190
molekul şəklində birləşməsi zamanı “güclü” nüvəyə malik xlor, nüvəsi “zəif”
olan natriumun yeganə valent elektronunu da özünə birləşdirərək mənfi iona
çevrilir. Bu zaman elektron itirmiş natrium müsbət yüklənir və beləliklə də əks
işarəli yüklərə malik bu ionlar arasında ion rabitəsi adlanan rabitə yaranır.
Yaranmış molekulda müsbət yükün paylanma mərkəzi natriumda, mənfi yükün
paylanma mərkəzi isə xlorda yerləşir.
Müsbət və mənfi yüklərin paylanma mərkəzləri üst-üstə düşən atom və
ya molekullardan təşkil olunmuş dielektriklər isə qeyri-polyar dielektriklər
adlanır (şəkil 218).
Bütün qazlar (həmçinin də təsirsiz qazlar) qeyri-polyar dielektriklərə misal
ola bilər. Qeyri polyar molekullar elektromənfilikləri eyni olan atomların
birləşməsindən əmələ gəlir.
Qeyri –polyar atom Qeyri –polyar molekul
Şəkil 218.
Atom və ya molekullarda nüvə ətrafında fırlanan elektronların sürəti o
qədər böyükdür ki, elektron eyni zamanda orbitin hər yerində olur (fırlanan
təkər üzərində nöqtə çevrə kimi göründüyü kimi). Ona görə də mənfi yükün
mərkəzi elektronun fırlandığı çevrənin mərkəzində, yəni nüvənin üzərində olur,
yəni bu növ atom və molekullarda müsbət və mənfi yüklərin paylanma
mərkəzləri üst-üstə düşür.
Dielektriklərin polyarlaşması.
1. Polyar dielektriklərin polyarlaşması. Vakuumda bircins elektrik sahəsi
yaradaq. Bu zaman lövhələr arasında yaranan elektrik sahəsinin intensivliyini
ilə işarə edək. Sonra lövhələrin arasını hər hansı polyar dielektriklə (məsələn,
duzla) dolduraq. Lövhələrə yük verilmədikdə (elektrik sahəsi olmadıqda), duzun
polyar molekulları qarmaqarışıq paylanmış olur. Lövhələrə yük verildikdə (elektrik