etik skeptisizm
doğru və yaxşını müəyyən etmək
məsələsində hətta ən kiçik inamı belə inkar edir; 2)
etik nihilizm
hərəkətin doğru və ya yalan olmasını dəyərləndirmək imkanını
ümumiyyətlə inkar edir; 3) etik relyativizm elə nəzəriyyədir ki,
hər hansı bir hərəkətin düzgün və ya yanlış olması insanın
yaşadığı cəmiyyətdən asılıdır (yaxud ona uyğundur), yəni bir
cəmiyyətdə yaşayan insanlar üçün düzgün hesab edilən hərəkət
başqa cəmiyyətdə yaşayanlar üçün düzgün olmaya bilər.
Əxlaqi şüurun kökü nəsillərin təcrübəsinə görə cəmiyyət və
insanı saxlamaq və inkişaf etdirmək üçün faydalı olan və
insanların tələbatına və marağına cavab verən davranışları
möhkəmləndirən adətlərə qədər uzanır. Əxlaqi şüurun
xüsusiyyətlərini, onun strukturunu və tarixən dəyişən
normalarını, yuxarıda deyildiyi kimi xüsusi fəlsəfə elmi - etika
təsdiq edir. Cəmiyyətin əxlaqi şüuru ictimai mənafe baxımından
məqbul olmayan qaydaları aradan götürməyə qulluq edən
müxtəlif növ sosial yasaqlarda təzahür edir.
Əxlaq fəlsəfəsi əxlaqın mənəvi dəyərlər sistemində yerini
müəyyənləşdirir, onun təbiətini, daxili strukturunu təhlil edir,
davranış qaydalarının bu və ya başqa sistemini nəzəri cəhətdən
əsaslandırır.
Dostları ilə paylaş: |