masa da, onların aparılması davam edir; çünki bu tədqiqatlar
insanın elmi dünyagörüşünə qiymətli hədiyyə olmaqla gec-tez
praktiki nəticələrə gətirən qaynaq ola bilərlər.
Beləliklə, vahid idrak prosesi iki əsas momentə bölünür: hissi
və rasional idrak. Bu momentlərin əsasını obyektin əks tərəfləri -
xarici və daxili tərəfləri təşkil edir, yəni görünən, təzahür edən və
görünməyən, hiss edilməyən tərəfi. Bu o deməkdir ki, idrak iki
mərhələdən keçir: təzahürdən, hiss üzvləri vasitəsilə və hissi idrak
formalarında əks olunan mərhələdən - mücərrəd təfəkkürün zəruri
fəaliyyəti nəticəsində mahiyyəti, yəni obyektin daxili, zəruri, əsas
tərəflərini və əlaqələrini üzə çıxaran mərhələyə keçir.
Biliksizlikdən biliyə keçid gerçəklik haqqında bilavasitə bilik
verən hiss üzvlərinin yardımı ilə obyektin dərk edilməsindən
başlayır.
Mücərrəd (abstrakt) təfəkkür idrakın ən yüksək mərhələsi
kimi çıxış edir. Mücərrədlik (abstraksiya), yəni anlayış,
kateqoriya, qanun və s. yaradarkən təfəkkür başlanğıc material
kimi hissi idrak mərhələsində əldə edilmiş məlumatlardan istifadə
edir. Ona görə də hər cür mücərrədlik son nəticədə öz daxili
qanunauyğunluqları ilə yanaşı həm də hiss üzvlərinin verdiyi
məlumatın təhlili əsasında meydana gəlir.
Məntiqi təfəkkür təzahürü dərk etməkdə də mühüm rol
oynayır, mahiyyətin dərk edilməsi isə yalnız mücərrəd təfəkkür
mərhələsində baş verir. Lakin mücərrəd təfəkkür ümumiyyətlə
hər hansı hissi-empirik material olmadan da həyata keçirilə bilər.
Konkret idrak aktlarının hamısı hissi idrakdan başlamır. Müasir
tədqiqatçı əvvəllər tərtib edilib formalaşmış mücərrəd nəzəriyyə
və prinsiplər ilə silahlanır və öz tədqiqatını birbaşa mücərrəd
təfəkkürdən başlaya bilir; belə hallarda idrak mücər- rədlikdən
təcrübi məlumatlara doğru hərəkət edir.
Yuxanda deyildiyi kimi, nəzəri səviyyə empirik səviyyə ilə
üzvi əlaqədə olsa da, nəzəri aparatın formalaşması təfəkkürün
məntiqi mücərrədliklə nisbətən sərbəst hərəkət etməsi üçün şərait
yaradır, və beləliklə, idrakın təzahürdən mahiyyətə doğru
hərəkətini məntiqi səpkidə, yəni məntiqi kateqoriyalar vasitəsilə
tədqiq etməyə imkan yaradır.
295
Problemin həllinə kompleks şəkildə yanaşma idrakın empirik
və nəzəri tərəflərinin qarşılıqlı münasibəti tələb edir ki, əv- vəla,
bu münasibət formal məntiqi baxımdan təhlil edilsin; ikincisi, bu
münasibət biliyin inkişafında bir mərhələ kimi tədqiq edilsin.
İkinci halda empirik və nəzəri tərəflər idrak prosesinin
mərhələləri kimi təsvir edilir.
Məntiqi olaraq empirik və nəzəri tərəflər aşağıdakı əlamətlərə
görə fərqlənirlər: 1) bilikdə olan cümlələrin xarakterinə görə.
Bilavasitə müşahidəyə aid olan cümlələr empirik tərəf kimi izah
edilir, qanunu ifadə edənlər isə nəzəri tərəf hesab olunur; 2)
empirik və nəzəri tərəfləri tədqiqat obyektlərinə görə. Nəzəri
obyekt deyəndə idealizə etməyin və mücərrədləşdirməyin
nəticəsi nəzərdə tutulur (yəni idealizə olunmuş və
mücərrədləşdirilmiş obyektlər). Məsələn, həndəsədə nöqtə,
düzxətt, fizikada mütləq bərk cisim və s. nəzəri obyekt hesab
olunur. Empirik obyektlərin isə bilavasitə mövcud olan
nümunələri var.
Başqa sözlə, müşahidə və eksperiment, təcrübədən alman
faktlann təsviri, empirik qanunauyğunluqların qısa xülasəsi
empirik səviyyəyə aiddir. Yuxanda deyildiyi kimi, bu mərhələ
bütün elmi biliyin başlanğıc nöqtəsi, təməli olmuş və olmaqdadır.
Lakin təcrübənin öz xarakteri əsaslı surətdə dəyişib, empirik və
nəzəri tədqiqat üsullannm bir-birinə qarşılıqlı nüfuz etməsi
güclənib. Ən elementar müşahidələrdə belə cihazlar tərəfindən
qeyd olunan göstəricilər kifayət qədər yüksək dərəcəli mücərrəd
anlayışlarda istifadə edilir. Məntiqi üsullar (analiz və sintez,
mücərrədləşdirmə və ümumiləşdirmə, induk- siya və deduksiya)
empirik və nəzəri səviyyələr üçün ümumi olan xüsusi idrak
metodlarıdır. Artıq empirik səviyyədə subyekt nəzəri anlayış və
müşahidələr əldə edir.
Hissi təcrübə öz-özünə yaranmır və müəyyən bir empirik
prosesin sonudur. «...Hissi təcrübə, həm də nəyinsə nəticəsi olan
başlanğıcdır»,idrakın yeni mərhələsinin əvvəlidir.
Dostları ilə paylaş: