insanın ontogenez yolla qərarlaşması başa çatdıqdan sonra o, nəticəsi öz
təcəssümünü maddi mədəniyyətdə və irsiyyətin sosial proqramında tapan
ictimai-iqtisadi fəaliyyəti vasitəsilə sosial şəxsiyyət kimi fonnalaşmağa
başlamışdır. İctimai münasibətlərin inkişafı, insan və onun səlis nitqinin
yaranması adamların davranışının mövcud ictimai münasibətlərə cavab
verən əxlaqi prinsiplərinin formalaşmasına gətirib çıxarmışdır. Heyvan
davranışı ilə insan davranışı arasında yeni keyfiyyətli varislik dururdu.
Heyvanların davranışının əsasən genlərlə, insanlarmkmm isə təfəkkürlə,
hisslərlə ifadə, təbiət və cəmiyyət qanunlarının dərk olunma səviyyəsi ilə,
özünü dərkin və özünü qiymət- ləndiraıəsinin dərəcəsi ilə şərtlənir.
İnsanların məqsədyönlü fəaliyyəti nəticəsində əhəmiyyətli dərəcədə
modifıkasiyaya uğrayan bioloji amilin sosial amilin təsiri ilə bir növ
«insanlaşaraq» heyvanların bioloji amili ilə müqayisədə çox-çox
yüksəkliyə qalxmışdır. Doğrudan da, insan orqanizminin struktur və
funksiyalarının ali heyvanlarmkı ilə müqayisədə bir sıra ümumi cəhətlər
olsa da, onlarda insanların əmək fəaliyyəti ilə şərtlənən bəzi yeniliklər də
vardır. Heyvan qarşısında insanın üstünlüyü bundadır ki, onun bütün həyat
fəaliyyəti, davranışı və hərəkətləri özünün şüur və iradəsinin nəzarəti
altındadır. İnsan yalnız özünün deyil, həm də başqalarının həyat
tələbatlarını ödəmək üçün istehsal edir. İnsanın istehsal etdiyi sərvətlər
ictimai əhəmiyyətə malikdir. Onun hissiyyat və tələbatı isə istehsal
prosesində getdikcə daha çox inkişaf edir. Buna görə də bioloji aspekt
insanın onu həm heyvan əcdadına yaxınlaşdıran, həm də onu heyvanlar
aləmindən fərqləndirən tamamilə yeni cəhətidir. İnsanı unikal varlığa
çevirən cəhət odur ki, onda genetik proqrama malik olmaqla yanaşı, öz
zəngin empirik və intellektual təcrübəsini şüurlu surətdə gələcək nəsillərə
ötünnək qabiliyyəti də vardır. İnsan ontogenezində bi- oloji-sosial amillərin
nisbətini araşdırarkən onun fərdi inkişafından em- brional və postembrional
dövrləri fərqləndirmək lazımdır. Biriısd dövr - uşağın ana bətnində əsasının
qoyulduğu andan onun doğulduğu ana qədərki dövrü, başqa sözlə,
embrionun ana bətnində inkişafını əhatə edir. A.P.Dubinin bu dövrü belə
səciyyələndirir: «Embrional dövrdə orqanizmin inkişafı möhkəmlənmiş
genetik proqram əsasında ətraf flziki və sosial mühitin nisbətən zəif
təsiri altında baş verir». Embrionun inkişafının ilk dövründən etibarən
valideynlərdən əxz olunaraq xromosomların DNT-də möhkəmləndirilmiş
genetik proqram fəaliyyətə başlayır. İnkişafın erkən çağlarında insan
embrionunun inkişafı digər onurğalılann inkişafına çox oxşayır. Bu
baxımdan insan və meymun embrionlarmm uzun müddət saxlanan oxşarlığı
onların fılogenez qohumluğuna dəlalət edir. Hər bir insan genetik baxımdan
nadir
68
varlıqdır. Digər canlı varlıqlar kimi insanın da bir çox cəhətdən genotiplər
tərəfindən determinə olunan əlamətlərinin nəsillərdən nəsillərə ötürülməsi
irsiyyət qanunları əsasında baş verir. Bir çox alimlər insanın əqidə apardığı
hesablama qabiliyyətinin, onun bu və ya digər elmə olan meylinin də irsən
keçdiyini söyləyirlər. Bu gün elmdə mövcud olan nöqteyi-nəzərə görə,
valideynlərdən uşaqlara qabiliyyətlərin özləri deyil, onların şəraitdən asılı
olaraq az və ya çox təzahür edən nişanələri, əlamətləri keçir. Digər
məməlilərdə olduğu kimi, insanlarda da genetik material onların
xromosomlarında yerləşən nuklein turşularıdır. İnsan ontogenezində
irsiyyət və mühitin rolunun başa düşülməsində «genotip» və «fenotlp»
anlayışlarının da mühüm əhəmiyyəti vardır. Genotip - orqanizmin irsiyyət
əsası olub, onun xromosomlarında lokallaşan genlərin məcmusudur.
Fenotip isə - orqanizmin fərdi inkişafı prosesində formalaşan bütün xassə və
əlamətlərin məcmusudur. Orqanizmin mühitlə qarşılıqlı təsirilə şərtlənən
fenotip genotipdən fərqli olaraq, orqanizmin bütün həyatı boyu həmişə
dəyişilir. Eyni genotiplər mövcud olduqları şəraitdən asılı olaraq müxtəlif
fenotiplər yaradırlar. Bütün təsir amillərini nəzərə alaraq insan fenotipinin
aşağıdakı elementlərini qeyd etmək olar: genlərdə kodlaşan bioloji
rüşeymiər; sosial və təbii mühit; fərdin fəaliyyəti; əql (şüur, təfəkkür).
İnsanın irsiyyəti bütün həyatı boyu onun yaşadığı mühitlə qarşılıqlı təsirdə
olur. Bu təsir orqanizmin inkişafından qırmızı xətlə keçərək onun
embrional, südəmər uşaqlıq, yeniyetmə və gənclik dövrlərində xüsusilə
güclü olur. Orqanizmin intensiv inkişafı və şəxsiyyətin formalaşması məhz
bu dövrə təsadüf edir. İrsiyyət orqanizmin necə ola biləcəyini göstərsə də,
insanın inkişafı hər iki amilin - irsiyyət və mühitin təsiri ilə baş verir. Bu
gün hamıhqla qəbul edilmişdir ki, insanın mühitə adaptasiyası eyni vaxtda
irsiyyətin hər iki proqramının - bioloji və sosial proqramının təsiri altında
həyata keçirilir. Fərdin əlamətləri onun mühitlə qarşılıqlı təsirindən yaranır.
Buna görə də insan eyni zamanda həm təbiətin bir hissəsi, həm də ictimai
inkişafın məhsuludur. Alimlərin böyük əksəriyyəti hazırda bu mövqe ilə
razıdır. Fikir ayrılığı isə ancaq insanın əqli fəaliyyətində irsiyyət və mühitin
rolunun nisbəti məsələsi ətrafında yaranır. A.P.Dubinin amerikan
alimlərinin tədqiqatlarına istinad edərək yazır: «Alimlər əqli qabiliyyətin
irsən keçməsini göstərməyə çalışdılar və ziddiyyətli nəticələrə gəlib
çıxdılar. İki fikir mövcuddur: birincisi, əqli qabiliyyət genetik olaraq
keçir və ikincisi, əqli
qabiliyyətin inkişafı sosial mühitin təsirilə
şərtlənir». Tədqiqatlar göstərir ki, valideynlərdən biri və ya hər ikisi
kəmağıl olduqda doğulan uşaqların da kəmağıllılıq faizi artır. Eyni bir
ailəyə mənsub olan kəmağıl uşaqların öyrənilməsi isə göstərir ki.
69