91
Aktivlərin keyfiyyətini əks etdirən göstəricilər - bankın fəaliyyətində kreditləşmə bankın
əsas gəlir mənbəyidir və kredit portfelinin pisləşməsi bankın sabit artımına mənfi təsir
edir;
Bazar riskləri üzrə göstəricilər – valyuta məzənnəsinin və faiz dərəcələrinin dəyişməsinin
təsirinin qiymətləndirilməsi.
İndeksin dəyişənlərinin (simptomların) təsiri standartlaşdırılma
21
üsulu ilə
qiymətləndirilir. Hər dəyişən standartlaşdırıldıqdan sonra indeks əsasən çəkisiz olaraq hesablanır
(Acar, 2007).
Göstəricilərə dair kritik həddlər statistik üsüllara və beynəlxalq təcrübəyə əsasən
müəyyən olunur və verilmiş limitlərdən kənarlaşmalar risklərin azalıb və ya artmasını əks etdirir.
Hər qrup üzrə ümumiləşdirilmiş nəticə göstəricilərin orta ölçülmüş qiyməti əsasında hesablanır.
İndeks indikator qruplarının orta riyazi qiyməti kimi hesablanır.
Ümumi indeks aşağıdakı intervallarda dəyişir:
(1; 1.5) intervalında – sabit;
[1.5; 2) – normal (orta risk səviyyəsi);
[2; 2.5) qənaətbəxş (risklərin artımı müşahidə olunur);
[2.5; 3) - qənaətbəxş (risklərin yüksək səviyyədə olması müşahidə olunur);
[3; 3.5) - qeyri-sabit;
[3.5; və yuxarı) bank sisteminin vəziyyəti təhlükəli kimi qiymətləndirilir.
3. Azərbaycan üçün bank böhranı indekslərinin qiymətləndirilməsi
3.1. Azərbaycan bank sisteminin kövrəklik indeksi (BSKİ)
Tədqiqat zamanı Azərbaycan bank sistemi üçün BSKİ hesablanmış və qiymətləndirmələr
aparılmışdır (Şəkil 3). Qlobal böhranın təsirlərinin nəzərə almaq məqsədi ilə indeksin
qiymətləndirməsi 2007-ci ilin əvvəllərindən aparılmışdır. İndeksin qurulması zamanı
Azərbaycan bank sisteminin aktivlərinin 75%-ni təşkil edən bankların göstəricilərindən istifadə
edilmişdir.
21
Standartlaşdırma - hər bir dəyişənin orta qiymətindən fərqinin dəyişmələrin standart kənarlaşmasına bölünməsi ilə hesablanır.
92
I
I
III
IV
V
Şə
kil 3. Azərbaycan bank sisteminin kövrəklik indeksi
0,6
0,5
0,4
0,3
0,2
0,1
-1E-15
-0,1
-0,2
-0,3
-0,4
-0,5
-0,6
Mənbə: müəlliflər tərəfindən hazırlanmışdır.
Qiymətləndirilmiş BSKİ əsasən Azərbaycan bank sisteminin inkişafını 5 fazaya bölmək
mümkündür:
I faza - Yüksək templi inkişaf və risk potensialının formalaşması;
II faza - Orta səviyyəli templə inkişaf və potensial risklərin yenidən
qiymətləndirilməsi;
III faza – Qlobal böhranın banklara psixoloji təsiri, xarici borclanmanın
məhdudlaşması və banklar tərəfindən inkişaf strategiyalarının yenidən nəzərdən keçirilməsi;
IV faza - Risklərin çevik tənzimlənməsi;
V faza -Maliyyə dayanıqlığı.
I-ci fazada (2007-ci il və əvvəlki dövrlər) Azərbaycan iqtisadiyyatı yüksək templə inkişaf
etmiş, həm neft, həm də qeyri-neft sektorunda ikirəqəmli artım templəri müşahidə olunmuşdur.
Ölkənin xarici mövqeyi yaxşılaşmış, tədiyyə balansının cari hesabında profisit yaranmışdır.
Əhalinin pul gəlirləri və məşğulluq səviyyəsində də əhəmiyyətli artım müşahidə olunmuşdur.
Sürətlə inkişaf edən iqtisadiyyat bank sektorunun maliyyə vasitəçiliyinin genişlənməsinə,
bank xidmətlərinə çıxış imkanlarının və xidmətlərdən istifadənin artmasına imkan vermişdir. Bu
illərdə bank sektorunun daxili və xarici resurs bazası artmış, iqtisadiyyatın real sektorunun
kreditləşməsində yüksək artım templəri müşahidə olunmuşdur. 2007-ci ilin sonlarından
başlayaraq isə banklar potensial risklərdən uzaqlaşmaq mövqeyinə üstünlük verməyə başladılar.
II-ci fazada, artıq 2008-ci ilin əvvəllərindən dünya maliyyə bazarlarında baş vermiş
böhran dünyada investorların “risk iştahasının” dəyişməsinə səbəb olmuşdur. Bu şəraitdə xarici
mənbələrdən
vəsaitlərin
cəlb
edilməsi
imkanları
məhdudlaşmışdır.
Bu,
banklarda
yenidənmaliyyələşdirmə və likvidlik risklərini aktuallaşdırmışdır. Nəticədə bank sistemi riskləri
yenidən qiymətləndirmiş və orta səviyyəli templə inkişaf zonasına daxil olmuşdur.
93
III-cü fazada, bankların qlobal böhrandan psixoloji təsirlənmə prosesi ilə xarakterizə
olunur. Bu dövrdə kredit portfelinin artımında yumşalma olsa da, kredit portfelində ciddi mənfi
dəyişikliklər baş verməmiş və indeks kritik həddi (-0,5) aşmamışdır. Burada Azərbaycan
Mərkəzi Bankı (AMB) tərəfindən həyata keçirilən prudensial siyasətin xüsusi rolunu qeyd etmək
lazımdır.
Qlobal böhranın iqtisadiyyata və bank sisteminə mənfi təsirlərini yumşaltmaq üçün AMB
uçot dərəcəsini və məcburi ehtiyat normasını azaltmış, bankların xarici öhdəliklərini məcburi
ehtiyat normasından azad etmişdir. Nəticədə əhalinin banklara etimadı qorunub saxlanılmış və
kredit portfelinin keyfiyyətin pisləşməsi müşahidə olunmamışdır. Banklar bu dövrdə yeni inkişaf
strategiyalarını nəzərdən keçirmiş və artım templərini bərpa etməyə başlamışlar.
IV-cü fazada, banklar əsas səylərini AMB-in həyata keçirdiyi tədbirlər və tövsiyyələri
əsasında risklərin çevik tənzimlənməsinə və potensial risklərə qarşı maliyyə buferinin
möhkəmləndirilməsinə yönəltmişlər. III-cü və IV-cü fazada mümkün itkilər üzrə bankların
maliyyə ehtiyatlanması artırılmış, AMB tərəfindən sistem əhəmiyyətli və ayrı-ayrı banklar
üzrə fərdi stabilləşdirmə proqramları hazırlanmış və uğurla həyata keçirilmişdir.
V-ci fazada, qlobal böhran fonunda bank sistemi yüksək maliyyə dayanıqlılığı nümayiş
etdirərək öz inkişafını davam etdirmişdir. Artıq bu dövrdə bank sektorunun likvidlik və kapital
adekvatlığı göstəriciləri tələb olunan normanı üstələmişdir. Bank aktivləri, iqtisadiyyata kredit
qoyuluşları və əhalinin əmanətlərinin artım templərində yüksəlmə müşahidə olunmuşdur.
Beləliklə, BSKİ göstərir ki, qlobal böhranın pik dövründə belə, Azərbaycan banklarının
kövrəkliyi qəbul olunmuş normalar çərçivəsində olmuşdur.
3.2. Azərbaycan bank sisteminin maliyyə dayanıqlılığı indeksi (BSMDİ)
Tədqiqat zamanı Azərbaycan bank sistemi üçün hesablanan ikinci indeks BSMDİ-dir.
Şəkil 4-dən göründüyü kimi, qlobal böhran dövründə indeks 1.5-2.0 arasında olmuşdur. İndeksin
2.0 həddini aşması baş versə idi belə, bank sisteminin maliyyə dayanıqlılığı yenə də qənaətbəxş
olardı, baxmyaraq ki, bu zaman potensial risklər artmış hesab olunur. Beləliklə, bu indeks qlobal
böhran zamanı Azərbaycan bank sisteminin dayanıqlı olmasını nümayiş etdirir.
Dostları ilə paylaş: |