|
![](/i/favi32.png) Əlavə VƏSAİt ne mövzu Nəqliyyat sistemləri ilə ətraf mühit arsında qarşılıqlı təsirlər [2, 4, 24]Geoloji təhlükəli hadisələrin nəqliyyatın fəaliyyətinə mənfi təsirləri
|
səhifə | 4/66 | tarix | 24.03.2023 | ölçüsü | 4,53 Mb. | | #103110 |
| lav V SA t ne m vzu N qliyyat sisteml ri il traf m hit ars nGeoloji təhlükəli hadisələrin nəqliyyatın fəaliyyətinə mənfi təsirləri. Geoloji təhlükəli hadisələrə aiddir: -uçqunlar, yığıntı töküntüləri; -qar uçqunları; -yamac yuyulmaları; -karst nəticəsində yer səthinin çökməsi; -torpaq sürüşmələri: -abraziya; -eroziya. Bu hadisələrədən bir neçəsi barədə aşağıda qısa məlumat verilmişdir.
Torpaq sürüşməsi. Torpaq sürüşmələri müxtəlif süxurlarda onların tarazlığının pozulması və möhkəmliyinin zəifləməsi nəticəsində əmələ gəlir. Onun yaranmasına təbii və süni (antropogen) amillər təsir edir. Beləliklə, torpaq sürüşmələri (şəkil 6)– dağ süxurları kütləsinin yamac boyu ağırlıq qüvvəsinin və öz kütləsinin təsiri və yamacın aşağı hissəsinin yuyulması, izafi rütubətlənməsi, seysmik təkanlar və digər proseslər səbəbindən aşağıya doğru yerini dəyişməsi prosesidir Bəzi hallarda isə səthi dağ süxurlarının sürətli hərəkətini şərtləndirən proses yamacın ətəyinin dəniz dalğaları və ya çay suları ilə yuyulmasıdır.
Təhlükəli geofiziki hadisələrin nəqliyyatın fəaliyyətinə təhlükələri. Təhlükəli geofiziki hadisələrə zəlzələlər və vulkan püskürmələri aiddir.
Zəlzələ -ən təhlükəli geofiziki hadisədir və özünün gözlənilməzliyi ilə dəhşətlidir. Zəlzələ ən çox dağıdıcı qüvvəyə malik, ağılasığmaz dərəcədə idarə olunmaz təbii fəlakətdir. Zəlzələ deyildikdə yeraltı təkan və yer qatının titrəmələri, yer qatının və yaxud mantiyanın üst qatının sürüşməsi və parçalanması nəticəsində böyük məsafələrə elastik dalğavari ötürmələr başa düşülür. Zəlzələ zamanı Yerdə müxtəlif dalğalar yaranır. Bu dalğalar bütün yer kürəsinə yayılır və seysmoloqlar tərəfindən yerin istənilən nöqtəsində ölçülə bilir. Bu dalğalar yerin üst qatında baş verən dağıntılara səbəb olur.
Zəlzələlərin təhlükəli fəsadlarını təbii və insan fəaliyyəti ilə əlaqəli olan hissələrə bölmək olar. Təbii fəsadlara torpağın (süxurun) vəziyyətinin pozulması (çatlar və yerdəyişmələr), sürüşmələr, uçqunlar, sellər, süxurların yumşalması, çökmələr, sunami və s. aiddir. İnsan fəaliyyəti ilə əlaqəli olan fəsadlara isə binaların, körpülərin və digər qurğuların dağılması və uçması, bəndlərin və su kəmərlərinin dağılması vaxtı subasmalar, neft anbarlarının zədələnməsi və qaz kəmərlərinin dağılması vaxtı yanğınlar, nəqliyyat vasitələrinin, kommunikasiya sistemlərinin, elektrik və su təminatı xətlərinin, həmçinin kanalizasiya borularının zədələnməsi, nüvə reaktorlarının zədələnməsi vaxtı ətrafa radioaktiv maddələrin tullantısı aiddir.
Dostları ilə paylaş: |
|
|