Elxan Elatlı o gecə yağIŞ yağirdi
Yüklə 5,01 Kb. Pdf görüntüsü
|
downloaded from KitabYurdu.org VII yarandı. Hiss edirdim ki, bacardığı qədər çalışır ki, ağlamasın. Ancaq deyəsən özünü ələ almağı bacaran qadın imiş. Mənim gözlədiyimi görüb danışmağa başladı: - Heç elə bil mənim o adda qızım olmayıbmış. Elə bil bu on altı ildə gördüklərim xəyal imiş. Atası həmin gündən işə getmir, nə də evdə dayana bilmir. Havalı kimi küçələri gəzib qızı axtarır. Gündə neçə dəfə polisə gedib-gəlir. Qardaşı yazıq bacısı itən gündən elə bil lal olub. Evdə heç nə danışmır. Onun dərd çəkməyi ürəyimi daha da parçalayır. Atası da, mən də çalışırıq onun yanında qızdan söhbət salmayaq. Axşamlar yerinə girib yuxuya gedəndən sonra çarpayısının yanında oturub üzündən öpürəm, saçlarını tumarlayıram. Tahirənin də qoxusunu ondan almaq istəyirəm. Necə eləyim? Əlimdən heç nə gəlmir. Gəlib işdə otursam da qız bir dəqiqə yadımdan çıxmır... Leyla xanım danışıqlarına ara versə də mən dillənməyib onun yenidən danışacağını gözlədim. O, gözlərini döşəməyə zilləyib bir qədər susduqdan sonra dərindən ah çəkib başını qaldırdı: - Bilirsiniz necə yaxşı uşaq idi? Ağıllı, işgüzar. Tez-tez deyirdi: «Ana sənə qurban olum, necəsən?», «Ana qurban olum, sən dincəl, filan işi mən görərəm.»- yenə ah çəkdi. - Yazıq balamın başına nə faciə gəldi, bilmirəm. Hər dəqiqə səsi qulağıma gəlir ki, ana, məni niyə axtarmırsan? Axı necə axtarım? Harada axtarım? - Ümidinizi kəsməyin, - dedim. - Mən səhər polis idarəsində oldum. Onlar axtarışı davam etdirirlər. - Daha ümidimi demək olar ki, kəsmişəm. Tapsaydılar indiyə kimi tapardılar. Düz otuz altı gün keçib uşağın itməyindən. Hiss etdim ki, Leyla xanım bu sözləri çox böyük əzabla dedi. Həmin vaxt onun halına nə qədər acıdığımı dillə deyə bilmirəm. Bir qədər fikirləşib nəhayət qəti qərara gəldim: - Mən sizə bir nəfərin ünvanını verə bilərəm. Yaxşı olar ki, axtarış üçün ona da müraciət edəsiniz. - O kimdir ki? - tələsik soruşdu. - Məşhur xəfiyyədir, - dedim. - Rəsmi olaraq işləməsə də çətinə downloaded from KitabYurdu.org downloaded from KitabYurdu.org VII düşənlərə kömək əlini uzadır. Ancaq onu da deyim ki, sabah axşam o xaricə uçmalıdır. Bilmirəm, sizə razılıq verəcək ya yox. - Hər halda, xahiş edirəm, onun ünvanını verin! Mən bir övladı kimi onun ayaqlarına düşüb yalvarmağa da hazıram. Mən bloknotumdan vərəq cırıb Qanbay Qasımlımn ünvanını yazdım. - O siz fikirləşən kimi yaşlı deyil. Cəmi qırx bir yaşı var. Ancaq buna baxmayaraq təcrübəli və bilikli adamdır. Buyurun, bu da onun ünvanı. Leyla xanım ünvanı məndən alan kimi getmək üçün hazırlaşmağa başladı. Mən onun bu hərəkətini başa düşdüyüm üçün incimədim. Sağollaşıb kabinetdən çıxdım və redaksiyaya yollandım. Redaksiyada iş vaxtımın sonunu gözləməyə səbrim çatmadı. İşdən bir qədər tez çıxdım. Evə qayıdanda bir bəhanə ilə üzbəüz qonşumun yanma getdim. Qanbay Qasımlı məni görüb gülümsündü: - Axır ki, məni yola gətirdiniz, Nemət müəllim! Mən itmiş qızın axtarışı ilə məşğul olmağa razılıq verdim. Səfərimi isə mayın 26-na keçirtdirmişəm. Gedin hazırlaşın, polis idarəsinə gedəcəyik. - Sizə hər cür kömək etməyə hazıram! - deyə sevincək cavab verdim. - Onda vaxt itirməyək! Biz mənim maşınımla hadisə baş vermiş rayonun dördüncü polis bölməsinə yollandıq. * * * Bölmə rəisi ayağa qalxıb bizimlə hörmətlə görüşdü və əyləşməyi təklif etdi. Məşhur xəfiyyə rəisin sağ tərəfində - göstərilən stulda oturan kimi vaxtı uzatmadan sözə başladı: - İtkin düşən Nəsirova Tahirə Bəxtiyar qızının anası onun axtarışında iştirak etməyimi məndən xahiş edib. İcazə versəniz, mən sizə qeyri-rəsmi kömək edəcəyəm. Adımı heç yerdə hallandırmaq lazım deyil. İşi kimə tapşıransınız? - Əməliyyat müvəkkili kapitan Mehdiyevə! - Səmədov düyməni basıb Mehdiyevi yanma çağırdı. Kapitan otağa downloaded from KitabYurdu.org downloaded from KitabYurdu.org VII girən kimi rəis onu bizimlə tanış etdi: - Qanbay müəllim təcrübəli cinayət - axtarışı ekspertidir. Müstəqil adamdır. Nəsirova Tahirənin axtarışında bizə kömək etmək istəyir. Ona lazım olan imkanı yaradın! - Oldu, rəis! Səmədov kapitana da oturmağa yer göstərib üzünü Qanbay Qasımlıya tutdu: - Bakıda yəqin ki, bilirsiniz, bu cür qız uşaqlarının yoxa çıxması hadisəsi təsadüfü deyil. Bizim bölmənin ərazisində, mənim rəisliyim dövründə bu ikinci hadisədir. Bu il fevralın yeddisində doqquzuncu sinifdə oxuyan Quliyeva Aygün Nəsib qızı da yoxa çıxıb. O da məktəbdən evə qayıtmamışdı. Rəis stolun siyirməsindən bir qız şəkli çıxarıb Qasımlmm qarşısına qoydu. - Biz məktəbdə çoxlarını dindirdik. Məlum oldu ki, itməmişdən bir həftə əvvəl gənc bir oğlan onun arxasınca düşürmüş. Yoxa çıxandan bir gün əvvəl Aygünün rəfiqələri hətta onu Aygünlə söhbət edən də görüblər. Onlar Aygündən oğlanın kimliyini soruşublarmış. Dediklərinə görə, oğlan institut tələbəsi imiş. Hansı institutun olmağı deyilməyib. Ancaq oğlanın əlamətlərini də demişdilər. Orta boylu, qarasaç, yaraşıqlı bir oğlan imiş. Üst dodağından azacıq yuxanda, sağ tərəfdə kiçik xal varmış. Vəssalam. Axtarışlarımız heç bir nəticə verməyib. Qız hələ də tapılmayıb. - Siz bu iki hadisə arasında əlaqə görürsünüz? - Qasımlı soruşdu. - Demək olar ki, yox! Qızlar ayrı-ayn məktəblərdə oxuyurdular. Aygünü dediyim oğlanla görüblər. Tahirəni isə bir dəfə də olsun elə bir oğlanla görən olmayıb. Onun heç oğlan dostu da yoxdur. Ümumiyyətlə, Tahirə ciddi ailənin qızıdır. Haqqında deyilənlərdən, çox tərbiyəli qızdır. Şəklinə baxmaq istəyirsiz? - Xeyr! Anasından almışam. Siz mənə daha nə məlumat verə bilərsiniz? - Təəssüf ki, heç bir şübhəli şeyə rast gəlməmişik. Tahirə « Durna qatan» kafesinin qabağında rəfiqəsindən ayrılıb. Kafedən evə qədər downloaded from KitabYurdu.org Yüklə 5,01 Kb. Dostları ilə paylaş:
|