125
çoxsaylı tədqiqat işləri yerinə yetirilmişdir. Tədqiqat işləri arasında ekonometrik təhlillərə
əsaslanan tədqiqatlar xüsusilə üstünlük təşkil edir.
An (2006) VAR modelindən istifadə etməklə səkkiz əsas sənaye ölkəsində məzənnə
ötürücülüyünü nəzərdən keçirərək yeni bir ekonometrik yanaşmanı təklif edir. Məzənnənin
yüksək ötürücülüyünün idxalın həcmi, daha sabit və az dəyişkən məzənnə səviyyəsi, daha çox
dəyişkən pul siyasəti, yüksək inflyasiya səviyyəsi və daha az volatil ÜDM kimi bir çox
amillərdən asılı olduğunu müəyyən edilmişdir.
Rowland (2004)Kolumbiya iqtisadiyyatını nəzərdən keçirərək iki ekonometrik yanaşmadan
istifadə edir: VAR modeli və kointeqrasiya təhlilləri. Müəllif müxtəlif qiymət indekslərini
nəzərdən keçirərək idxal, istehsalçı və istehlakçı qiymətlərinə ötürücülüyün səviyyəsinin uyğun
olaraq 80%, 28% və 15% olduğunu müəyyən edir.
Ümumilikdə, sənayecə inkişaf etmiş ölkələrlə müqayisədə inkişaf etməkdə olan ölkələrdə
ötürücülük müxtəlif xarakterli olur. McCarthy (2006) sənayecə inkişaf etmiş ölkələrdə məzənnə
ötürücülüyünü araşdıraraq müəyyən etmişdir ki, idxal qiymətlərinin çox təsirlənməsinə
baxmayaraq, ölkə daxilində istehlakçı qiymətlərinə ötürcülüyün aşağı olması nəzərə çarpır.
Korhonen və Wachtel (2005) MDB ölkələri üzrə aparılmış tədqiqat işində məzənnə
ötürücülüyünün yüksək olmasını müəyyən edirlər. Belə ki, məzənnədə dəyişiklik 12 aydan az
müddətdə ölkədaxili qiymətlərə ötürülür. Həmçinin variasiya paylanmasının nəticəsi göstərir ki,
qiymət səviyyəsinin dəyişməsində məzənnənin payı yüksəkdir.
Ötürücülüyün təhlil olunmasında əsas məqamlardan biri məzənnə ötürücülüyünün
assimetrikliyidir. Assimetriklik dedikdə, məzənnənin möhkəmlənməsi və ucuzlaşması
nəticəsində ötürücülüyün səviyyəsinin müxəlif olması hesab olunur. Pollard və Coughlin(2004)
məzənnə ötürücülüyünü iki aspektdən təhlil edirlər. Birinci yanaşmaya əsasən ötürücülüyün
səviyyəsi məzənnənin möhkəmlənməsi və ucuzlaşması zamanı müxtəlif olur. İkinci yanaşmaya
görə isə temp baxımından məzənnədə kiçik və böyük dəyişikliklər modeldə müxtəlif nəticələrə
gətirib çıxarır.
Firmaların üzləşdiyi xərclərin dəyişməsi birbaşa olaraq firmanın qiymət-xərc marjalarına
təsir göstərir. Xərclərin dəyişməsinin qiymətlərə təsiri isə əsasən bazar şəraitindən asılıdır.
Müəlliflər 30 sənaye sahəsini təhlil etməklə ABŞ-da idxal qiymətlərinə məzənnə ötürücülüyünü
müəyyən etməyə çalışmışlar. Əldə olunmuş nəticələrə görə məzənnə üzrə ötürücülük assimetrik
olmuşdur.
Məzənnə ötürücülüyünün təhlil edilməsi ölkənin xarici şoklara olan həssaslıq dərəcəsini
müəyyən etmək deməkdir. Belə şoklardan qorunmaq məqsədi ilə adekvat pul siyasətinin həyata
keçirilməsi vacibdir.
3. Metodologiya
Ötürücülük üzrə aparılmış tədqiqatlarda metodologiyalar iki ümumi qrupa bölünür:
1) Tək bərabərlikdən ibarət modellər;
2) Çox saylı tənliklər sistemindən ibarət modellər.
126
Tək bərabərlikdən ibarət modellər. Əksər tədqiqatların üstünlük verdiyi modellər əsasən aşağıda
göstərilmiş model üzərində qurulur və uzunmüddətli əlaqənin qiymətləndirilməsində istifadə
olunur (Goldberg & Knetter, 1997).
burada:
- qiymət indeksi (idxal, istesalçı, istehlakçı qiymətləri və s.)
(2)
- xarici ölkə iqtisadiyyatını xarakterizə edən dəyişən (xarici ölkə istehsalçı qiymət indeksi)
- nominal məzənnə
- tələb və ya təklif kimi çıxış edə biləcək dəyişənlər bloku.
Bu modellərdə əsas hədəf (delta) hesab olunur və məzənnə dəyişməsinin qiymətə
ötürücülük səviyyəsini göstərir. Belə ki, iqtisadi nəzəriyyəyə əsasən milli valyutanın ucuzlaşması
( ) nəticəsində ölkə daxilində qiymətlər ( ) yüksəlməlidir. Bu modellərin çatışmayan cəhəti
dəyişənlər arasında qarşılıqlı əks əlaqənin qiymətləndirilməsinin mümkün olmamasıdır.
Ç ox saylı t ənliklər sistemindən ibarət modellər. Bu tip modellər iqtisadi
göstəricilər arasında qarşılıqlı əlaqənin (feedback effect) ehtimal edildiyi halda tətbiq
olunur. Bir çox tədqiqat işlərində əsasən VAR(Vektor Avto Reqresiya) modellərinə
üstünlük verlir. Bu modellərə daxil edilən dəyişənlər arasında qarşılıqlı əlaqə “impuls-
cavab” funksiyası
29
ilə qiymətləndirilir və əldə edilən nəticələr əsasında məzənnə ötürücülüyü
hesablanır. Cari tədqiqat
işində istifadə olunmuş VAR modeli aşağıdakı kimi qurulmuşdur:
burada:
NEM - nominal effektiv məzənnə; M1 - Pul aqreqatı; İQİ- istehlakçı qiymətləri indeksi;
İQİ
x
- xarici ölkə qiymət indeksi; D - fiktiv dəyişənlər toplusu (dummy variables); - şoklar
Əldə olunmuş “impuls cavab” funksiyası vasitəsi ilə məzənnə ötürücülüyü aşağıdakı kimi
hesablanılır.
(3)
burada:
MÖ - məzənnə ötürücülüyü
- şok baş verdikdən j ay müddətində qiymətdə baş verən cəmlənmiş dəyişmə
- eyni dövr üzrə cəmlənmiş məzənnə dəyişməsi
29
I mpuls-cavab funksiyası VAR modelinin istənilən tənliyində qalıqların dəyişməsi nəticəsində, tənliyin digər dəyişənlərinin nə qədər dəyişd iyini əks etdirən funksiya hesa b olunur
Dostları ilə paylaş: |