Elxan Elatlı o gecə yağIŞ yağirdi
Yüklə 5,01 Kb. Pdf görüntüsü
|
downloaded from KitabYurdu.org VII * * * Ağasəmədə demişdi ki, getmə, Mikayılgil yatmaq istəyirlər. Ağasəməd də həyətə girəndə görüb ki, evin işıqları sönüb və onun çağırışma cavab verən olmayıb. Baxın, bu faktlara görə mən Təranədən şübhələnirdim. Ancaq mən onu dərindən öyrənəndən və bir daha prokurorluqda danışdırandan sonra inandım ki, o cinayətkar ola bilməz. Sonra şübhələrim Oqtaya qarşı yönəldi. Ancaq onu deyim ki, bu şübhələr də özünü doğrultmadı. - Nadir müəllim dərindən ah çəkib davam etdi: - Doğrusunu deyim ki, mən ömrümdə bu cür dolaşıq işə rast gəlməmişəm. Hazırkı fikrimi soruşsanız deyərəm ki, gecə saat ıı-dən 12-nin yansına kimi həmin evə gələn adamı axtarmalıyıq. Çünki, mən Aqşinlə bu barədə ciddi söhbət etmişəm. O, hadisənin baş vermə müddətini heç cür on ikinin yansından o yana keçirməyə razı olmur. Saat ıı-ə qədər isə Mikayılgil sağ olublar. Çünki Təranə ıı-də oradan çıxıb. - Bəs indi kimdən şübhələnirsiz? - rəisin sualına azacıq istehza qatılmışdı. Nadir müəllim özünü o yerə qoymadı: - Mən bu barədə bir daha xeyli düşünmüşəm. İstintaq protokolları yadınızdadırsa Kamil demişdi ki, Namiq darvazadan çıxıb Mikayılgilin küçəsi tərəfə bir addım atdı. Lakin mənim gəldiyimi hiss edib geri döndü və darvazanın qabağında dayandı. Namiq də, ailəsi də onun həyətdə, evdən aralı olan hamama getdiyi və oradan çıxdığı vaxtı dəqiq göstərmirlər. Belə də ola bilər ki, Namiq heç hamama girməz, birbaş Mikayılgilə gedər. Hər halda bunu dəqiq araşdırmağa imkanım olmayıb. Əlizadə əlini çənəsinə söykəyib bir az fikrə daldı. Sonra əməliyyat işi üzrə müavinə söz verdi: - Sən danış, görək! Mayor Nuriyev oturduğu yerdə danışmağa başladı. - Mən o gün də sizə dedim. Ağasəməd cinayətkar deyil. O Mikayılgilə cinayət məqsədilə gəlmiş olsaydı da, Təranəni görəndən sonra fikrini dəyişərdi. O nə qədər axmaq olsa da fikirləşərdi ki, downloaded from KitabYurdu.org downloaded from KitabYurdu.org VII * * * Təranə onu gördüyünü gizlətməyəcək. Bu belə! Sonra, Mikayıl şəxsən Ağasəmədə xüsusi hörmət qoyub onun üçün süfrəyə təzə külqabı gətirməzdi. Gətirsəydi də Ağasəməd heç olmasa bir siqaret çəkərdi. - Bu barədə sizinlə şərikəm, - Nadir müəllim Nuriyevin sözünü kəsdi. - Bəli! - Mayor Nuriyev sözünə davam etdi: - Ağasəmədə görə Fəzayə keçib o biri otaqda oturmazdı. - Bəlkə onların söhbətinə mane olmaq istəməyib? - Seyidov əsəbi halda dilləndi. - Təyyar müəllim, icazə verin sözümü deyim. - Əməliyyat işi üzrə müavin azacıq fasilə verib yenə danışmağa başladı: - Mənim fikrimcə, bu cinayəti törədən Vaqifdir. Onun özünü aparmağından və danışıqlarından hiss edirəm ki, bu işdən xəbəri var. Lap buna sizi əmin edə bilərəm. Bundan başqa Vaqifin əleyhinə dəlillər çoxdur. Məsələn, o, saat on birdə başlanan «xəbərlər» proqramına baxdığını deyir, ancaq həmin verilişdən heç nəyi xatırlaya bilmir. Kənddə yeganə adamdır ki, ölüm hadisəsi baş verən vaxt evdə olduğunu sübut edən şahidi yoxdur. Hadisədən bir həftə əvvəl Mikayılla deyişib, ancaq boynuna almır. Kifayətdir, yoxsa yenə sayım? Deyəsən heç kəs rəis müavininə etiraz etmək fikrində deyildi. Onsuz da hamımız başımızı itirmişdik. Bir də ki, kimdənsə şübhələnməklə iş bitmir axı! Gərək şübhələndiyin adamı ciddi fakt qarşısında qoyasan ki, o da çarəsiz qalıb etdiyi cinayəti boynuna ala. Yoxsa Vaqif o gecə evdə olduğuna şahid göstərə bilmirsə bu o demək deyildir ki, o, Mikayılgildə olub. Polkovnik Əlizadə başı ilə mənə işarə etdi: - Sən dur görək nə deyirsən, Mehman! Ayağa qalxdım. - Mən də Ağasəmədin qatil olmağına inana bilmirəm. Mənim fikrimcə Ağasəməd o gecə Mikayılgilin həyətindən çıxandan sonra kimsə naməlum bir adam oraya gəlib. Saat on birlə on iki arasında. Düzdür, mən də hiss etmişəm ki, elə bil Vaqif nəsə bilir. Bunu Təyyar müəllim də başa düşmüşdü. Ancaq bu hələ o demək deyil ki, cinayəti downloaded from KitabYurdu.org downloaded from KitabYurdu.org VII * * * Vaqif özü törədib! Ola bilər ki, Vaqif o gecə şübhəli adama rast gəlib, ancaq hansı səbəbə görəsə onu satmaq istəmir. Rəis acıqlı halda əlini yellədi. - Vaqif şübhəli adama harada və necə rast gələ bilərdi? - Bu sualın cavabı məndə əvvəldən hazır idi: - Bəlkə həmin adam qonşu kənddən gəlib? Axı Gülabaddan meşə ilə piyada gələn adam Vaqifin evinin yanından keçməlidir?! - Bəsdir, qurtarın bu «bəlkə»lərlə! - Əlizadə əlini stola vurdu. - Boynunuza alm ki, bu işdən baş çıxara bilmədiniz. Hər halda bu bir həqiqətdir ki, sentyabrın 14-də Qaradumanlı kəndində iki insanı qətlə yetiriblər. Öldürən özü də yəqin təsdiq eləyirsiz ki, adamdır. Nə iblis, nə də ruh deyil. Həm də o adam Mikayılgilin tanıdığı adamlar dairəsindədir. Bununla belə biz həmin adamı tapa bilməmişik. Daha gecdir. Vaqifin adamları yuxarılara yol tapıblar. Nazirlikdən mənə dedilər ki, bu işi açmaq üçün buraya xüsusi ekspert göndərirlər. - qolundakı saata baxdı. - İndi saat on birin yarısıdır. Günortadan sonra, təxminən saat 3-də həmin şəxs burada olacaq. O gələn kimi sizi çağıracağam. Gedə bilərsiniz. Kabinetdən çıxdıq. Dəhlizdə Nadir müəllimin mayor Seyidova dediyi sözləri eşitdim: - Şeytan da gəlsə bu işdən baş aça bilməyəcək. Onda ki, ola hansısa xüsusi ekspert. - İyirmi gündür rahatlığım yoxdur. - Seyidov dilləndi. - Bircə bu iş dəqiq sübut olunsaydı. Mən bilərdim neylərdim o əclafa. Şöbənin bufetinə gedib çay sifariş verdim və oturub çay içə-içə hər şeyi bir daha götür-qoy etməyə başladım. Deməli, hadisə baş verən gecə saat doqquzdan on birə beş dəqiqə qalmışa kimi Təranə mərhumların yanında olub. Söhbət edib televizorda konsertə baxıblar və Təranə çıxıb öz evlərinə gedib. Həmin vaxt Ağasəməd həyətə girib. Evin işıqlarının söndürüldüyünü görəndə Mikayılgili narahat etmək istəməyib və geri qayıdıb. Tibb eksperti hadisənin baş vermə müddəti kimi on bir radələrindən uzaqlaşmağın qəti əleyhinədirsə deməli, həmin vaxt təzədən oraya downloaded from KitabYurdu.org Yüklə 5,01 Kb. Dostları ilə paylaş:
|