340
çəkişmələri, müharibələri ilə fərqlənən XVIII əsr ərzində Şimali
Azərbaycan əhalisi nəinki İranın mərkəzi vilayətlərində
qərarlaşmış türk (Azərbaycan) siyasi xadimlərinin (Səfəvilər,
Nadir şah Əfşar, Qacarlar), habelə vaxtaşırı ölkəni öz
hakimiyyətinə tabe etməyə can atan Osmanlı hərbi-siyasi
dairələrinin, rus ekspansionistlərinin basqın, qarət və talan
obyektinə çevrilmişdi. Əhalisi dilənçi vəziyyətinə düşmüş
Səfəvilər dövlətinin iqtisadi əsasları sarsılmaqda idi. XVI-XVII
əsrlərdə az və ya çox dərəcədə doğma zəminə-Azərbaycan
vilayətlərinə arxalanmış Səfəvi şahları yeni əsrdə daha çox
beynəlxalq səciyyəli hadisələrin təsiri nəticəsində İran
vilayətlərində qərarlaşır, tədricən Azərbaycana yad obyekt kimi
yanaşırdılar. Dövlət ağır maliyyə böhranı keçirirdi. Mərkəzi
hakimiyyət bütün dövlət ərazisində baş verən proseslərə nəzarət
etmək iqtidarını itirmişdi. 1709-cu ildə əfqanlar Səfəvi
hakimiyyətinə qarşı üsyan qaldırdılar. Bu üsyan nəticəsində
Səfəvilər sülaləsinin varlığı sual altına alındı. 1722-ci ildə 20
minlik əfqan üsyançı ordusu dövlətin paytaxtı İsfahanı
mühasirəyə aldı. Şəhər 6 aydan artıq mühasirə şəraitində
yaşamalı oldu. Əfqanların İsfahanı işğal etməsi, Səfəvilər
dövlətinin ağır məğlubiyyəti həmin hadisələri şəxsən müşahidə
etmiş üç müəllif tərəfindən təxminən eyni zamanda qələmə
alınmışdır. Onların biri Jozef Tiflisi, ikincisi Tadeuş Kruşinski,
üçüncüsü müsyö de-Gardan olmuşdur. Məsələn, Jozef Tiflisi
həmin hadisələr barədə bu qeydləri etmişdir: «İsfahan şəhəri
əhalisi çox və sıx, torpağı geniş əzəmətli bir şəhərdir. Uzun
çəkən mühasirə vaxtı qıtlıq, qəhətlik atəşi (əhalinin) canına
düşdü, neçə nəfərin bədən xırmanını yandırdı. Arpa alovunun
şiddəti neçə min canı yandırdı, o biri dünyaya göndərdi. Bu
qaçılmaz hadisəyə və asiman bəlasına razılıqdan başqa çarə
olmadığını görən (isfahanlılar) istər-istəməz İsfahan şəhərini
uğanlara (əfqanlara –red.) təslim etməyə razılıq verdilər».
113
1708-1726-cı illərdə İsfahanda yaşamış polyak müəllifi Tadeuş
Kruşinski də bu tarixi hadisənin, Səfəvilər sülaləsinin eniş
anının canlı şahidlərindən biri olmuş, həmin hadisəyə
münasibətini bildirmişdir. T.Kruşinskinin «Xristian səyyahın
341
tarixi» («Tarixi-səyyahi-məsihi») əsərində bu qeydlər dövlətin
maliyyə həyatının acınacaqlı olduğuna işarədir: «O (Mahmud),
Səfəvilərin xəzinəsini zəbt etdi. Xəzinədə hər şey bol idi, lakin
nəqd qızıl çox azdı. Mahmud qızılbaşlardan çoxlu qızıl və
cavahirat tələb edərək onları bu məcburiyyət qarşısında qoydu
və aldıqlarını xəzinəyə əlavə etdi. İsfahan və Culfa tacirlərindən,
başqa ticarətçilərdən, hətta xristian məlikləri və Avropa
elçilərindən də müxtəlif bəhanələrlə böyük məbləğdə pul yığdı.
Öz dövlət başçılarından da bu qayda ilə çoxlu qızıl və başqa
qiymətli şeylər aldı (nəticədə) əfqanlar qızılbaş tayfalarının
verdikləri qızıl-gümüş sayəsində çox dövlətləndilər».
114
Qeyd
etmək lazımdır ki, həmişə olduğu kimi bu halda da qarət və
talan olunan dövlət xəzinəsi, sərvət ölkə əhalisinin yaradıcılıq,
əmək fəaliyyətinin nəticəsi idi. Əfqan talanları və qarətləri də
ölkənin iqtisadi potensialına ağır zərbə vurdu.
Əfqan müdaxiləsi nəticəsində əsir düşmüş Şah Hüseyn
oğlu Təhmasibin xeyrinə taxtdan imtina etdi. Uğurlu hərbi
fəaliyyəti sayəsində siyasi nüfuzu artmış, əfşar tayfasından olan
Nadir tezliklə təşəbbüsü ələ keçirdi. O, II Təhmasibi
hakimiyyətdən uzaqlaşdırdı və taxta onun 4 aylıq oğlu III
Abbası əyləşdirdi. Sülalə dəyişikliyi üçün əlverişli zəmin
hazırlandı. Lakin Nadirə ağır iqtisadi böhran şəraitində olan
dövlət aparatı miras qalmışdı. «Nadir şahın hakimiyyət başına
gəldiyi vaxt dövlət xəzinəsi Şah Sultan Hüseyn və II Təhmasibin
səhlənkarlığı nəticəsində demək olar ki, boşalmışdı. Nadir şah
dövlətin gəlirini yalnız vergilərin miqdarının və sayının
çoxaldılması sayəsində müəyyən qədər bərpa etməyə nail
olmuşdu».
115
Təbiidir ki, Nadir şah (1736-1747-ci illər) bütün
hallarda zorakı tədbirlərə əl atmırdı. O, hərbi uğurlar sayəsində
də dövlətin iqtisadi, maliyyə sabitliyini bərpa etməyə can atırdı.
«1739-cu ildə Hindistana uğurlu yürüşündən sonra böyük
qənimət ələ keçirən Nadir şah nüfuzunu qaldırmaq məqsədilə
əhalini 3 il vergi verməkdən azad etdi».
116
Lakin müasirlərin
verdikləri məlumata görə, Nadir şah 100 min döyüşçüdən ibarət
ordu saxlayırdı. Hərbiləşdirilmiş dövlət aparatı şahı «özünə
qayıtmağa» (yəni sərt tədbirlərə əl atmağa) məcbur edirdi.
342
Məsələn, «XVIII əsrin 40-cı illərində Şimali Azərbaycanda və
Cənubi Dağıstanda Əfşar zülmünə qarşı üsyanlar baş verdikdə
Nadir şah çoxsaylı qoşunlarını şimala doğru yeritdi. Yürüş
zamanı qoşunlar, bir qayda olaraq, yerli əhalinin hesabına
dolanırdılar. Nadir şah yürüşdən qayıtdıqdan sonra sərf olunmuş
xərcləri ödəmək üçün 1739-cu ildə xalqa «bağışladığı
vergilərin» zorla toplanılması barədə fərman verdi. Beləliklə,
əhalidən üç illik vergi toplanıldı. Vergi toplanılarkən özbaşınalıq
və zorakılıq baş alıb gedirdi. Bu isə əhalinin narazılığının daha
da artmasına gətirib çıxarırdı».
117
Nadir şah iqtisadi həyat,
maliyyə məsələlərinə hərbi xadim nəzəri, mövqeyi ilə yanaşırdı.
Bu cəhət də dövlətin, bu dövlətin tərkibində olmuş
Azərbaycanın təsərrüfat həyatına mənfi təsirini göstərmişdi.
XVIII əsr ərzində ölkənin başlıca mədəni inkişaf ocaqları
olan şəhərlər baş vermiş hərbi əməliyyatlar nəticəsində xeyli
zərər çəkmişdilər. Bütün xalqların, ölkələrin tarixi sübut edir ki,
qarşıdurmalar
zamanı
müxtəlif,
rəqib
sərkərdələrin,
hökmdarların başlıca zərbə obyekti ticarətin, sənətkarlığın,
mədəni potensialın əsas mərkəzləri olan şəhərlər olmuşdur.
XVIII yüzillikdə də Azərbaycan hakimləri şəhərlərin müdafiə
qabiliyyətinin möhkəmləndirilməsinə daha çox fikir verməli
olurdular. Şəhərlərin memarlıq cəhətdən təkamülü xeyli
dərəcədə onların müdafiə sisteminin xarakterindən asılı idi.
«Qala divarlarından kənarda ev və bina tikdirməkdən
ehtiyatlanan şəhər zadəganları öz imarətlərini yalnız şəhər
daxilində inşa etdirməyi daha üstün tuturdular. Belə hallarda
özlərinə bina-mülk
tikdirən
varlılar
nə
şəhərin
planlaşdırılmasına, nə də xarici görünüşün pozulmasına
əhəmiyyət verirdilər. Buna görə də get-gedə şəhərin küçələri
daralır, şəhər meydanları tədricən aradan çıxırdı».
118
Bu
cəhətlərinə görə həmin dövrün Azərbaycan şəhərlərinin
əksəriyyəti oxşar idi.
119
Azərbaycan şəhərlərində sənətkarlığın
müxtəlif sahələri-dərzilik, dəmirçilik, zərgərlik, dabbaqlıq,
misgərlik, xalçaçılıq və s. inkişaf etmişdi. Şəhərlərdə
sənətkarlığın müəyyən sahəsinin inkişafı yaşayış məntəqələrinin
coğrafi mövqeyindən, iqlimindən və ətraf mühitindən asılı idi.
Dostları ilə paylaş: |