downloaded from KitabYurdu.org
- Bizlik burada bir iş qalmadı, gedək! - dedi.
Mən Nailəyə nə isə təskinlikverici söz demək istəyirdim. Ancaq
buna imkan olmadığını görüb Qasımlınm arxasınca mənzildən çıxdım
və biz yenə Qasımlınm mənzilinə qayıtdıq.
Nailənin fikri məni götürmüşdü. Ona yaman yazığım gəlirdi.
Nailənin Xatəmdən başqa Bakıda heç kəsi yox idi. Keçən il mənim
mənzilimdə qaldığı gecə Nailə öz həyatını mənə danışmışdı. Onlar
rayonda eyni kənddə yaşayırlarmış. Valideynlərinin yeganə övladı
olan Nailənin atasını sahədə ot biçərkən gürzə çalıb öldürür. Ondan
sonra yazıq qız anası ilə tək yaşayırmış. Orta məktəbi bitirdiyi il
əsgərlikdən bir-iki il olar ki, qayıdıb kənddə bekar gəzən Xatəmlə
sevişir. Xatəmgil üç bacı və iki qardaş idilər. Özləri də qohum-
əqrəbalı imişlər. Atası ömrü boyu kənd mağazasında işləyirmiş.
Valideynləri və üstəlik bacıları Xatəmin Nailə ilə evlənməyinə qəti
etiraz edirlər. Deyirlərmiş ki, bu qızın gözü-başı qaynayır. Ondan sənə
arvad olmaz. Nə isə... Xatəm ilə Nailə sözləşib Bakıya qaçırlar.
Xatəm zirəkliyi ilə az vaxtda özünə iş tapır, alverlə məşğul olur. Bir
müddət kirayədə qalandan sonra bizim blokun yeddinci mərtəbəsində
31-ci mənzili alıb ora köçürlər. Bakıya gələndən bir az sonra
valideynləri ilə barışıq yaradıblarmış. Bir- iki dəfə kəndə qonaq da
gediblərmiş. Ancaq evlənmələrindən neçə il keçməyinə baxmayaraq,
Nailənin uşağı olmadığı üçün, Xatəmgilin ailəsində yenə narazılıq
güclənib və ona görə də əlaqə yenidən kəsilibmiş.
Xatəmin öldürülməsinin sirri də məni yaman düşündürürdü.
Yadıma Xatəmin səhər dediyi sözlər düşdü. Onun danışığından belə
çıxırdı ki, əşyalar oğurlanan gecə onların ad günündə olacaqlarını
Oqtay bilirdi. Eyni zamanda, Oqtay özü həmin ad gününə dəvət
olunmuşdu, amma nədənsə getməmişdi. Elə bil bəzi qaranlıq
məsələlər mənim üçün aydınlaşırdı. Mənzildə oğurluğu Oqtay edib və
Xatəm ondan şübhələndiyi üçün Xatəmi öldürüb. Ancaq o saat
beynimdə bir çox suallar yarandı ki, mənzilə qayıdandan bəri
kreslosunda oturub «Kent» siqaretini sümürə-sümürə dərin fikrə
getmiş Qasımlım xəyaldan ayırmağa məcbur oldum:
downloaded from KitabYurdu.org
downloaded from KitabYurdu.org
-
Məni iki sual düşündürür. Birincisi Oqtay kimi imkanlı adam bu
oğurlanan əşyalara tamah salarmı? İkincisi də Oqtay bilə-bilə ki,
Nailə onu tanıyır və evdə olduğunu bilir, Xatəmi öldürərdimi?
Qasımlı mənalı tərzdə mənə baxıb:
-
Çox ağıllı suallar verirsiniz, Nemət müəllim! - dedi: - Mən
sevinirəm ki, sizin kimi ağıllı həmsöhbətim var. Amma deyin görüm
özünüz bu suallara necə cavab verərdiniz?
-
Bilmirəm... - dedim: - İnsanların heç də hamısı ağıllı deyil və
hamısından ağıllı iş gözləmək olmaz. Dünyada o qədər ağılsız,
məntiqsiz hərəkətlər, hadisələr olur ki...
-
Ağılsız adamın ağılsız hərəkəti özü məntiqi hərəkətdir. Sizin
sualların dəqiq cavabına qalınca, bunlan sabah axşam eşidərsiniz.
Yalnız bir şərtlə ki, sabah işdən qalaraq vaxtınızı mənə sərf edəsiniz.
Mən ani fikrə gedib razılaşdım:
-
Razıyam. Biz nə edəcəyik?
-
Siz sabah yuxudan tez durun. Yeməyinizi yeyib aşağı düşün və
maşının kapotunu açaraq qurdalanmağa başlayın. Elə edin ki, istənilən
anda maşını tez işə sala biləsiniz. Mən nə vaxt salam verib sizin
yanınızdan keçsəm, maşına oturub məni maksimum kənardan izləyin.
-
Elə bu? - təəccüblə soruşdum.
-
Bu az iş deyil. Ola bilər ki, siz axşama kimi maşının yanında
qurdalanmalı olarsınız. - Qasımlı bunu deyib gülümsədi.
-
Bəs indi mənə heç nə deyə bilməyəcəksiniz?
-
Özünüz bilirsiniz ki, mənim boşboğazlıqdan xoşum gəlmir.
Dəqiq bilmədiyim bir şeyi heç vaxt danışa bilmərəm. Sabah axşam
söhbət edərik.
Mən ayağa qalxıb ona şirin yuxu arzuladım və mənzilimə getdim.
Qapıdan çıxanda Qasımlı məndən «Arşın mal alan» filminin
videokasetini istədi.
-
Bir də baxmaq istəyirsiniz? - deyə soruşdum.
-
Əgər yata bilməsəm, başımı qarışdıracağam, - dedi.
Mən kaseti gətirib verdim. Qayıdıb mənzilimə girəndə fikirləşdim
ki, şahmat oynamağa getməklə Qasımlmı filmə tam baxmaqdan
downloaded from KitabYurdu.org
downloaded from KitabYurdu.org
məhrum etmişəm. O, mədəni adam olduğu üçün, mənim xətrimə,
filmə baxmaqdan vaz keçib mənimlə şahmat oynamışdı. İndi isə
«Arşın mal alan»a olan azarkeşliyə bax ki, filmə
təzədən baxmaq istəyirdi.
* * *
Səhər Qasımlınm dediyi kimi, yuxudan tez durub səhər yeməyini
yedim. Həyətə düşüb blokun qapısı ağzında saxladığım «Qaz-24»-ün
qapısını açdım və kapotunu qaldırdım. Səbirlə maşının hissələrini
gözdən keçirməyə və bəzi təmizlik işlərini görməyə başladım. Arada
başımı yuxarı qaldıranda gördüm ki, Qasımlı öz balkonunda oturub
siqaret çəkir.
Birinci mərtəbədə yaşayan Əlyar blokdan çıxdı. İşə tələsirdi.
Yanımdan keçəndə salam verib:
-
Nəyi xarabdır, qonşu? - deyə soruşdu.
-
Heç, elektrik məftilləri boşalıb, - dedim.
Ötüb keçdi. Sonra bir başqası salam verib
ötüşdü. Hamı işə tələsirdi. Bircə məndən başqa. Vallah, bu qonşumun
da bəzi işlərini mən heç başa düşə bilmirəm. Məqsədini mənə açıb
desəydi, guya ki, nə olacaqdı?
-
Sabahınız xeyir!
Başımı qaldıranda Nailəni yanımda dayanan gördüm. Qara, qolsuz
köynək, cins yubka geymişdi. Burnuma xoş ətir qoxusu gəldi.
-
Sabahınız xeyir, Nailə xanım!
-
İşləmir?
-
Hə. Boş şeydir. Allah rəhmət eləsin, Nailə xanım! Dünən də sizə
təskinlik verən bir söz deməyə imkanım olmadı.
-
Sağ olun. Allah ölənlərinizə rəhmət eləsin.
-
Axşam biz çıxandan sonra nə oldu?
-
Gəlib meyiti apardılar. Deyəsən, ekspertə. Bu gün rayondan
qohumlan gəlməlidir. Yəqin ki,
aparıb kənddə dəfn edəcəklər. Mən də sabah səhər gedəcəm kəndə.
-
Cənazəni sabah aparacaqlar?
-
Yox, bu gün axşam apararlar. Ancaq mən onlarla gedə bilmərəm.
downloaded from KitabYurdu.org
Dostları ilə paylaş: |