsələn,
Tanrının varlığı həqiqəti. Akvinalı inanırdı ki, Tanrıya iki yolla çatmaq
olar. Bir yol inanc və xristianlığın verdiyi ilham, ikinci yol isə ağıl və
duyğularımızdır. Bu iki yoldan ən etibarlısı inanc yoludur, çünki təkcə
əqlə güvənən insan aza bilər. Yenə də Akvinalının fikrincə, Aristotel
kimi bir filosofla xristian doktrinası arasında hər hansı ziddiyyət
olmamalıır.
Deməli, Aristoteli, ya İncili seçmək bizə qalıb?
Heç də yox! Xristianlığı bilməyən Aristotel yolunu sonadək gedə
bilməz, yalnız bir hissəsini qət edə bilər. Lakin yolun
yarısını getmək və yanlış yoldan getmək eyni şey deyildir. Misal üçün,
Afinanın Avropada yerləşən şəhər olduğunu demək yanlış deyil.
Amma bu, dəqiq həqiqət deyil. Əgər bir kitab sənə yalnız Afinanın
Avropada olduğunu söyləyirsə, bir başqa kitaba da, məsələn, coğrafiya
kitabına baxmaq ağıllı hərəkət olardı. Orada sən tam həqiqəti
tapacaqsan: Afina Yunanıstanın paytaxtıdır, cənub-şərqi Avropada
kiçik bir ölkədir. Bəxtin gətirsə, kitabda Akropol haqda, hələ Sokrat,
Platon və Aristotel haqda da məlumat tapa bilərsən.
Amma Afina haqda olan ilk məlumat da doğru idi.
Bəli! Akvinalı sübut etmək itəyirdi ki, yalnız bir həqiqət var.
Beləliklə, Aristotelin bizə göstərdiyi, bizim də ağlımız vasitəsilə
anladığımız şeylər xristian təlimilə ziddiyyət təşkil etmir. Biz həqiqətin
downloaded from KitabYurdu.org
Dostları ilə paylaş: |