downloaded from KitabYurdu.org
Onsuz da qaymatamgilin məndən zəhləsi gedirdi...
-
Nə etmək olar, allah səbrinizi versin, - dedim.
-
Sağ olun!
Nailə çevrilib getdi. Onun arxasınca baxa- baxa fikirləşdim ki,
yazığın əri ölüb, bu yandan da yersiz tənələrin əzabını çəkəcək.
Elə bu vaxt polkovnik Qasımlı blokun qapısından çıxıb «Sabahınız
xeyir!» deyərək yanımdan ötüb keçdi. Mən cəld kapotu örtüb maşına
əyləşdim və mühərriki işə saldım. Yavaş- yavaş evin tinindən dönüb
parkı arxada qoydum və təxminən əlli metr məndən qabaqda səki ilə
addımlayan Qasımlım izləməyə başladım.
O, qarşıdakı döngədə sağa buruldu. Mən də yol ayrıcına çatıb
maşını sağa döndərdim. Qarşıda avtobus dayanacağı görünürdü.
Qasımlı dayanacağa çatmağa az qalmış dayandı və üzünü maşın
yoluna çevirdi. Mən nə edəcəyimi bilməyib maşını saxladım. Məndən
əlli metr aralı olan Qasımlıya göz qoymağa başladım. Dayanacaq
köşkünün qarşısında bir-iki adam görünürdü. Köşkün içində isə adam
olub-olmadığmı görə bilməzdim. On dəqiqəyə kimi beləcə gözlədim.
Həmən müddətdə Qasımlı da yerində durmuşdu.
Dayanacaqda mikroavtobus dayandı. Köşkdən iki kişi və bir qadın
çıxıb ona mindi. Mikroavtobus yola düşdü. Bir siqaret yandırıb
çəkməyə başladım. Bu vaxt dayanacaqda ağ rəngli bir Jiquli saxladı.
Dayanacaq köşkündən bir qadın çıxıb Jiquliyə mindi. Qadını Nailəyə
oxşatdım. Maşın yerindən tərpənən kimi Qasımlı mənə yaxınlaşmaq
işarəsi verdi. Maşını irəli sürüb onun yanında saxladım. Qasımlı
tələsik arxada oturub:
-
O maşını gözdən qoyma! - deyə uzaqlaşmaqda olan Jiqulini
göstərdi. Mən sürəti artırıb bütün diqqətimi irəli verərək:
-
O qadın Nailə idi? - deyə soruşdum.
-
Hə! - deyə Qasımlı cibindən bloknot çıxarıb Jiqulinin nömrəsini
yazdı.
-
Mən, deyəsən, bir dəfə də Nailəni bu maşına minən görmüşəm, -
dedim.
-
Nə vaxt?
downloaded from KitabYurdu.org
downloaded from KitabYurdu.org
-
5-6 ay olar.
Maşını müvəffəqiyyətlə izləyirdim. Nəhayət Jiquli şəhərdən çıxıb,
şəhərətrafı bağlara tərəf yol aldı.
-
Bağ evinə gedirlər... - deyə Qasımlıya baxdım.
-
Yəqin ki! - Qasımlı qısaca cavab verdi. İzlədiyimiz maşın
bağarası dar küçələrə
girəndə Qasımlmm göstərişi ilə sürəti azaltdım və onları gözdən
itirdik. Ancaq bir azdan biz daha
bir tini burulub, uzun küçəyə çıxanda Jiqulini irəlidə, bir darvazanın
qabağında dayanan gördük. Maşının yanında adam yox idi. Biz
Jiqulinin lap böyründən keçəndə Qasımlı:
- Darvazanın bir tayından açılmış qıfıl asılıb. Deməli içəridə
onlardan başqa heç kəs yoxdur. - dedi.
Biz daha iki bağı ötürüb dördüncü bağın qıfıllı qapısı yanında
dayandıq və onların girdiyi bağın qapısını güdməyə başladıq. Saat
yanm ya iki saat gözləyəndən sonra Nailə bir ucaboy, gənc kişi ilə
bağdan çıxdı. Kişi açarla darvazanın qıfılını bağladı və onlar maşına
minib getdilər. Qasımlı maşını həmin bağa bir qədər yaxınlaşdırmağı
tapşınb, darvazadan 5-10 metr aralı maşından düşdü və o qədər də
hündür olmayan hasardan adlayıb həyətə girdi. Mən ətrafa boylandım.
Görən yox idi. Maşında oturub gözləməyə başladım. Təxminən yanm
saatdan sonra Qasımlı hasardan aşıb yanıma gəldi və maşına minib:
- Sür şəhərə! - dedi.
Şəhərə yola düşdük. Heç birimizin danışmağa həvəsimiz yox idi.
Xüsusilə məni dərin fikir götürmüşdü. Axşam əri ölən bir qadının
səhər yad kişi ilə xəlvətdə görüşməsini qəlbim heç cür qəbul edə
bilmirdi. Yəni Nailə bu dərəcədə pozulmuşdu? Mən yenə də buna
inanmaq istəmirdim. Gördüyümü də başqa yerə
yozmağa çalışırdım. Düşünürdüm ki, burada nə isə başqa iş var.
Amma başqa nə iş ola bilərdi ki?
Şəhərə çatanda Qasımlı maşını şəhər baş polis idarəsinə sürdürdü.
Maşından düşüb idarəyə girdi. Onu 5-10 dəqiqə gözlədikdən sonra
qərara gəldim ki, redaksiyamıza atüstü də olsa baş çəkim.
downloaded from KitabYurdu.org
downloaded from KitabYurdu.org
Redaksiyaya gedib qayıtmağım 20 dəqiqə çəkdi. Maşını əvvəlki
yerində saxladım. Qasımlı hələ çıxmamışdı. Bir saat da gözlədikdən
sonra o, idarədən çıxdı və gəlib maşına oturdu.
-
Gedək! Bağışlayın ki, bir az gecikdim. Köhnə dostumla söhbətim
uzandı.
-
Eybi yoxdur. Hara gedək?
-
Evə! - dedi və birdən soruşdu: - Mən içəridə olanda hara
getmişdiniz?
-
Nədən bildiniz? - deyə soruşdum. - Mən olmayanda çıxmışdınız?
-
Yox! - Qasımlı mənalı-mənalı gülümsədi. - Sayğac mən
maşından düşəndən sonra daha səkkiz kilometr yazıb.
-
Hə... İşə baş çəkməyə getmişdim, - dedim və nədənsə özümü bir
təhər hiss etdim.
Evə çatanda maşını blokun qabağında saxladım. Qasımlı məndən
ayrılanda:
-
Axşam saat 9-da sizi gözləyirəm! - dedi.
* * *
Axşama qədər heç bir işlə məşğul ola bilmədim. Nailənin fikri
başımdan çıxmırdı. Onun ağla batmaz hərəkətini heç cür dərk edə
bilmirdim. İşin mahiyyətini tezliklə öyrənməyə can atırdım. Qanbay
Qasımlının özünü müəmmalı aparması da marağımı artırırdı. Əsimdə,
keçmiş Cinayət Axtanş işçisinin bəzi işləri məni əsəbiləşdirirdi.
Düşündüklərini sona qədər bildirməmək üçün o, hətta bəzən məni
aldadırdı ki, şübhəsiz, bu da mənə toxunurdu. Buna görə də o, hər
hansı bir araşdırma ilə məşğul olarkən, ona sual verməməyə
çalışırdım. Bilirdim ki, onsuz da mənə dəqiq cavab verməyəcək.
Lakin qəribədir ki, bütün bunlar dərin ağıl sahibi olan Qanbay
Qasımlıya hörmətimi azaltmırdı. Mən apardığı əməliyyatlarda onunla
yoldaşlıq etməkdən həzz alırdım.
Saat doqquz olan kimi Qasımlmm mənzilinə getdim. Qasımlı
məndən xahiş etdi ki, 7-ci mərtəbədən Nailəni də onun yanma
çağınm. Nailə ilə üzbəüz gəlməyə həvəsim olmasa da, tabe olub
pilləkənlərlə yuxan qalxdım və 31-ci mənzilin zəngini çaldım. Nailə
downloaded from KitabYurdu.org
downloaded from KitabYurdu.org
qapını açdı.
-
Nemət müəllim?! Buyurun içəri.
Səhər gördüyümə nisbətən əhvalı yaxşı idi.
-
Yox, sağ olun. Xahiş edirəm mənimlə qonşum Qasımlının
mənzilinə gedək.
-
Nə üçün?
-
Yəqin ki sizinlə vacib söhbəti var.
-
Nə söhbət? Yaxşı... paltarımı dəyişim, gedək!
O, yüngül xalatda idi. Otağa keçib səhərki paltarını geyindi və
birlikdə qonşumun mənzilinə düşdük. Mənzilin qapısı bağlı deyildi.
Biz içəri girəndən sonra mən qapını bağladım. Qasımlı öz kreslosunda
oturub fikrə getmişdi. Azacıq qalxaraq Nailəyə «Xoş gəlmisiz.
Buyurun, əyləşin» dedi. Nailə divanda, mən isə stulda oturdum. Araya
sükut çökdü. Qasımlı altdan gözaltı Nailəni süzürdü. Nailə isə narahat
halda otağa göz gəzdirirdi. Nəhayət, birinci o dilləndi.
-
Məni niyə çağırmısız?
-
Nailə xanım! - Qasımlı kresloda yerini rahatlayıb sözə başladı:
-
Mərhum əriniz dünən səhər burada mənzilinizdə olmuş oğurluq
hadisəsi haqqında mənə məlumat verdi. Mənzilinizdən bildiyiniz
kimi, papaq, dəri gödəkcə, videomaqnitofon və xarab olmuş bir
televizor oğurlanmışdı. Əriniz çox təkidlə xahiş edirdi ki, mən bu
məsələ ilə məşğul olum və oğurlanmış əşyalan tapım. Mənim vaxtım
məhdud olduğu üçün və xırda oğurluq işi ilə məşğul olmaq
istəmədiyim üçün etiraz etdim. Lakin oğurlanan əşyalara ərinizin
layiq olduğundan böyük qiymət verməsi məni şübhəyə salmışdı. Eyni
zamanda, Xatəm özündən asılı olmayaraq dörd əşyadan daha çox
televizora əhəmiyyət verdiyini büruzə verirdi. Həmin gün axşam mən
sizin mənzilinizdə olanda otağa göz gəzdirdim. Mənə aydın oldu ki,
siz heç də kasıb deyilsiniz. Təkcə qab-qacaq şkafınızda oğurlanan
əşyalardan daha qiymətli şeylər var. Oğru isə heç nəyə toxunmadan,
pul və cavahirat aparmadan həmin dörd əşyanı götürüb çıxıb. Burada
mənim ağlıma gəldi ki, Xatəm əsas var-dövlətini, yəni pulunu xarab
olmuş televizorun içində saxlaya bilər. Belə olanda, oğurluq
downloaded from KitabYurdu.org
downloaded from KitabYurdu.org
məsələsində mən sizdən şübhələndim və şübhələrim düz çıxdı... - Bu
zaman Nailə ayağa qalxıb nə isə demək istədi. Qasımlı əlinin işarəsi
ilə onu saxladı: - Əyləşin, Nailə xanım! Əyləşin və sakitcə qulaq asm.
Mən qurtarandan sonra danışmaq üçün sizə istədiyiniz qədər vaxt
verəcəm. Qulaq asm! Siz restoran sahibi olan Nazim Urşanovla bir ilə
yaxındır ki, gizli məhəbbət əlaqəsi qurmuşunuz. Nə vaxtsa ərinizdən
boşanıb ona ərə getməyi qərara almışdınız. Əriniz pullarını
televizorun içinə qoyanda bunu sizdən gizlətməyib. Bu işi sizin
yanınızda edib. Deməli onun sizə inamı və istəyi var imiş. Təəssüf ki,
siz bunu qiymətləndirməmisiz. Pulun yerini Nazimə demisiz. Ad
gününə getməmişdən qabaq öz açarınızı ona vermisiz. Nazim gecə
mənzilə girib həmin əşyalan götürüb. Əgər o, televizoru söküb pulları
götürsəydi, əriniz sizdən şübhələnə bilərdi. Ona görə də Nazim bütöv
televizoru və gözdən pərdə asmaq, Xatəmi azdırmaq üçün digər üç
əşyanı götürüb.
Bu gün siz Nazimlə onun bağ evinə gedəndə mən sizi izləyirdim.
Siz bağdan çıxandan sonra bağa girdim və hər yerə diqqətlə göz
gəzdirəndən sonra nisbətən təzə qazılmış və üstü ciddi-cəhdlə
hamarlanmış yer aşkar etdim. Qazıyanda oğurlanan əşyalann orada
basdırıldığını gördüm. Televizorun arxası açılmışdı. Oradan bir baş
polis idarəsinə gəldim. Bəzi cənablar ağ Jiqulinin və həmin bağ evinin
sahibini müəyyənləşdirdilər və onun barəsində mənim üçün geniş
məlumat topladılar. İki saat bundan əvvəl isə buraya telefonla zəng
edib bildirdilər ki, əməliyyat qrupu həmin əşyaları bağdan götürüb və
Nazimi şəhərdəki evində həbs edib.
Nailə yerindən qalxdı. Bədəni əsim-əsim əsirdi. Dili sanki söz
tutmurdu. Elə bil gözlərindən alov çıxıb Qasımlım yandıracaqdı.
Birdən çığırmağa başladı:
-
Nazim düz deyirmiş, siz doğrudan da iblissiniz, şeytansınız! Sizə
dəxli olmayan işə niyə başınızı soxursuz? Axı siz kimsiniz?
-
Sakit olun. - Qasımlı zərrə qədər də əsəbiləşmədən ayağa qalxıb
bir stəkan su gətirdi və stolun üstünə qoydu. -Götürün için! Gah
özünüz deyirsiniz ki, mən iblisəm, gah da soruşursuz ki, mən kiməm.
downloaded from KitabYurdu.org
downloaded from KitabYurdu.org
Ola bilsin ki, mən elə iblisəm. Ancaq xahiş edirəm, səbirli olun və
mənə qulaq asm!
Mən bir kəlmə də danışmaq arzusunda olmadan onlara qulaq
asırdım. Diqqətimi Qasımlıya vermişdim və nədənsə Nailənin üzünə
baxa bilmirdim. Elə bil onun yerinə mən xəcalət çəkirdim. Nailə suyu
içmədi. Ancaq sakitləşib yerində oturdu. Qasımlı da kreslosuna çöküb
söhbətini davam etdirməyə başladı:
- Əriniz sizdən qətiyyən şübhələnməmişdi. O elə düşünürdü ki,
adicə oğru onun mənzilinə girib və həmin əşyaları oğurlayıb. Yəqin
Xatəm düşünürdü ki, oğru televizorun işləmədiyini biləndə onu ata
bilər və ya təmir etmək üçün arxasını açar. Belə olanda isə pullar
aşkara çıxar. Ona görə də Xatəm təkid edirdi ki, əşyalar tez
tapılmalıdır. Bu söz özü mənim şübhəmi artırmışdı. Oğurluq barədə
bu qədər. Mən Xatəmin xahişini nəzərə alaraq oğurlanan əşyaları
tapdım, ancaq heyf ki, Xatəm bunu bilməyəcək.
İndisə, gəlin başqa məsələdən, ərinizin öldürülməsindən danışaq.
Mən balkonda ərinizin meyitinə baxanda bir şey o saat məndə şübhə
yaratmışdı. Balkonda tək bir stul var idi və onda da Xatəm oturmuşdu.
Bəs Oqtay? Oqtay Xatəmin müdiri idi və Xatəmin danışığından aşkar
olunurdu ki, onun Oqtaya hörməti böyükdür. Niyə Xatəm stulda
oturub, Oqtay isə ayaq üstə qalıb? Yaxşı, tutaq ki, onlar mübahisə
edib və Xatəm onu vecinə almadan stulda oturub. Hansı ki, mən buna
inanmıram, amma qoy belə olsun.
Siz qonşuda «Arşın mal alan» filminə baxanda arada filmi
yarımçıq qoyub mənzilinizə keçmişiniz. Həmin an Süleyman bəyin
Soltan bəyin evinə elçiliyə getməsi səhnəsi göstərilirmiş.
Bunu qonşunun qızı dedi və siz də təsdiq etdiniz. Siz qayıdıb
qonşulara demisiniz və mənə də dediniz ki, Oqtay hələ evdə idi. Guya
ərinizlə mübahisə edirmiş. Qəribədir. Hansı ki, Oqtay çıxıb gedəndə
mən şəxsən öz balkonumdan onu görmüşdüm. O çox arxayın və sakit
vəziyyətdə çıxıb getdi. Həmin anda filmdə tacir Əsgərin öz xalasını
elçiliyə göndərməsi səhnəsi gedirdi. «Deyərsən ki, arşın malçı
göndərib. Başa düşdün xalacan?». Bu kadr siz mənzilinizə keçəndə
downloaded from KitabYurdu.org
downloaded from KitabYurdu.org
yanmçıq qoyduğunuz kadrdan iyirmi dəqiqə əvvəldir. Görürsünüzmü?
Sizin yalanınız aşkar olur. - Qasımlı burada bir qədər ciddiləşib əlavə
etdi: - Ərinizi siz özünüz öldürmüsünüz. Evə Oqtay gedəndən sonra
başqa adam girməyib.
Başqa adam girsəydi, Xatəmi o cür arxayın oturduğu vəziyyətdə
öldürə bilməzdi. Otağa ağcaqanad keçməməsi üçün balkonun qapısını
örtüb stulda oturan Xatəm yalnız siz qapını açanda oturuş vəziyyətini
pozmazdı. Mən onu sizin öldürdüyünüzə qəti əminəm. Bu fikrə
gələndən sonra mən bildim ki, siz əlbir olduğunuz o naməlum adamla
telefon vasitəsilə açıq danışa bilməyəcək, səhər mütləq onunla
görüşəcəksiniz. Ona görə də mən sizi izləməyi qərara aldım və
beləliklə, Nazim ifşa olundu. - Nailə susub dəhşətlə ona qulaq asırdı.
Qasımlı bir siqaret yandırıb təzədən sözə başladı: - Ancaq məni bəzi
sualların cavabı düşündürür. Məsələn, televizorda nə qədər pul və ya
cavahirat var idi?
Siz ərinizi nə üçün öldürdünüz? Nazimə ərə getmək üçün? Bunu o
tapşırdı, yoxsa özünüz belə qərara gəldiniz? Və nəhayət, sadəcə
şübhəni özünüzdən uzaq etmək üçün Oqtaym sizdə olmasından
istifadə etdiz, yoxsa ondan da acığınız var idi? Axı siz açıq-aydın onu
dolaşdırmısız və o bu saat polis şöbəsində incidilir. Xahiş edirəm,
suallarıma tez və qısa cavab verin. Belə olarsa bəlkə mənim sizə
köməyim dəydi.
- Bilmirəm, heç nə bilmirəm! - Nailə yenə çığırdı.
Qasımlı istehza ilə gülümsədi. Onun hərdən belə iblisanə
gülümsəməyi var idi.
-
Nazim həbs olunub. Siz istəyirsiniz ki, oğurlanan pullar Nazimin
arvadına qalsın?
Nailə dik atıldı:
-
Nə arvad? Nazimin arvadı yoxdur!
-
Var, əzizim! Nazimin arvadı və iki uşağı var. Arvadı hörmətli bir
şəxsin qızıdır. Həm də gözəldir. Nazimin heç vaxt onu boşamaq fikri
olmayıb.
Nailə divana çöküb əlləri ilə üzünü qapadı və ağlamağa başladı:
downloaded from KitabYurdu.org
downloaded from KitabYurdu.org
-
Əclaf! Vicdansız! Alçaq! Məni bir ildir aldadır ki, subaydır!
-
Suallarıma cavab verin, sizi gözləyirəm!
Nailə bir qədər ağlayıb, nəhayət sakitləşdi.
Dəsmalı ilə gözünün yaşını silib danışmağa başladı:
- Televizorun içində parçaya bükülmüş altmış beş min dollar pul
var idi. Xatəmi mən Nazimin sözü ilə öldürdüm. Səbəbi siz deyən
deyil. Düzdür, o məni aldatmışdı ki, subaydır və boşansam məni
alacaq. Ancaq boşanmağa da qoymurdu ki, hələ tələsmə. Xatəmi
öldürməyim buna görə deyil. Nazim əclafa dedim ki, Xatəm oğurluq
məsələsini polisə və bir də sizə bildirib. Onda Nazim dedi ki, polisin
zərəri yoxdur, amma o Qasımlım tanıyıram. O adam deyil, iblisdir. O
Xatəmdən əl çəkməyəcək, televizorda pul olduğunu öyrənəcək və
səndən şübhələnəcək. Tapşırdı ki, əlverişli məqam tapıb Xatəmi
öldürüm. O alçaq yəqin qorxurmuş ki, oğurluqda məndən
şübhələnsələr, əsil oğrunu məndən soruşacaqlar, və mən onu satacam.
Ancaq məni aldatdığını bilməsəydim, heç vaxt onu satmazdım. Bu
qədər...
-
Suallarımın biri cavabsız qaldı. Oqtay haqqındakı.
-
Mənim üçün daha heç nəyin fərqi yoxdur. Oqtaydan mənim
doğrudan da acığım gəlirdi.
-
Nə üçün?
Nailə başını aşağı dikdi:
-
Bir il əvvəl evimizdə ona yaxınlıq təklif etdim. Razı olmadı.
Onda hələ Nazimlə tanış olmamışdım.
-
Düzünü danışdığınız üçün sizə təşəkkür edirəm. Bildirim ki, mən
yalnız oğurluq
məsələsini polisə bildirmişəm. Onu da yanmçıq. Yəni sizin adınızı
çəkməmişəm. Ancaq polis istər oğurluq, istərsə də ölüm işi ilə
əlaqədar Nazimi çək-çevirə salacaq. Sizi aldatmasından görünür ki,
onda mərdlik yoxdur. Deməli, o sizi satacaq. Sizə yeganə köməyim
bu ola bilər ki, siz özünüz polisə gedib hər şeyi danışasınız.
-
Nə vaxt? - Nailə ölgün vəziyyətdə soruşdu.
-
Sabah səhər tezdən. Bu axşam isə azad yaşayın.
downloaded from KitabYurdu.org
downloaded from KitabYurdu.org
-
İcazə verin... - Nailə başını qaldırmadan iniltili səslə dilləndi: -
İki gün sonra gedim.
-
Niyə?
-
Sabah kəndə gedib dəfndə iştirak edim. Həm də anamı görüm.
- Buna ehtiyac yoxdur. - Qasımlı əlini yellədi. - Bilirsinizmi, mən
müstəqil adamam. Bayaq dediyiniz kimi, mənə dəxli olmayan işə
başımı soxmazdım. Ancaq Oqtay da günahsız bir insandır. Bu gün
mən onun haqqında məlumat toplamışam. Arvadı müəllimədir. Üç
uşağı var. Böyük qızı onuncu sinfi bitirib. Oqtay dünən gecə polisdə
qalıb və bu gecə də mənim sizə göstərdiyim xeyirxahlığın ucbatından
orada qalacaq. Bu bəs deyilmi? Təsəvvür edirsiniz, onun arvadı və
uşaqları indi nə çəkir? - polkovnik əsəbi halda ayağa qalxdı. - Gəlin
söhbəti qurtaraq. Siz sabah səhər polisdə olmasanız, sizi özləri tapıb
tutacaqlar. Bu isə sizin xeyrinizə olmayacaq!
Nailə də ayağa qalxıb əvvəl Qasımlıya, sonra isə mənə ölgün nəzər
saldı və ayaqlarını sürüyə- sürüyə otaqdan çıxdı.
May, 2000
198
199
200
downloaded from KitabYurdu.org
Dostları ilə paylaş: |