Elxan Elatlı o gecə yağIŞ yağirdi
Yüklə 5,01 Kb. Pdf görüntüsü
|
downloaded from KitabYurdu.org VII * * * Rəis artıq söhbətə yer vermədən Vaqifin izahatını Təranəyə göstərdi və oxumağı tapşırdı. Təranə izahatı oxuyan kimi: Ay Allah, rüsvay oldum! - deyib əlləri ilə üzünü tutdu və ağlamağa başladı. Polkovnik Əlizadə ona acıqlandı: - Bəsdir, qurtar görək! Özünü artistliyə qoyma, həyasızın biri həyasız! Bir aya yaxındır ki, bu boyda polis şöbəsini ələ salırsan sən! - səsinin tonunu aşağı salıb barmağı ilə stolu taqqıldatdı. - Səni həbs edəcəm. Ancaq hər şeyi olduğu kimi boynuna alıb yazsan bəlkə sənə rəhmim gəldi. Təranə hər şeyi olduğu kimi yazıb, hətta Ağasəmədin tutulmağını bilərəkdən istədiyini boynuna alandan sonra rəis onu buraxmağı tapşırdı. Mən bilirdim ki, daha bu sirr gizli qalmayacaq. Bizdə də, belə bir iş tutmuş, yəni ərinə xəyanət etmiş, özü də bu cür yaraşıqlı qadını tanıdılar, qurtardı... Həmin gün Kamil də danışdırıldı. Namiqin, Fəridənin, Rüstəmin izahatlan bir fakt kimi onun qarşısına qoyuldu. Kamil evdən çıxandan Rüstəmgilə girənə qədər keçmiş yanm saatdan çox müddətdə harada olduğunu izah edə bilmədi və çarəsiz qalıb cinayətini boynuna aldı. Onun yazmış olduğu izahatı olduğu kimi sizə çatdırıram: « Klubun yanında bir neçə adamın yanında Paşadan eşitmişdim ki, Nəcməddin Mikayıl üçün on min ABŞ dolları məbləğində pul gətirib. Mən mühasiblikdən çıxandan sonra dolana bilmirdim. Fəhləliklə çörək qazanmaq isə mənim bacardığım iş deyildi. Bir dəfə Bakıda alverlə məşğul olmaq istəmişdimsə də alınmamışdı. Bununla əlaqədar borca da düşmüşdüm. Fikirləşdim ki, Mikayılgildəki pullar mənim olsa, borclarımı verər, həm də Bakıya köçüb layiqli bir iş tapardım. Nəhayət, necə oldusa, Mikayıl və arvadını öldürüb pulları götürmək ağlıma gəldi. Sentyabrın 14-də saat ona iyirmi dəqiqə qalmış bıçaq götürüb oraya getdim. Mikayılgil məni bir az təəccüblə də olsa, yaxşı qarşıladılar. Axı mən heç vaxt onların evində olmamışdım?! Fəzayə tez qayğanaq bişirib süfrə açdı. Mikayıl süfrəyə bir bütöv araq da downloaded from KitabYurdu.org downloaded from KitabYurdu.org VII * * * qoydu. Sonra Fəzayə o biri otağa keçib orada oturdu. Bir az yemək yeyib siqaret yandırdıq. Fikirləşdim ki, daha vaxtdır. İçdiyim iki yüz qram araq da məni cəsarətləndirmişdi. Siqareti söndürüb yavaşca bıçağı cibimdən çıxartdım. Ayağa qalxıb oturduğu yerdə Mikayılın kürəyinə bir bıçaq zərbəsi vurdum. Fəzayə olan otağın qapısını açanda onunla üz-üzə gəldim. Vəziyyəti görən Fəzayə elə dəhşətlə qışqırdı ki, əvvəlcə özümü itirdim. Sonra onun ağzını tutub hədələdim ki, səsini çıxartsa öldürəcəm. Pulları tələb edəndə Fəzayə əli ilə qonşu otağı göstərdi. Onu tutub həmin otağa apardım. Fəzayə şkafı açıb pulları çıxartdı. Ancaq bu pullar rus pulu idi. Başa düşdüm ki, aldanmışam. Ancaq daha gec idi. Fəzayənin saçından tutub başını əydim və bıçaqla kürəyinə iki zərbə vurdum. O kürəyi üstə yerə yıxıldı. Qanlı bıçağı onun paltarına silib cibimə qoydum. Bu vaxt yağış asta-asta yağmağa başladı. Otağa girib xörək yediyim çəngəli, araq stəkanımı və çəkdiyim siqaretin kötüyünü götürdüm və onları da cibimə qoydum. Fikirləşdim ki, onlarda əl izi qala bilər. Sonra işığı söndürüb qapını örtdüm və Rüstəmgilə getdim. Dedim qoy sonra Rüstəm şahid olsun ki, mən onlarda olmuşam. Evdən çıxanda da bu cür plan qurmuşdum. Bu tərəfdən də Namiq məni küçədə görmüşdü. İçəri girəndə Rüstəmə dedim ki, saat ıo olmayıb, nə tez yatırsız? Belə dedim ki, qoy Rüstəm sonradan mənim oraya saat ıo-dan tez gəldiyimi xatırlasın. Ancaq bu alınmadı. Rüstəm divar saatına baxdı. Saat on birə iyirmi yeddi dəqiqə işləmişdi. Mən onlarda oturub gecə saat ikiyə işləmiş çıxıb evimizə getdim. Sonra eşitdim ki, Təranə guya o gecə saat doqquzdan on birə kimi qardaşıgildə olub. Əvvəlcə bunu başa düşmədim. Sonra hər şey mənə aydın oldu. Bildim ki, Təranə o gecə qardaşıgildə yox, Vaqifin yanında olub. Fəridə mənə demişdi ki Ağasəmədin arvadı Həbibə Təranənin Vaqiflə gizli münasibətdə olduğunu deyir. Onda buna inanmamışdım. İndi başa düşəndə isə sevindim ki, mən şübhədən birdəfəlik uzaq olacağam. Təranə ağlına da gətirmirdi ki, onun o gecəki sirrini mən bilirəm. Namiq məni küçədə gördüyünü xəbər verdiyi üçün ondan intiqam downloaded from KitabYurdu.org downloaded from KitabYurdu.org VII * * * almaq istədim. İstintaqda dedim ki, mən Namiqi görəndə o Mikayılgil tərəfə gedirdi. Məni görüb geri qayıtdı. Bunu mən yalan demişdim. Mən çox böyük cinayət etdiyimi dərk edirəm və etdiyim hərəkət üçün peşmançılığımı bildirirəm ». O gün Ağasəməd və Vaqif evlərinə buraxıldılar. Məhkəmə Kamili ən ağır cəzaya layiq gördü. Vaqif işdən çıxıb Bakıya getdi. Təranəni isə əri boşadı. İndi o, Mikayılgilin boş qalmış evində tək yaşayır. Oqtay uşaqlan ona vermədi. Onu da deyim ki, məni də oradan çıxarıb başqa kəndlərə sahə müvəkkili göndərdilər. Ancaq üstündən neçə ay keçməsinə baxmayaraq, o günləri unuda bilmirəm. Həmişə gecələr yağış yağanda Qaradumanlı kəndində baş vermiş həmin qanlı cinayəti xatırlayıram. Axı o dəhşətli gecədə də yağış yağırdı?! May - 2001 İTMİŞ QIZIN AXTARIŞI May ayının 17-si idi. Axşam öz mənzilimdə oturub televizora baxırdım. «Xəbərlər» proqramında on altı yaşlı bir məktəbli qızın itkin düşməsi barədə elan verdilər. Qız təxminən bir ay əvvəl - aprel ayının 12-də məktəbdən evə qayıdarkən yoxa çıxıbmış. Televizorda qızın şəklini də göstərdilər. Onu görənlərdən xahiş olunurdu ki, rayon polis idarəsinin 4-cü polis bölməsinə məlumat versinlər. Polis bölməsinin telefon nömrəsi bir neçə dəfə təkrar olundu. Onuncu sinifdə oxuyan bu qız - Nəsirova Tahirə Bəxtiyar qızı olduqca gözəl bir qız idi. İfadəli baxışlanndan təmizlik, qürur və kədər oxunurdu. Bəlkə də qızın baxışlarında oxuduğum kədər mənim hislərimin məhsulu idi. Amma hər halda, mənə elə gəlirdi ki, Tahirə ona baxan insanlara «Məni axtarın, tapın, xilas edin!» deyirdi. Bir siqaret yandırıb balkona çıxdım. Bakının gündüzündən heç də az gözəl olmayan gecəsinə baxanda, bu dəfə şəhər mənə çox qəmli və müdhiş göründü. Fikirləşdim ki, gur işıqları sayrışan bu evlərə sakit- sakit baxırıq, amma xəbərimiz yoxdur ki, bu evlərdə nə hadisələr baş verir. Bax, Tahirə adlı o gözəl qız da bu evlərin hansmdasa yaşayırmış. Onun da yəqin atası, anası var. Onlar indi Allah bilir, nə downloaded from KitabYurdu.org Yüklə 5,01 Kb. Dostları ilə paylaş:
|