59
siyasi münasibətlər mühüm yerlərdən birini tuturdu. Çünki, hələ XV əsrin ortalarından başlayaraq,
osmanlıların Azərbaycan dövlətlərinin qanuni torpaqları sayılan Şərqi Anadolunu ələ keçirmək
uğrunda apardıqları mübarizə davam edirdi. Həmçinin “Böyük coğrafi kəşflər”dən
sonra Hindistana
gedən ticarət yolunun nəzarətdən çıxması, osmanlıları səfəvilərin nəzarətində olan Hind okeanı ilə
birbaşa əlaqəsi olan Bəsrə (İran) körfəzini ələ keçirməyə sövq edirdi. Eyni zamanda Səfəvi
sülaləsinin hakimiyyətə gəlişindən sonra şiəliyin rəsmi olaraq dövlət dini elan edilməsi, sünni
osmanlıların dini-ideoloji maraqlarına cavab vermirdi. Çünki İmam Əli nəslindən olduqlarını iddia
edərək hakimiyyət məsələsində “vilayət (Peyğəmbər nəslinin hökmranlıq sürməsi) prinsipini sərt
şəkildə ortaya qoyan səfəvilər özlərindən savayı İslam Şərqindəki digər müsəlman sülalələrinin
hakimiyyətini qeyri-qanuni sayırdılar. Bu da İslam dünyasının xilaskarı və təhlükəsizliyinin
təminatçısı rolunda çıxış edən Osmanlı dövlətinin ideoloyi təbliğatına çox ciddi alternativ idi. Bu
səbəblər Səfəvi-Osmanlı siyasi münasibətlərinin daima mürəkkəb xarakter daşımasına və
uzunmüddətli hərbi-siyasi münaqişələrə yol açmışdı (2, 96).
XVI əsrdə olduğu kimi XVII əsrin əvvəllərində də Azərbaycan Səfəvi dövləti ilə Osmanlı
dövləti arasında siyasi münasibətlər davam edirdi. XVI-XVII yüzilliklərdə Səfəvilər dövləti ilə
Osmanlı dövləti arasında hərbi-siyasi münasibətlərlə yanaşı, diplomatik münasibətlər də mövcud
olmuşdur. Bu dövlətlər arasında mövcud olan hərbi qarşıdurmaların nizamlanmasında diplomatik
nümayəndələrin və elçilərin böyük rolu olmuşdur.
XVI əsrin II yarısında Osmanlı dövlətinin Azərbaycan Səfəvi dövlətinin bir hissəsini işğal
etməsi səfəvi-osmanlı münasibətlərinin inkişafına ciddi zərbə vurdu. Şah I Abbas hakimiyyətinin ilk
dövrlərində ölkə ərazilərini işğaldan azad etmək üçün atdığı hərbi-siyasi addımlar lazimi nəticə vermədi.
Çünki dövlətin hərbi-siyasi qüdrətinin zəiflədiyi bir vaxtda iki cəbhədə, osmanlılara və özbəklərə qarşı
eyni vaxtda mübarizə aparmaq olduqca çətin idi. Bu baxımdan Səfəvi dövlətinin hərbi qüdrətini bərpa
etmək üçün osmanlılarla sülh müqaviləsi bağlamaq olduqca vacib idi.
Sülh müqaviləsi bağlamaq üçün 1589-ci ilin sentyabr ayında Səfəvi hakimiyyəti Ərdəbil hakimi
Mehdiqulu Xan Ustaclunun rəhbərliyi ilə İstanbula bir elçi heyəti göndərdi. Osmanlı hakimiyyətinin
tələbi ilə elçi heyəti ilə birlikdə Həmzə Mirzənin 9 yaşlı oğlu Heydər Mirzə də girov kimi İstanbula
göndərildi [19, s. 39-40; 4, s. 260-261; 10, s. 375].
Şah I Abbas elçi heyəti ilə Fərhat Paşaya Qızılbaş türkcəsində yazılmış bir məktub da
göndərmişdir. Məktubda deyilirdi:
“ ….Bizim razılıq və fərmanımıza əsasən, vəkilimiz Mürşüd Qulu
Xanı fitnəni aradan qaldırmaq üçün sizin hüzurunuza ezam etmiş və qərara gəlmişik ki, aliməqamlı
şahzadənin sözü və əhalinin tələbinə əsasən İslam Padişahının (Osmanlı Sultanı) hüzuruna
yetişsin… və bu Xan, şahzadənin (Heydər Mirzə) göndərilməsi haqqında bəzi məsələləri
hüzurunuzda bəyan edəcəkdir. Öz məmləkətinə və Padişahına xidmət etdiyin və fədakarlıq
göstərdiyin kimi bizə də dostluq edib iki məmləkət arasında ədalətin möhkəmlənməsi üçün səy
göstərməlisən ki, etdiyin bu iş dünya durduqca əbədi qalsın….İnşaallah –Təala” [15, s. 52-55].
Səfəvi elçi heyəti Fərhat Paşanın yanına çatdıqdan sonar onunla birlikdə 1590-cı il yanvar
ayında İstanbula gəldilər .Yanvar ayının 24-də Divan-i Humayunda sülh təklifləri müzakirə olundu
[10, s. 379]. Nəhayət, İstanbulda aparılan danışıqlar nəticəsində, 1590-cı il mart ayının 21-də tərəflər
arasında, 12-illik Osmanlı-Səfəvi müharibəsinə (1578-1590) son qoyan sülh müqaviləsi bağlandı. 4
bənddən ibarət olan bu müqavilənin 2-ci bəndində, Osmanlı imperiyasına qatılan Səfəvi dövlətinin
əraziləri əks olunmuşdu. Bu bənddə deyilirdi:
“ H. 998 Nevruzi-firuzi (21 mart 1590) tarixinədək,
Qızılbaşların əlindən alınaraq Osmanlı dövlətinin tabeliyinə keçən bu ərazilər Osmanlı mülkiyyəti
sayılmalıdır: Təbriz, Qaracadağ və ətrafı, Gəncə, Qarabağ və ətrafı, Şirvan, Gürcüstan, Nihavənd,
Luristan...” [12, s. 195-197; 10, s. 379-381; 6, s. 179]. Göründüyü kimi bu müqavilənin şərtlərinə görə,
Səfəvi dövlətinin böyük bir hissəsi Osmanlı imperiyasının tərkibinə daxil edildi.
Səfəvi dövləti ilə Osmanlı dövləti arasında bağlanan İstanbul sülh müqaviləsi Səfəvi
hakimiyyətinin məcburiyyətdən bağladığı bir müqavilə idi. Çünki Səfəvi hökmdarı Şah I Abbas üçün
dövlətin hərbi və iqtisadi gücünü və mərkəzi hakimiyyəti möhkəmləndirmək məqsədilə bu müqavilə
olduqca vacib idi.
Osmanlı hökmdarı III. Mehmet (1595-1603) zamanında da Səfəvi dövləti ilə Osmanlı
imperiyası arasında elçilik mübadiləsi və diplomatik yazışmalar davam etməkdə idi. Sultan III
60
Mehmetin taxta çıxdığı ərəfədə Səfəvi elçisi Kərəm Xan Osmanlı sarayına göndərilmişdir. Elçinin
məqsədi hər iki dövlət arasında diplomatik münasibətləri inkişaf etdirmək və şahzadə Heydər
Mirzənin vəziyyəti ilə maraqlanmaq olmuşdur. Eyni zamanda elçi İraqda Şiələr üçün müqəddəs
hesab olunan yerlərdə kasıblara nəzarət olunması üçün bu yerlərə iki nəfər Şəfəvi nümayəndəsiinin
təyin olunmasını istəmişdir. [12, s. 216].
XVII əsrin əvvəllərində (1603-1612) Səfəvi-Osmanlı müharibələrinin yeni mərhələsinin
başlanması siyasi və diplomatik münasibətləri arxa plana keçirdi. 1603-1612 illərdə Osmanlılara
qarşı Səfəvilərin həyata keçrdiyi hərbi əməliyyatlar nəticəsində Osmanlıların ələ keçirdiyi əksər
Səfəvi torpaqları azad edildi. Səfəvi dövlətinin bu qələbələrindən sonra Osmanlı hakimiyyəti
yenidən sülh danışıqlarına başladı.
Bu dövrdə sülh
danışıqlar aparmaq üçün Azərbaycan Səfəvi dövlətindən osmanlı sarayına
bir neçə elçilik heyəti göndərilmişdir. Bu elçilik heyətlərindən biri 1612-ci ilin sentyabr ayında
qazıəskər Qazı Xanın rəhbərliyi ilə İstanbula gələn elçi heyəti olmuşdur. Bu elçilik heyətinə
İsfahan və Qəzvin qazıları Müizzi İsfahani və Hüseyin Yezdi də daxil idi. Bu elçilik heyətinin
apardığı uğurlu sülh danışıqları nəticəsində tərəflər arasında II İstanbul sülh müqaviləsi (20
noyabr\1612) bağlandı [11, s. 166-167].
II İstanbul sülh müqaviləsi üç il qüvvədə qalsa da 1615-ci ildə yeni Səfəvi-Osmanlı
müharibəsi başlamışdır. 1618-ci ildə osmanlı taxtına çıxmış II Osman (1618-1622) Şah I Abbasa
elçisi Çavuş Həsən Ağa vasitəsilə bir dostluq məktubu göndərmişdir. 1618-ci ilin may ayında
Qəzvində Şah I Abbasın hüzuruna gələn osmanlı elçisi çox soyuq qarşılanmış və Səfəvi hökmdarı
tərəfindən bu cavabı almışdır:
“Məktubun heç bir faydası yoxdur. Əgər Osmanlı dövlət adamları
adilanə şərtlərlə və xoş niyyətli sülhə hazır olsalar mən də dostluq əlimi uzadaram. Əgər siz türklər
savaşıb qan tökərək biçarə və günahsız insanları öldürmək niyyətində olsanız, günah sizin
boynunuzda qalacaq və mən bu vəziyyətdə səfəvi ordusunu döyüş meydanına göndərəcəyəm” [1, s.
145]. Səfəvi hökmdarı osmanlı elçisi ilə birlikdə Mirzə Məhəmməd Hüseyn Əbhəri adlı elçisini
Diyarbəkrdə olan sərdar Xəlil Paşanın yanına göndərmiş və Nasuh Paşa (II İstanbul müqaviləsi)
müqaviləsinə uyğun bir razılaşmanın bağlanmasını istəmiş, əks halda savaşa hazır olduğunu
bildirmişdir.
Hərbi əməliyyatların mənasız olduğunu görən osmanlı tərəfi yenidən danışıqlara başlamışdır.
1618-ci il avqust ayının 31-də Xəlil Paşanın elçisi Dəftərdar Həkim Osman Ərdəbilə gələrək
osmanlıların sülh təkliflərini Səfəvi hökmdarına çatdırdı. Osmanlıların sülh təklifi şərtlərindən biri
də Səfəvi hökmdarının oğullarından birinin İstanbula göndərilməsi idi. Bu şərtə cavab olaraq Şah I
Abbas əlindəki qılıncı hüzurunda olan osmanlı elçisinə göstərərək bunları demişdir:
“Mənim oğlum
budur və bunun xaricində sizin üçün bir şeyim yoxdur. Gücünüz yetirsə bunu əlimdən alın. Türk
əsgəri hara qədər gəlmək istəyirsə mən sağlam bir şəkildə onları gözləyəcəyəm”. Şahın
bu sözlərinə
Osmanlı elçisi, günahsız insanların qanı töküləcəyini və bunun günahının Şahın
boynuna düşəcəyini
söyləmişdi. Səfəvi Şahı elçinin bu sözlərinə verdiyi cavabda belə demişdiri:
“Mən öz evimdə
oturmuşam və Osmanlılar hər il gəlib evimə hücum edirlər. Qan tökür və pislik gətirirlər. Mən və
xalqım ölkəmizi qorumayaqmı?” [11, s. 147].
Tərəflər arasında aparılan ardıcıl danışıqlardan sonra 1618-ci ildə Sərab sülh müqaviləsi
bağlandı. Yadigar Əli Sultanın rəhbərlik etdiyi səfəvi elçi heyəti Sərab sülh müqaviləsini təsdiq
etmək üçün 1619-cu il sentyabr ayının 29-da İstanbula gəldi və bu müqavilə təsdiq edildi [11, s.
172-173].
1636-cı ildə İrəvan osmanlılardan geri alınandan sonra Şah Səfi (1629-1642) Maqsud xanı
İstanbula göndərərək sülh istəmişdir. Lakin bu elçi həbs edilərək sülh təklifi rədd edilmişdir. Yalnız
1638-ci ildə Bağdad şəhəri səfəvilər tərəfindən geri alındıqdan sonra bu elçi azad edilmiş və
osmanlı hakimiyyətinin yazdığı bir “təhdidnamə” ilə geri göndərilmişdir [11, 189-190].
XVII əsrin birinci yarısında da davam edən səfəvi-osmanlı müharibəsi nəhayət Qəsri-Şirin
sülhmüqaviləsi ilə başa çatdı. Bu sülh danışıqlarının aparılmasında səfəvi elçiləri Saru Xan və
Məhəmməd Qulu Xan iştirak etmişdir. Bu səfəvi elçilərinin apardığı sülh danışıqları nəticəsində
1639-cu il may ayının17-də Azərbaycan Səfəvi dövləti ilə Osmanlı imperiyası arasında sülh
müqaviləsi bağlandı. Bu müqavilə ilə uzun müddət davam edən səfəvi-osmanlı siyasi