Elmi redaktor: amea-nın həqiqi üzvü, əməkdar elm xadimi, fəlsəfə elmləri doktoru, professor Fuad Qasımzadə

Vətəndaş  hüququ

  fərdin 

qanunla  təsdiq  edilən  hüququdur.  Bu  hər  bir  insanın  harada 

istəyirsə,  orada  azad  yaşamağı,  söz  və  dini  əqidə  azadlığı, 

mülkiyyət  hüququ  və  qanun  qarşısında  bərabər  hüququ 

deməkdir.  2. 

Siyasi  hüquq

  seçkilərdə  iştirak  etmək  və  dövlət 

vəzifəsinə  seçilmək  hüququdur.  Bu  hüquq  çox  uzun  vaxt  və 

çətinliklə  əldə  edilmişdir. 

3.  Sosial  hüquq

  hər  bir  fərdin 

müəyyən mi- 

445 

---

nimum  iqtisadi  rifahı  və  təhlükəsizliyi  üçün  müstəsna 

hüququdur. Buraya xəstəlik vaxtı sosial təminat, işsiz olan vaxt 

sosial  müdafiə,  həmçinin  əmək  haqqının  müəyyən  olunmuş 

minimumu almaq hüququ daxildir. 

Hüquq  və  siyasət  ictimai  həyatın  qarşılıqlı  əlaqədə  olan  iki 

sferasıdır.  Hüquq  və  dövlət  arasındakı  qarşılıqlı  əlaqə 

ikitərəflidir: bir tərəfdən dövlət hüquq sistemini təsdiq və qeyd 

edir,  onu  ümumi,  hamı  üçün  məcburi  edir;  onun  pozulmasına 

qarşı dövlət təsirli tədbirlər görür. Başqa tərəfdən, dövlətin özü 

hüquq  tərəfindən  müdafiə  edilir,  onun  normal  fəaliyyəti  təmin 

edilir. Siyasət ilə hüquq arasındakı ümumi cəhət odur ki, onların 

hər  ikisi  cəmiyyətin  tənzimləyici,  qarşılıqlı  asılı  olan 

sistemləridir. 

Yalnız  hüquqa  əsaslanan  siyasət  cəmiyyəti  sabitləşdirən  və 

birləşdirən ağıllı fəaliyyət hesab edilə bilər. Hüquq və əxlaqdan 

kənarda humanist və demokratik siyasətə yer yoxdur.