201
kondensatorun enerji sıxlığı adlanır və
ilə işarə olunur:
.
BS-də enerji sıxlığının vahidi
= 1
-dir .
Sadə hesablama aparmaqla, kondensatorun enerji sıxlığı üçün
şəklində ifadə almış olarıq.
Sonda qeyd edim ki, yükləndikdən sonra gərginlik mənbəyindən ayrılmış
kondensator üçün , sabit gərginlik mənbəyinə qoşulmuş kondensator
üçün isə U = const şərtləri ödənilir.
202
MAQNİT HADİSƏLƏRİ
MAQNİT SAHƏSİ.
Elektrik cərəyanının maqnit təsiri yaratması məlumdur. Başqa sözlə desək,
məlumdur ki, cərəyanlı naqilin ətrafında maqnit əqrəbinə təsir edə bilən və
elektrik sahəsindən fərqlənən başqa bir sahə yaranır. Bu sahə maqnit sahəsi
adlanır. Deməli, əgər elektrik sahəsini elektrik yükü yaradırsa və bu sahə sahədə
yerləşmiş digər elektrik yükünə təsir edə bilirsə, maqnit sahəsi cərəyanlı naqil
tərəfindən yaradılır və sahədə yerləşmiş digər cərəyanlı naqilə təsir edə bilir.
Elektrik sahəsi sahədə yerləşmiş yüksüz cismə təsir edə bilmədiyi kimi, maqnit
sahəsi də sahədə yerləşmiş cərəyansız naqilə təsir edə bilmir.
Dediklərimizdən aydın olur ki, elektrik yükünə malik cisimlər arasında
elektrik qarşılıqlı təsiri baş verdiyi halda, cərəyanlı naqillər arasında maqnit
qarşılıqlı təsiri baş verir, yəni bir cərəyanlı naqilin digər cərəyanlı naqilə təsiri
maqnit sahəsi vasitəsilə həyata keçir. Bu zaman naqillərdən eyni istiqamətli
cərəyanlar axırsa, onlar bir - birini cəzb edir, əks istiqamətli cərəyanlar
axanda bir-birini itələyir, naqildən cərəyan axmadıqda isə cərəyanlı naqil
ona təsir etmir. Bunu sxematik olaraq şəkil 235 –dəki kimi göstərmək olar.
Şəkil 235.
203
Elektrik cərəyanının sərbəst yüklü zərrəciklərin nizamlı hərəkəti olduğunu
bilərək, maqnit sahəsinin nizamlı hərəkətdə olan elektrik yükləri tərəfindən
yaranması fikrini söyləmək olar.
Belə çıxır ki, əgər elektrik yükü sükunətdədirsə, o, ətrafında yalnız
elektrik sahəsi yaradır, nizamlı hərəkət etdikdə isə elektrik sahəsi ilə yanaşı, həm
də maqnit sahəsi adlanan sahə yaradır.
Maqnit sahəsi hərəkətdə olan yük tərəfindən yaradılır və sahədə hərəkət
edən digər yükə təsir edə bilir. Maqnit sahəsi hərəkətsiz yükə və sahədə hərəkət
edən yüksüz cismə təsir edə bilmir.
Bu xüsusiyyətinə görə də maqnit sahəsi yükün elektrik sahəsindən
fərqlənir.
Maqnit sahəsinin yükün yaratdığı elektrik sahəsindən digər fərqi sahənin
qüvvə xətlərinin qapalı olmasıdır. Qüvvə xətləri qapalı olan sahə burulğanlı
sahə adlanır.
Qeyd edim ki , burulğanlı elektrik sahəsi, yəni qüvvə xətləri qapalı olan
elektrik sahəsi də mövcuddur ki, bu sahəni yük deyil, dəyişən maqnit sahəsi
yaradır (bu barədə bir az sonra).
Sarğac formasına salınmış cərəyanlı naqildə (spiralda) düz naqillə
müqayisədə daha çox istilik ayrıldığını bilirik. Buna oxşar olaraq, aydın olmuşdur
ki, düz naqilə nisbətən sarğac halına salınmış naqilin yaratdığı maqnit sahəsi də
güclü olur və həmin sarğacın içərisinə dəmir içlik yerləşdirdikdə isə onun yaratdığı
maqnit sahəsi daha da güclənir.
Dəmir içliyi olan sarğac elektromaqnit adlanır.
Misdən və yaxud da alüminiumdan olan içlik sarğacın maqnit sahəsini
gücləndirmir.
Bildiyimiz kimi, sabit maqnitlər də mövcuddur. Maqnit sahəsini uzun
müddət özündə saxlayan maddələr sabit maqnitlər adlanır. Maqnit sahəsini
cərəyanın yaratmasını əsas götürərək, Amper sabit maqnitlərin maqnit xassəsini
onların daxilində dairəvi cərəyanların mövcudluğunda görürdü. İlk əvvəl qəbul
olunmamasına baxmayaraq, sonradan məlum oldu ki, Amperin fərziyyəsi doğru
imuş. Belə ki, elektronların nüvə ətrafında hərəkəti dairəvi cərəyan yaradır ki, bu
da cismin maqnit xassəli olmasına səbəb olur. Əgər bütün cisimlərin nüvə
ətrafında fırlanan elektronlara malik olmasını əsas götürsək, onda belə çıxır ki,
204
bütün cisimlər maqnit xassəli olmalıdır. Əslində isə yalnız az miqdarda cisimlər
maqnit xassəsinə malik olurlar. Bəs, bunu necə izah etmək olar ? Bunun səbəbi
odur ki, elektronlar bütün mümkün istiqamətlər üzrə fırlanma müstəvilərinə
malik olurlar. Buna görə də bir elektronun fırlanmasının yaratdığı maqnit sahəsini
digər elektronun yaratdığı maqnit sahəsi tamamilə yox edir və nəticədə maddə
maqnit xassəsinə malik olmur. Belə çıxır ki, maddənin maqnit xassəsinə malik
olması üçün onun elektronlarının fırlanma müstəvilərini düzləndirmək lazımdır.
Bu halda ayrı-ayrı elektronların maqnit sahələri bir-birini söndürməyib, əksinə,
gücləndirəcək və maddə maqnitə çevriləcək.
Dediklərimizdən aydın olur ki, sabit maqnitlər eyni müstəvidə fırlanan
elektronlara malik maddələrdir. Cərəyanlı sarğacın içərisində dəmir içlik
yerləşdirən zaman isə sarğacın maqnit sahəsinin təsiri ilə dəmirin elektronları
eyni müstəvidə fırlanmağa başlayır və ona görə də dəmir maqnitə çevrilərək
sarğacın maqnit sahəsini gücləndirir. Deməli, sabit maqnitlər hazırlamaq üçün
dəmir (həmçinin də çuqun, polad) içlik düzəldib, cərəyanlı sarğacın içərisində
yerləşdirmək lazımdır. Bu zaman içlik sabit maqnitə çevriləcək. Onun maqnit
xassəsini yox etmək üçün nizamlanmış elektron müstəvilərini yenidən pozmaq
lazımdır. Bunun üçün maqniti qızdırmaq kifayətdir. Məlum olduğu kimi, yüksək
temperatur xaotik hərəkətin sürətini artırır və nəticədə müstəvilərin nizamlılığı
pozulur.
Maqnitin maqnit xassəsinin yox olduğu temperatur Küri temperaturu
adlanır.
Qeyd edim ki, təbii sabit maqnitlər də vardır. Bunlar Yer kürəsinin müxtəlif
ərazilərində – maqnit anomaliyası olan yerlərdə olur.
Sarğacın maqnit sahəsi mis və ya alüminiumun elektronlarının fırlanma
müstəvilərini düzləndirə bilmədiyi üçün onlar maqnitə çevrilə bilmirlər və buna
görə də sarğacın maqnit sahəsini artırmırlar. Bu səbəbdən də maqnit dəmir ilə
qarşılıqlı təsirdə ola bilir, mis və ya alüminium ilə isə qarşılıqlı təsirdə ola bilmir.
Yerin maqnit sahəsi.
Maqnit əqrəbi (məsələn, kompasın əqrəbi) Yerin səthində həmişə müəyyən
bir istiqamət üzrə yönəlmiş olur. Əqrəbi bu vəziyyətdən çıxarmağa cəhd etsək, o
yenə də əvvəlki vəziyyətinə qayıdır. Maqnit əqrəbini həmişə eyni vəziyyətdə
Dostları ilə paylaş: |