1947-ci ildə fəlsəfə diskussiyalan vaxtı Kommunist
partiyasının Mərkəzi Komitəsinin katibi A.A.Jdanov fəlsəfənin
predmeti haqqında elə fikirlər irəli sürmüşdü ki, onlar İ.Sta-
linin bəzi müddəaları ilə ziddiyyət təşkil etmişdi. Məsələn,
Jdanov deyirdi ki, fəlsəfə elmlərin elmi deyil, idrak alətidir,
təbiət və cəmiyyət haqqında elmlərə nüfuz etmiş metoddur,
dialektik materializm başqa elmlərin fovqündə durmamalıdır;
Engels və Leninin dediyi kimi marksist fəlsəfəyə əvvəlki
fəlsəfədən yalnız təfəkkür və onun qanunlan haqqında təlim -
məntiq və dialektika miras qalıbdır.
Bir çox sovet fılosoflan İ.Stalinin əsərlərini təbliğ etmək adı
altında ümumiyyətlə marksist fəlsəfəni inkişaf etdirirdilər.
Rəhbər partiya orqanları fəlsəfəni sovet sosial sisteminin
tərkib hissəsinə çevirmək, onu məhz bu keyfiyyətdə
qanuniləşdirmək, onun üzərində çox ciddi partiya və dövlət
nəzarəti yaratmaq, marksist-leninçi fəlsəfənin nəinki partiya,
hətta dövlət fəlsəfəsi statusunu möhkəmləndirmək yolunda səy
göstərirdilər. Nəticədə, marksist-leninçi fəlsəfə Ölkənin ali
məktəblərində və aspiranturada, partiya təhsili sistemində
öyrənilən yeganə fəlsəfə oldu.
Ədalət naminə demək lazımdır ki, 60-80-ci illərdə marksist
fəlsəfənin sahəsi — xüsusən elmin fəlsəfi problemlərinin tədqiq
edilməsi, həmçinin məntiq, idrak nəzəriyyəsi, fəlsəfə tarixinin
bəzi problemlərinin araşdıniması sayəsində xeyli genişlənmişdi.
Dostları ilə paylaş: 
