58
NAXÇIVAN DÖVLƏT UNİVERSİTETİ.
ELMİ ƏSƏRLƏR, 2016, № 5(79)
NAKHCHIVAN STATE UNIVERSITY.
SCIENTIFIC WORKS, 2016, № 5 (79)
НАХЧЫВАНСКИЙ ГОСУДАРСТВЕННЫЙ УНИВЕРСИТЕТ.
НАУЧНЫЕ ТРУДЫ, 2016, № 5 (79)
İSA ARSLAN
Bakı Dövlət Universiteti
isabaku10@gmail.com
UOT: 94.5
ŞAH I ABBASIN HAKİMİYYƏTİ DÖVRÜNDƏ AZƏRBAYCAN SƏFƏVİ DÖVLƏTİ
İLƏ OSMANLI DÖVLƏTİ ARASINDA SİYASİ MÜNASİBƏTLƏR
Açar sözlər: Azərbaycan Səfəvi dövləti, Osmanlı dövləti, Şah I Abbas, siyasi münasibətlər
diplomatik əlaqələr
Keywords: Safavid state, the Ottoman Empire, Shah Abbas I, diplomatic relations, political
relations
Ключевые слова: Сефевидское государство, Османская империя, Шах Аббас I,
дипломатические отношения, политические отношения
XV əsrin sonlarında başlayan “Böyük coğrafi kəşflər” beynəlxalq münasibətlər sistemində
ciddi dəyişikliyə səbəb oldu. Bu dövrdə Kiçik Asiya və Balkanların ışğalı nəticəsində Aralıq
dənizində hegemonluğu ələ alan Osmanl imperiyası, Avropanın şərq ticarəti üçün ciddi təhlükə
yaradırdı. Cünki Osmanlı hakimiyyətinin yeritdiyi ağır “kömrük siyasəti” Şərq-Qərb ticarətinə
böyük zərbə vururdu. Digər tərəfdən bu dövrdə iqtisadi və siyasi böhran dövrünü yaşayan Məmlük
dövləti, ölkəni böhrandan çıxarmaq üçün Misir və Suriya üzərindən Avropaya daşınan Hind malları
üzərində kömrük vergisini artırdı. Hind mallaranı Avropaya daşıyan Portuqaliyalı tacirlər bu ağır
vergilərdən qurtarmaq üçün yeni ticarət yolları axtarmağa başladılar. Nəticədə, Atlantik okeanı
vasitəsilə Hindistana gedən dəniz yolu kəşf olundu. Portuqaliyalı dənizçi Vasqo da Qamanın ərəb
coğrafiyaşünası və dəniz bələdçisi Əhməd ibn Məcidin köməyi ilə Hindistana çatması (may/1498),
Avropa dövlətlərinin Şərqdə müstəmləkəçilik siyasətinin əsasını qoydu (2, 94).
Şərqlə Qərb arasında yeni “okean ticarət yolu”nun kəşf olunması, bölgədə iqtisadi-ticarət
maraqları üst-üstə düşən dövlətlərin siyasi mübarizəsinə ciddi surətdə təkan verdi. Portuqalların
Hind okeanı üzərində ticarət yolunu ələ keçirmək istiqamətindəki addımları, Şərq-Qərb dəniz
ticarətinin aparıcı dövlətlərindən olan Misir Məmlük dövləti və Venesiya Respublikasının ciddi
müqavimətinə səbəb oldu.
Bu dövrdə Azərbaycanda da ciddi siyasi hadisələr baş verirdi.
Ağqoyunlu hakimiyyəti özünün
siyasi tənəzzül dövrünü yaşayırdı. Sultan Yaqubun (1478-1490) hakimiyyəti dövründə yaranmış
siyasi sabitlik, onun ölümündən sonra pozuldu. Uzun Həsənin varisləri arasında başlayan
hakimiyyət uğrunda mübarizə dövlətin siyasi təsisatlarına və xarici siyasi əlaqələrinə ciddi zərbə
vurdu. Belə bir siyasi şəraitdə, siyasi və dini mərkəzi Ərdəbil şəhərində yerləşən Səfəvilər
sülaləsinin nümayəndəsi İsmayıl, Azərbaycanda siyasi hakimiyyət uğrunda mübarizəyə başladı.
1501-ci ildə İsmayıl, Şərur düzündə baş verən döyüşdə Ağqoyunlu hökmdarı Əlvənd Mirzəni
məğlub edərək, paytaxt Təbrizə daxil oldu və ana babası Həsən padşahın hüquqi varisi kimi şahlıq
taxt-tacına əyləşdi. Şiə məzhəbini rəsmi dövlət dini elan edən I Şah İsmayıl “On iki İmam” adına
xütbə oxutdu və öz adına sikkə kəsdirdi. [6, 45]. Beləliklə, I Şah İsmayıl Ağqoyunlu sülaləsinin
hüquqi varisi kimi Azərbaycanda hakimiyyətə gələrək, Səfəvilər sülaləsinin rəsmi hakimiyyətini
elan etdi.
Azərbaycanda səfəvilərin siyasi hakimiyyətinin möhkəmlənməsi ilə dövlətin xarici siyasi
əlaqələrində yenidən canlanma müşahidə olunmağa və qonşu dövlətlərlə siyasi və diplomatik
münasibətlər inkişaf etməyə başladı. Bu dövrdə dövlətin sərhədlərinin genişləndirilməsi, qonşu
dövlətlərlə iqtisadi-ticarət və diplomatik əlaqələrin inkişafı Səfəvi hakimiyyətinin xarici siyasətinin
əsasını təşkil edirdi (2, 95).
Səfəvilərin hakimiyyəti dövründə Azərbaycanın xarici siyasətində Osmanlı imperiyası ilə