174) Psixotrop dərmanlara aid reseptlər neçə gün etibarlıdır?
A) 1 ay
B) 5 gün
C) 1 həftə
D) 15 gün
E) 10 gün
Psixotrop dərman preparatlarına aid resept nüsxələrinin yazılması Azərbaycan Respublikası Səhiyyə Nazirliyinin 01.05.2001-ci il tarixli, 39 saylı əmri ilə müəyyən edilmiş qaydalar üzrə həyata keçirilir.
Ədəbiyyat: E.M.Ağayev, İ.İ.Rəhimov. “Farmakologiya” (reseptura ilə birlikdə). Bakı, “Nurlan”, 2005 səh 15
175) 1 resept nüsxəsinə neçə psixotrop dərman preparatı yazılmalıdır?
A) 1
B) 5
C) 4
D) 3
E) 2
Bir resept nüsxəsinə yalnız 1 psixotrop dərman preparatı yazılmalıdır.
Ədəbiyyat: E.M.Ağayev, İ.İ.Rəhimov. “Farmakologiya” (reseptura ilə birlikdə). Bakı, “Nurlan”, 2005 səh 15
176) Dərmanın təcili hazırlanması lazım gəldikdə reseptin yuxarı hissəsinə hansı söz yazılır?
A) Sanare
B) Coquere
C) Cito
D) Consprigere
E) Repetetur
Dərmanın təcili olaraq hazırlanması və buraxılması lazım gəldikdə resept blankının yuxarı hissəsində Cito yəni təcili sözləri yazılır.
Ədəbiyyat: E.M.Ağayev, İ.İ.Rəhimov. “Farmakologiya” (reseptura ilə birlikdə). Bakı, “Nurlan”, 2005 səh 14
177) Dozalanmamış poroşoklar hansı dozalarda buraxılır?
A) 1,0-10,0
B) 5,0-100,0
C) 100,0-1000,0
D) 10,0-100,0
E) 0,1-1,0
Dozalanmamış poroşoklar 5,0 q, 100 q qədər miqdarında kağız paketlərdə, yaxud şüşə qablarda buraxılır
Ədəbiyyat: E.M.Ağayev, İ.İ.Rəhimov. “Farmakologiya” (reseptura ilə birlikdə). Bakı, “Nurlan”, 2005 səh 22
178) Aşağıdakı yollardan hansı dərman vasitələrinin enteral yeridilmə yoluna aiddir?
A) Dərialtı
B) Əzələdaxili
C) İntraplevral
D) Rektal
E) Venadaxili
Enteral yəni mədə-bağırsaq sistemindən keçən yol. Rektal yolla yeritmə dərman maddələrinin düz bağırsağa yeridilməsidir.
Ədəbiyyat: E.M.Ağayev, İ.İ.Rəhimov. “Farmakologiya”. Bakı, “Nurlan”, 2005 səh 49
Dostları ilə paylaş: |
