E L E K T R O N B İ Z N E S
_________________________115___________________________
Uğurlu biznes aparmaq üçün ixtiyari bazar iştirakçısı olan
elektron ticarət və ya servis şirkəti hər iki qrupa aid olan
şirkətlərdən üstün olmalıdır. Rəqabətdə üstünlük qazanmağın
bir sıra əsas üsulları vardır.
Belə üsullardan biri ənənəvi rəqib şirkətlərlə müqayisədə
mal və xidmətlərin qiymətlərini aşağı salmaqdan ibarətdir. Bu
halda, bütün başqa bərabər şərtlərdə, kim pula daha çox
qənaət edə bilirsə, o da konkret dəyər əlavəsinə nail olur.
Kiberfəzada fəaliyyət göstərən şirkətlərdən qiymət endirə
bilənlər yalnız icarə haqlarının, əmək haqqı və transaksiya
xərclərinin nisbətən aşağı səviyyəsinə istinad edənlərdir.
Çox hallarda, məsələn, elektron birjalarda qiymətlərin
endirilmək imkanı vasitəçilərdən imtina imkanı ilə bağlıdır.
Lakin təcrübə göstərir ki, qiymətlərin endirilməsi virtual şirkətə
yalnız qısamüddətli səmərə verə bilir. Çünki onun qiymət
siyasəti rəqib şirkətlər tərəfindən tezliklə qəbul edilir. Bundan
əlavə, qiymət endirimi iflasa səbəb olan təhlükəli üsuldur.
Rəqabət qabiliyyətinin yüksəldilməsi üçün daha məqbul
üsul istehlakçılara təklif edilən mal və xidmətlərə dəyər əlavə
edilməsinin təkmilləşdirilməsindən ibarətdir. Bu, adətən
müştəriyə göstərilən servisin səviyyəsinin yüksəldilməsi və
münasibliyi formasında həyata keçirilir. Ənənəvi şirkətlər
qarşısında kiberfəza yeni texnologiyalar hesabına üstün şərait
yaradır. İnformasion infrastruktur eyni zamanda həm də
müəyyən tip malların (proqram təminatının, audio yazıların,
qiyabi məsləhət mətnlərinin) ünvana çatdırılması mühitidir.
Kiberfəzaya xas olan problem tranzaksiyaların ödənməsinin
təhlükəsizliyinin təmin edilməsindən ibarətdir. İkinci problem
onlayn rejimdə ödəmələrə inamsızlıqdır.
E L E K T R O N B İ Z N E S
_________________________116___________________________
Elektron biznes üçün xarakterik olan mal və xidmətlərin
dəyərinin artırılması priyomu alıcıya fərdi yanaşmaqdan
ibarətdir.
Yahoo! portalının menecerlərinin təklif etdiyi texnologiya
müştərilərlə qarşılıqlı münasibətlərin möhkəmləndirilməsinə
ciddi kömək edir.
E L E K T R O N B İ Z N E S
_________________________117___________________________
ELEKTRON BİZNES ÜÇÜN TEXNOLOJİ
HƏLLƏR
1973-cü ildə Robert Ken və Vinston Serf International
Network Working Group seminarında çıxış edərək İnternet
şəbəkəsinin fəaliyyətinin əsas prinsiplərini qısaca dürüst ifadə
etdilər. Həmin ildə ABŞ ərazisində fəaliyyət göstərib inkişaf
edən ARPANET həqiqi qlobal şəbəkəyə çevrildi. Belə ki, ABŞ-ın
ARPANET şəbəkəsi London Universitet kollecinin və Norveç
Krallığının radiolokasiya cəmiyyətinin hesablayıcı resursları ilə
əlaqələndirildi. 1980-ci illərin əvvəllərinə İnternetin TCP/IP adlı
baza telekommunikasiya protokolları ailəsi formalaşdı, elektron
poçt, faylların ötürülməsi protokolu (FTP), qlobal advermə
xidməti (DNS) kimi İnternet üçün xarakterik olan çoxsaylı
texnologiyalar təşkil edildi, texniki sənədləşdirildi və sınaqdan
keçirildi.
Texnologiyalar inkişaf etdikcə, kompüter texnikası
ucuzlaşdıqca, potensialı şəbəkə texnologiyalarının inkişafına
yardımçı olan yeni universitetlər, elmi-tədqiqat müəssisələri
layihəyə qoşuldular. 1971-ci ildə ARPANET şəbəkəsi 15
düyündən ibarət idi. 1972-ci ildə düyünlərin sayı 40-a, 1977-ci
ildə 100-ə çatdı. 1984-cü ildə 1000 düyün, 1986-cı ildə 5000
düyün, 1989-cu ildə 100 min düyün fəaliyyət göstərirdi. 1990-
cı ildə milli və beynəlxalq qlobal şəbəkələrdə xüsusi şlüzlərlə
birləşdirilmiş 300 min düyün fəaliyyət göstərirdi ki, bunlar da
müxtəlif dövlət, kommersiya və digər təşkilatları təmsil edirdi.
Beləliklə, aydın oldu ki, kompüter texnologiyalarına əsaslanan
transmilli telekommunikasiya infrastrukturu yaranmışdır.
E L E K T R O N B İ Z N E S
_________________________118___________________________
Kommunikasiya infrastrukturunun informasiya
infrastrukturuna çevrilməsi Tim Berners-Li tərəfindən ixtira
edilən
və
İnternetə
yönəldilən
hipermətn
sənədi
konsepsiyasının nəşri ilə bağlıdır. Beləliklə, T.Berners-Li
Ümumdünya hörümçək torunun (WWW və ya Veb) texnoloji
əsasını yaratdı.
QEYD: Sayt ingiliscə Website sözbirləşməsindən əmələ
gəlmişdir, burada “web – hörümçək toru, şəbəkə” və “site –
yer” anlamını veriri. Site sözü hərfi mənada “şəbəkədə yer,
seqment, hissə” deməkdir. Sayt ümumi ünvana (domen adlı
və ya IP ünvanlı) malik kompüter şəbəkəsində hüquqi şəxsin
və ya təşkilatın elektron sənədlər (fayllar, verilənlər və
kodlar) sistemidir. Bütün saytların toplumu Ümumdünya
Hörümçək Torunu əmələ gətirir.
Dünyada ilk saytı (
info.cem.ch saytı) 20 dekabr 1990-cı
ildə Tim Berners-Li yaratmışdır. Müəllif yaratdığı saytda
World Wide Web texnologiyası haqqında məlumat vermişdir.
Sayt HTTP verilənlər protokolu texnologiyasını, URL ünvanlar
sistemini və HTML hipermətn dilini dəstəkləyirdi. Yaradılmış
sayt dünyada ilk İnternet-kataloq oldu.
İndiki zamanda Tim Berners-Li yaratdığı Ümumdünya
Hörümçək Toru Konsorsiumuna (World Wide Web
Consortium) rəhbərlik edir. Təşkilat İnternet standartlarının
tədqiqatı və tətbiqi ilə məşğul olur.
Dostları ilə paylaş: |