Elxan Elatlı o gecə yağIŞ yağirdi
Yüklə 5,01 Kb. Pdf görüntüsü
|
downloaded from KitabYurdu.org VII * * * kimsə gəlib. Bu şəxsin kimliyi və necəliyi haqqında demək olar ki, bizim heç bir təsəvvürümüz yoxdur və qatil hadisə yerində heç bir iz də qoymayıb. Bəs o adam kim ola bilər? Axı nə üçün biz heç cür onun izinə düşə bilmirik? Üçə on dəqiqə qalmış şöbə rəisi mayor Seyidovla məni kabinetinə çağırdı. İkimiz də tələsik onun yanma getdik. Otaqda rəisdən başqa bir nəfər də var idi. Həmin adam stolun arxasında oturub qoşalaşmış əllərini çənəsinə dayaq vermişdi. Biz içəri girəndə hər ikimizi ani nəzərlərlə süzüb diqqətini mənim üzümdə cəmlədi. Əyninə nazik, qara plaş geyib, başına həmin rəngdə şlyapa qoymuş, anq, azacıq donqar burnu təmiz qırxılmış sifətinə yaraşıq verən, gözünün üstünə enmiş nazik sərt qaşları, adamın yeddi qatından keçən iti baxışları olan bu adamı tanımaya bilərdimmi? Bu haqqında sizə danışdığım polkovnik Qanbay Qasımlı idi. - Xoş gəlmisiniz, Qanbay müəllim! - deyə onunla görüşdüm. Qanbay Qasımlı zəndlə üzümə baxıb: - Akademiyanı keçən il bitirmisiz? - deyə soruşdu. - Bəli, - dedim. - Bizə bir neçə mühazirə oxumuşunuz. Mən həmişə arxada otururdum. - Yadıma düşdü, - Qasımlı mehribanlıqla başını tərpətdi. Sonra ciddiləşib üzünü rəisə tutdu: - Axşam mütləq Bakıda olmalıyam. Vacib işim var. Məndən qeyri-rəsmi olaraq xahiş ediblər ki, sizdə baş vermiş cinayət hadisəsini araşdınb həkim Vaqif Fərəcovun günahsızlığını sübut edim. Əlbəttə, əgər doğrudan da günahsızdırsa. Odur ki, xahiş edirəm, məni topladığınız bütün materiallarla tanış edin! Rəisin qanı bir az qara idi. Deyəsən Qasımlınm bu işə qarışdırılması onu o qədər də açmırdı. Ancaq başqa çarəsi yox idi. Yuxandan belə məsləhət görmüşdülər. Bir az da düşünüb dilləndi: - Materiallarla sizi tanış edəcəyik. Ancaq siz tələsirsinizsə, bilməlisiz ki, bu işin açılması çox uzun vaxt tələb edə bilər. Bəlkə heç özünüzü yormağa dəyməz? Biz hər şeyi dərindən araşdırmışıq və şübhəli şəxslərin istintaqı hələ davam edir. İnanınq ki, zəhmətimiz öz downloaded from KitabYurdu.org downloaded from KitabYurdu.org VII * * * nəticəsini verəcək. Bakıdan gələn qonaq dinmədi. Yaranmış xoşagəlməz sükutun mənasını başa düşən rəis Təyyar müəllimə baxdı: - Verin protokolları, tanış olsun! - dedi. Mayor Seyidov qalın kağız qovluğu Qanbay Qasımlının qarşısına qoydu. - Hamısı budur? - Qasımlı soruşdu. - Bəli! - Seyidov cavab verdi. - Mən hadisə yerinə də baş çəkmək istəyirəm. - Qasımlı qovluğu götürüb dedi: - İcazə verin sənədlərlə yolda tanış olum. Mənimlə bu baş leytenant getsə kifayətdir: - deyə-mənə baxdı. - Başqa heç kəsə ehtiyac yoxdur. Kəndə mənim gəldiyim maşınla gedərik. - Necə istəyirsiz, elə də olsun! - rəis razılaşdı. Qaraqabaq xəfiyyə ayağa qalxıb kabinetdən çıxdı. Mən də rəisin göstərişi ilə onun arxasınca gedib həyətə düşdüm. O, ağ rəngli Volqada gəlmişdi. Qapını açıb məni sükan arxasına dəvət etdi: - Siz sürün! - Maşın özünüzündür? - deyə sükan arxasında oturub soruşdum. - Yox, qonşumundur! - dedi. - Maşına qulluq etməkdən zəhləm gedir. Qasımlı arxada əyləşib qovluğu yanma qoydu və biz Qaradumanlı kəndinə yola düşdük. O, yol boyu qovluqdakı istintaq protokollarını bir-bir diqqətlə oxuyurdu. Ona görə də dinib- danışmırdıq. Düzünü deyim ki, onun kimi adamın mənimlə yol-yoldaşı olmasından qürur hissi duyurdum. Akademiyada bir müəllimin Qasımlı haqqında danışdıqları yadıma düşdü. O deyirdi ki, cinayətkarların ən təhlükəli düşməni olan Qasımlı Rusiyanın vilayətlərində istər milis işçiləri, istərsə də cinayətkar qruplar arasında «qara xəfiyyə» adı ilə tanınırmış. Onun iştirak etdiyi bütün əməliyyatlar müvəffəqiyyətlə nəticələnirmiş. Müəllimimiz deyirdi ki, Qanbay Qasımlımn ailəsi intiqam qurbanı olub tələf olandan sonra istefaya çıxıb vətəninə qayıdanda, onun ölkədən uzaqlaşması cinayətkar mühitin əsl bayramına çevrilib. İndi həmin bu adam iyirmi gündən bəri baş aça downloaded from KitabYurdu.org downloaded from KitabYurdu.org VII * * * bilmədiyimiz qaranlıq cinayət işini araşdırmaq üçün mənimlə Qara- dumanlı kəndinə gedirdi. Görəsən «qara xəfiyyə» o qaranlıq, yağışlı gecənin sirrini aça biləcəkdimi? Artıq yolu yarıdan keçmişdik. Maşınımız meşənin içindən salınmış narahat yolla irəliləyirdi. Qasımlı materiallarla işini qurtardı. Qovluğu bağlayıb bir siqaret yandırdı və dilləndi: - Sahə müvəkkili Mehman Cəfərov sizsiz? - Bəli, - dedim. - Mehman müəllim, indi hadisə barədə bildiklərinizi və gördüyünüz işləri danışın. Hadisə baş verən gündən nə olmuşdusa, sizə danışdığım kimi ona da danışdım. Qasımlı mənə diqqətlə qulaq assa da heç nə demədi. Kəndə girəndə xahiş etdi ki, hadisə ilə bağlı danışdırılan adamlann evlərini göstərim. Maşını asta-asta sürməklə əsas küçə ilə gedib sıra ilə Ağasəmədin, Namiqin, Oqtaym, nəhayət, Kamilgilin evlərini göstərdim. Sonra maşını döndərib geri qayıtdım və məktəb küçəsinə döndüm. Burada da maşını irəli sürüb sonuncu evin - Vaqifin evinin yanından döndərdim və geri qayıdaraq sağdan Vaqifin, Rüstəmin, Feyzi kişinin, solda Paşanın və yenə sağda Mikayılın evini tanıtdırdım. Maşını da elə buradaca - hadisə baş verən evin qarşısında saxladım. Sahibsiz qalmış həyətin darvazası qıfıllı idi. Qasımlı düşüb darvazadan küçənin tininə qədər yola nəzər saldı və çevrilib soruşdu: - Təranə Ağasəməd ilə harada rastlaşıb? Mən Mikayılın darvazasından əsas küçəyə tərəf dörd-beş metr addımlayıb durduğum yeri göstərdim. - Təxminən burada! Bu vaxt Rüstəmlə Kamil Rüstəmgilin həyət qapısından çıxıb yanımıza gəldilər və bizimlə görüşdülər. Qasımlmı onlara çox qısa təqdim etdim. - Bakıdan gəlib... Rüstəm darvazanı açaraq dedi: - Kamillə çay içirdik. Uşaq dedi ki, buraya maşın gəldi. Ona görə downloaded from KitabYurdu.org Yüklə 5,01 Kb. Dostları ilə paylaş:
|