downloaded from KitabYurdu.org
Razılaşdım. Fotoaparata təzə kaset qoyub hazır vəziyyətdə
dayandım. Nailə ayağa qalxıb qarşımda çəpəki durdu. Əlləri ilə
çiyinlərinə tökülən saçlarını yığaraq çiyni üstündən mənə baxıb
gülümsədi. Onun bu vəziyyətdə şəklini çəkdim. Sonra bir ayağını
qaldırıb stolun üstünə qoydu. Aşağıdakı düymələri açıq olan xalat o
saat geri çəkildi və onun yaraşıqlı budunu qara kalqotkasmın
əhatəsində mənə göstərdi. Aparatı şaqqıldatdım. Nailə yavaş-yavaş
kalqotkam əynindən çıxartdı və yenə bir ayağını stolun üstünə qoydu.
Bu vəziyyəti müxtəlif tərəflərdən lentə aldım. Mən dinə bilmirdim və
onun daha hansı görünüşü alacağını gözləyirdim. Daha bir neçə
çəkilişdən sonra Nailə xalatmı da soyunub ancaq kiçik alt paltannda
qabağımda durdu. Yenə çəkdim. Bu çəkilişdən sonra arxasını mənə
çevirib utana-utana soruşdu:
-
Sizə tamam çılpaq şəkillər də lazım olur?
-
Olur, amma... Müsabiqədə yox, elə-belə verməyə.
-
Onda arxadan çəkin, qoy üzüm görünməsin, - deyə əyilib alt
paltarını əynindən çıxartdı və tamam çılpaq qaldı. Mən arxadan onun
gözəl bədəninə tamaşa edərək özümü tamam unutmuşdum və yalnız o
xatırladandan sonra fotoaparatın düyməsini basdım.
Düşündüm ki, indi o mənə tərəf çevrilmədən geyinəcək və çəkiliş
bununla bitəcək. Ancaq o, geyinmədən mənə tərəf çevrildi və üstümə
gəlməyə başladı. Fotoaparatı əlimdən alıb kaseti çıxardı və lenti açıb
korladı.
-
Lazım deyil... Ərimdən qorxuram.
-
Bəs niyə belə edirsiniz, Nailə xanım? - deyə soruşdum.
Nailə çılpaq vəziyyətdə oturdu və əlləri ilə üzünü örtüb dedi:
-
Heç özüm də bilmirəm ki, nə edirəm. İnanın ki, özümdən asılı
deyil. Hələ mənə ərimdən başqa kişi əli toxunmayıb. Amma daha
dözə bilmirəm. Xatəm ayda cəmi bir-iki gün evdə olur. Onda da
sərxoş...
O, ehtirasdan titrəyirdi və deyəsən, bu titrəmə mənə də keçmişdi.
Məsələ aydın idi. Onun əvəzində başqa qadın olsaydı, mən onu
evimdən qovardım. Amma onu qovmağa gücüm çatmadı və bəlkə də
downloaded from KitabYurdu.org
downloaded from KitabYurdu.org
özüm istəmədim. Nailə o gecə mənimlə qaldı. Bir də səhər durub öz
mənzillərinə çıxdı.
Ancaq sonradan mən daha onunla yaxınlığa imkan vermədim.
Əlaqəmiz bina sakinlərinə məlum ola bilərdi. Həyat yoldaşım
bilsəydi, yaxşı düşməzdi. Nailə ilə yenə adi qaydada salamlaşırdıq.
Məni görəndə yüngülcə utanırdı. Ya bəlkə də mənə belə gəlirdi. Sonra
hiss etdim ki, o bir nəfərlə gəzməyə başlayıb. Onu hətta bir dəfə
axşamüstü, evimizdən bir qədər aralıda, bir ağ rəngli Jiquliyə minib
harasa gedən gördüm. Bəlkə də özünə başqa kişi tapdığı üçün məndən
əl çəkmişdi.
Mən xəyaldan ayrılıb, Qasımlım da öz xəyalından ayrılmağa
məcbur etdim:
-
Nə fikirləşirsiniz? Özünüz dediyiniz kimi bu iş sizə yaraşan iş
deyil.
Qasımlı fikrindən ayrılıb:
-
Bəlkə də elə deyil, - dedi və sonra nə düşündüsə cəld ayağa
qalxdı.
-
Gedək! Onsuz da yaman yorulmuşam. Bir az da istirahət
lazımdır.
Biz həyətə düşüb mənim maşınımla çimərliyə yollandıq.
Çimərlikdən qayıdanda Qasımlı ilə şərtləşdik ki, axşam onun
mənzilinə keçim və oturub bir qədər şahmat oynayaq. Duş qəbul edib,
dünən gecə qəzet üçün hazırladığım yazılara bir nəzər yetirdim.
Axşam yeməyimi yeyib şahmat oynamaq üçün qonşumun mənzilinə
getdim. Qasımlı oturub televizorda «Arşm mal alan» filminə baxırdı.
-
Baxmaq istəyirsiniz? - deyə məndən soruşdu.
-
Yox! - dedim. - Məndə videokaseti var. Çox baxmışam.
-
Onda çıxaq balkona.
Qasımlı televizorun səsini artırdı. Şahmat taxtasını götürüb balkona
çıxdıq. Balkonda bir
kiçik stol və iki stul qoyulmuşdu. Qasımlı otağa ağcaqanad
keçməməsi üçün balkonun qapısını örtdü. Otaqdan balkona yaxşı işıq
düşürdü. Biz fiqurları düzüb oynamağa başladıq.
downloaded from KitabYurdu.org
downloaded from KitabYurdu.org
Qasımlı, şahmat taxtasına baxmadan belə, mənə həmişə qalib
gəlirdi. Hətta bir dəfə, şahmat taxtasından xeyli kənarda, öz stolunun
arxasında oturub yazdığı əsərin üzərində işləyə-işləyə mənimlə qiyabi
oynadı və qalib gəldi. Buna baxmayaraq, mən ondan əl çəkmirdim.
Onunla oynamaq mənə ləzzət verirdi. Bəzən oyunun onun üçün də
maraqlı olması xatirinə Qasımlmın vəzir fiqurunu əvvəlcədən kənara
qoyub, sonra oyuna başlayırdıq.
Otaqdan televizorun səsi gəlirdi və hiss olunurdu ki, Qasımlı filmə
qulaq asır. Bununla belə birinci oyunda mənə qalib gəldi. Fiqurları
yenidən taxtaya düzərək dedi:
-
Yəqin ki, bilirsiniz. Bu film iki dəfə çəkilib. Müxtəlif
variantlarda. Bu birinci variantdır.
-
Bilirəm. - dedim. - Elə məndəki videokaset də birinci çəkilişdən
köçürülüb.
-
Hər iki variant yaxşıdır.
-
Elədir.
Qasımlı bir gediş gedərək məni çətin vəziyyətə saldı. Xeyli
fikirləşəndən sonra cavab gedişi ilə vəziyyətdən çıxa bildim.
Blokun qapısı qarşısındakı kiçik park yaxşı işıqlandırıldığı üçün
balkondan hər şey aydın görünürdü. Həyətdə heç kəs yox idi. Sakinlər
öz mənzillərinə yığışmışdı. Bizim blokdan bir nəfər çıxdı. Bir neçə
addım ataraq çevrilib binaya baxdı. Sonra əllərini cibinə qoyub yavaş-
yavaş parkdan keçdi və görünməz oldu. Mən onu tanıdım. Oqtay idi.
Qasımlı at ilə bir gediş gedərək soruşdu:
-
Bu kişi kimdir? Elə bil onu hardasa görmüşəm.
-
Xatəm işləyən firmanın şefidir. - dedim.
-
Oqtay?
-
Bəli, hərdən Xatəmlə görürəm. Yəqin yenə onlarda qonaq imiş.
Qasımlı susub diqqətini oyuna verdi. Az keçmiş ikinci oyunumuz
da onun qələbəsi ilə başa çatdı.
Qasımlı:
-
Daha bəsdir! - deyib ayağa qalxdı. - Keçək, içəridə adama bir
fincan qəhvə içək.
downloaded from KitabYurdu.org
Dostları ilə paylaş: |