downloaded from KitabYurdu.org
VII
-
Yaxşı, indi icazə verin Tahirənin şəxsi əşyaları ilə tanış olum.
Əsasən məktəb ləvazimatlarını nəzərdə tuturam.
-
Buyurun, buyurun! - Bəxtiyar bizi qonşu otağa dəvət etdi.
Biz göstərilən otağa keçdik. Qasımlı Tahirənin kitab şkafındakı hər
şeylə dərindən maraqlanmağa başladı. Kitabları, şkafın alt qapalı
siyirməsindəki dəftərləri və şəkil albomunu səbirlə vərəqləyirdi.
Albomdakı fotoların əksəriyyəti bayram süfrələrində çəkilmiş ailə
şəkilləri idi. Tahirənin tək və sinif yoldaşları ilə də şəkilləri var idi.
Albomu örtüb yerinə qoyandan sonra Qasımlı bir stulu yaxma çəkib
əyləşdi və dəftərləri vərəqləməyə başladı.
Dəftərlər çox idi
və demək olar ki, hamısı eyni formalı dəftərlər idi.
Biz xəfiyyəyə mane olmamaq üçün ona yaxınlaşmırdıq. O, bütün
dəftərləri gözdən keçirib, onlardan birini kənara qoydu və digər xırda
əşyalara nəzər yetirdi. Daha sonra ayağa qalxıb:
-
Biz getməliyik! - dedi. Ancaq qızınız haqqında daha məlumatlı
olmaq üçün qonşularla da danışmağım pis olmazdı. Xahiş edirəm,
üzbəüz qonşunuzla bizi tanış edin və sonra mənzilinizə qayıdın.
-
Yaxşı, nə deyirəm.
Biz mənzildən çıxanda bizi yola salan Leyla xanım heç nə deməsə
də Qasımlı deyəsən onun yalvaran baxışlarının mənasını başa düşdü.
-
Arxayın olun, Leyla xanım, mən sizə söz vermişəm!
Yazıq ananı qəhər boğduğu üçün heç nə deyə bilmədi.
Bəxtiyar mənzildən çıxıb qonşunun qapısmdakı düyməni basdı.
Qapını qırx yaşlannda, hündür boylu, sağlam bədənli, qalın bığları
olan bir kişi açdı. Əvvəlcə Bəxtiyara, sonra bizə baxdı. Bəxtiyar:
-
Ağaəhməd, bunlar qızla
əlaqədar gəliblər,
- dedi.
-
Başa düşmədim... - Ağaəhməd təəccübləndi.
-
Polisdəndirlər. Qonşu kimi səninlə danışmaq istəyirlər. Bəxtiyar
bunu deyib daha yanımızda dayanmadı və öz mənzilinə keçdi.
Ağaəhməd bizi evə dəvət etdi. Biz içəri keçdik. Stolun üstündəki iki
boşqabda xörəklər yarımçıq qalmışdı. Qasımlı tələsdiyini söyləyib
oturmaq istəmədi. Ağaəhmədin gənc arvadı o biri otaqdan gəlib salam
downloaded from KitabYurdu.org