338
və digər dənli bitkilərdən, Rusiyada buraxılan viskilər isə qarğıdalı
və çovdardan hazırlanır.
İstehsalın texnoloji mərhələləri. Viski istehsalının əsas mər-
hələləri - şirənin hazırlanması və qıcqırdılması, yetişmiş braqanın
destilləsi və yetişdirilməsidir (köhnəlmə).
Şirənin hazırlanmasına - əzintinin hazırlanması, isti işlənməsi;
şəkərləşdirmə və bişmiş kütlənin soyudulması daxildir.
Əzilmiş dən 140-150
0
C temperaturda 30-35 dəqiqə bişirilir.
Bişmiş kütlənin şəkərləşdirilməsi quru arpa səmənisi ilə aparılır.
Bişirilməyə verilən kütlənin 12%-i miqdarında səməni sərfi olur.
Şəkərləşdirmə
rejimi
spirt
istehsalındakına
oxşardır.
Şəkərləşdirmə temperaturu 60-62
0
C-dir. Şəkərləşdirmə prosesinə
nəzarət yod
nümunəsinə görə aparılır. Alınan şirənin qatılığı 16-
17 kütlə % olur. Şirəni üzvi turşular və ətiri gücləndirən digər
maddələrlə zənginləşdirmək üçün ona quru maddələrin miqdarı
11-13 kütlə %-ə çatanadək soyudulmuş barda əlavə olunur və XII
maya iqri ilə qıcqırdılır.
Şirənin qıcqırdılması 30
0
C temperaturda daxilinə soyuq su
buraxılan ilanvari boru ilə təchiz olunmuş hermetik bağlı
qıcqırtma aparatlarında aparılır. Qıcqırmanın davametmə müddəti
72 saatdır. Yetişmiş braqanın tündlüyü 7,5-8,0 h.%-dir.
Yetişmiş braqa fasiləsiz işləyən aparatlarda destillə olunur. Bu
halda tündlüyü 65-70 h.% olan xam spirt ayrılır.
Destillə edilmiş su ilə 50 h.%-ə qədər durulaşdırılmış xam-
spirt saxlanıb yetişdirilmək üçün daxildən işlənmiş, tutumu 200
dm
3
olan palıd çəlləklərə doldurulur. Spirtlə doldurulmuş çəlləklər
temperaturu 18-23
0
C və nisbi rütubəti 75-80% olan xüsusi
binalarda ən azı 4 il saxlanılır.
Yetişdirilən zaman viski palıd çəlləkdən diffuz edən ekstrakt
maddələrlə zənginləşir. Oksidləşmə prosesləri nəticəsində turşu və
aldehidlərin güclü artımı müşahidə olunur. Köhnəlmə zamanı bir
sıra mürəkkəb efirlərin əmələ gəlməsi ilə nəticələnən efir
əmələgəlmə prosesləri baş verir. Bu halda efirlərin miqdarı
təqribən 6 dəfə artır. Kimyəvi tərkibin dəyişməsi ilə viskinin ətir
339
və dadı yaxşılaşır.
Doldurulmadan əvvəl yetişdirilmiş viski kupaj olunur. Bunun
üçün müxtəlif müddətlərdə yetişdirilmiş viskilər əla təmizlənmiş
spirt-rektifikatın sulu məhlulu ilə qarışdırılır və destillə edilmiş su
ilə 45 h.% tündlüyə çatdırılır. Viskinin keyfiyyətini yüksəltmək
üçün kupaja şəkər və şərab, şirə və ekstraktlar əlavə olunur.
Viski tutumu 0,25; 0,5 və 0,75 dm
3
olan butulkalara
doldurulur.
Rusiyada tündlüyü 40 h.% olan əla təmizlikdə spirt-rektifikat
və yumşaldılmış sudan ətirləşdiricilər əlavə olunmaqla «Viski-73»
adı ilə alkoqollu içki buraxılır. Bu viskiyə spesifik dadı Holland
mənşəli ətirləşdirici, açıq qəhvəyi rəngi və bir qədər büzüşdürücü
dadı isə ağac ekstraktı verir. Bütün bu maddələr mexaniki
qarışdırma zamanı kupaja daxil olur. Bir sutka saxlanıldıqdan
sonra viski kupajı süzülür və butulkalara doldurulur.
Belə güman olunur ki, bir çox digər spirtli içkilər kimi viski
də ilk dəfə monastrlarda hazırlanmış və dərman kimi istifadə
olunmuşdur. «Viski» adı latın monastrlarında olan spirtli içkinin
«aqua vital» adından götürülmüş, şotland və irlandların köhnə
ləhcəsində «uisque baugh» (uskvebak), müasir çevrilmədə
«whisky» şəklində əks olunmuşdur.
Hazırda qərb ölkələrinin ən geniş yayılmış spirtli içkisidir. Bu
içkinin 19 markası dünyanın ən populyar 40 spirtli içkisinin
siyahısına daxildir.
Aralarında çoxlu fərqlərə baxmayaraq klassik viski «skotç»
(scotch) adlandırılan Şotland viskisidir.
Şotland viskisi istifadə olunan xammaldan asılı olaraq üç
qrupa bölünür: səməni (malt), dən (grain), qarışıq (blended).
Səməni viskisi (malt whisky). Texnologiyasının əsas
xüsusiyyəti xammal kimi yalnız tüstü ilə qurudulmuş arpa
səmənisindən istifadə olunması və yetişmiş braqanın fasiləli
işləyən aparatlarda iki dəfə destillə olunmasıdır.
Şotland səməni viskisinin təkrar olunmaz dadını texnoloji
proseslərin xüsusiyyəti, arpanın becərildiyi yer, həmçinin yerli
340
mənbəələrdən alınan yüksək keyfiyyətli su təmin edir.
Dən viskisi (Gran whisky). Qarğıdalıdan az miqdar arpa
səmənisi əlavə olunmaqla istehsal olunur. Texnoloji xüsusiyyəti
qıcqıran şirənin fasiləsiz işləyən aparatlarda bir dəfəyə
destilləsidir. Nəticədə spirt qarışıqlardan daha yaxşı təmizlənir və
az ətirli olur. Ona görə də dən viskisi çox vaxt hazır içki kimi deyil,
yarımfabrikat kimi, qarışıq viskilər istehsalı üçün istifadə olunur.
Şotlandiyada dən viskisi yeganə markada - «Çays old
Kameron Briq» (Choice old kameron Briq) buraxılır.
Qarışıq viski (Brended whisky). Səməni və dən viskilərinin
qarışdırılması və sonrakı fasiləsiz destilləsi yolu ilə alınır.
Dünya spirtli içkilər bazarında şotland viskisinin payı 10%-
dən çox deyildir.
Yarlıqda «Botfled in Skotland» yazısının, həmçinin «Skotch
whisky» markası viskinin həqiqətən Şotlandiyada istehsal
olunduğunu göstərir. Yarlıqda «Premium» və «Deluxe» yazıları
alıcıya dəyərli viski markası təklif olunduğunu göstərir.
İrlandiya viskisi. Şotlandiya viskisi istehsalından fərqi
ondadır ki, xammal kimi qızdırılmış hava ilə qurudulan arpa
səmənisindən, həmçinin də buğda, yulaf, çovdardan istifadə
olunmaqla destillə üç dəfəyə aparılır.
Bütün bu amillər İrlandiya viskisinin incə buketini və zərif
dadını təmin edir. Viski Şotlandiya və İrlandiyanın ənənəvi
texnologiyasına bir qədər dəyişiklik edilməklə, həmçinin
Amerika, Kanada və digər dünya ölkələrində də istehsal olunur.
Amerika viskisi üçün əsas xammal qarğıdalı, çovdar və az arpa
səmənisidir.
Viski təmiz halda içilir, yaxud kokteyl və tonuslaşdırıcı soyuq
içkilər hazırlanmasında istifadə olunur. Hazırda viskinin bir neçə
min markası buraxılır. Onlardan bir çoxu artıq klassikləşmişdir.
Son illərdə Azərbaycanda viski istehsalı istiqamətində işlər
aparılmaqdadır (şəkil 3.4).
Dostları ilə paylaş: |