downloaded from KitabYurdu.org
178
alınmazsa, hər yerdə səliqə-sahman hökm sürürdü.
Birmərtəbəli, kürsülü evin tinində əkilmiş sarmaşıq gül kolu
qıvrıla-qıvrıla dama qalxmış, evin şifer damının lap başına
çataraq, oradan üzü aşağı sallanmışdı. Çəhrayı rəngli gözəl
güllər evin dam örtüyünə xüsusi yaraşıq verirdi. Gül kolu
təkcə yaraşığına görə yox, gözəl ətrinə görə də Qasımlının
xoşuna gəlmişdi. Bu ətir o qədər tünd və aydın idi ki, küçədən
keçənləri də özünə cəlb edə bilərdi.
Gənc bir qadın evdən çıxdı. Qəmgin ala gözləri, sanki bu saat
ağlayacağından xəbər verən kövrək dodaqları olan bu qadın
Bayəddinin həyat yoldaşı Çinarə idi. Əyninə geydiyi yaşıl
rəngli, sadə ev xalatı onsuz da qəşəng olan görünüşünə əlavə
bir məhrəmlik gətirirdi. O, tanımadığı adamı həyətdə görüb
təəccübləndi:
-
Kimi istəyirsən, ay qardaş?
Qasımlı nəzərlərini sarmaşıq gülündən çəkib Çinarəyə baxdı:
-
Bayəddinin dostuyam. Gəldim, sizə baş çəkim...
-
Allah köməyiniz olsun!
Çinarə Qasımlımn iti nəzərləri qarşısında baxışlarını
yayındırmağa çalışdı. Görkəmindən rayon adamına
oxşamayan, son dərəcə qətiyyətli görünməyinə baxmayaraq,
onunla səmimi və mehriban danışan bu şəxs ilk baxışdan
Çinarədə xoş təsir oyatmışdı. O, ərinin belə bir dostu
downloaded from KitabYurdu.org
downloaded from KitabYurdu.org
179
olduğunu bilmirdi. Sanki, qəlbinin hər yerinə ümid
qığılcımları səpələndi.
Ramal gəlib anasının ayaqlarını qucaqladı. Qorxurmuş kimi
sifətini xalata söykəyib, Qasımlıdan gizlətdi. Sonra çevrilib
oğrun-oğrun yad qonağa baxmağa başladı. Əyninə boz şalvar,
göy zolaqlı köynək, köynəyin üstündən göy rəngli nazik
idman gödəkcəsi geymiş bu adam nədənsə ona çox doğma
göründü.
-
Sən kimsən? - deyə mehribanlıqla soruşdu.
-
Atanın dostudur, - anası Qasımlının əvəzinə dilləndi.
-
Əmisən? - uşaq anasının qıçlarını buraxıb sevincək
soruşdu.
-
Hə, əmiyəm...
-
Atam niyə gəlmir bəs?
-
Gələcək... Sabah gələcək!
-
Sən də gələcəksən?
-
Gələcəm...
-
Mənim üçün nə alacaqsan?
-
Nə alım?
-
Tapança!
downloaded from KitabYurdu.org
downloaded from KitabYurdu.org
180
Qasımlı cavab verməyə imkan tapmadı. Darvaza zərblə açıldı
və gözləri az qala hədəqəsindən çıxmağa hazır olan Əhliman
həyətə daxil oldu. Qasımlmı görüb bircə anlığa duruxdu. Onu
harada gördüyünü xatırlamağa çalışdı və tez də tapdı. Bu,
Mehdixan kişigildə gördüyü qonaqlardan biri idi. Nemətin
dostu...
Fikirləşməyə vaxtı yox idi. Sağ əlində tutduğu, poladdan
düzəlmiş uzun tiyəli bıçağı yuxarı qaldırıb birbaş evin
qapısına tərəf getdi. Ona dəhşətli nəzərlərlə baxıb yerlərində
donmuş Çinarənin və altı yaşlı uşağın üstünə!..
Polkovnik yan yolda onun qabağına keçib əlini qaldırdı:
-
Dayan!
O bunu o qədər sakit və təmkinli səslə dedi ki, Əhliman bu
səsin son dərəcə sakitliyindən üşürgələndi və dayandı.
-
Bıçağı sal aşağı! - Qasımlı hökm etdi.
-
Çəkil qarşımdan! - Əhliman bıçağın dəstəyini bərk-bərk
sıxıb onu bir az da yuxarı qaldırdı. - Mən satqınlığı
bağışlamıram!
Əhlimanın heç ağlına da gəlmirdi ki, cinayətinin sirrini açan,
həmin bu, qarşısında dayanmış adamdır.
- Səni Bayəddin satmayıb. Ver mənə bıçağı! - Həyatının on
beş ilindən çoxu Rusiyanın cinayət aləmində hər cür qatı
downloaded from KitabYurdu.org
downloaded from KitabYurdu.org
181
cinayətkarlarla, qəddar manyaklarla mübarizədə keçmiş
polkovnik bir daha sakit şəkildə tələb etdi.
Əhliman onun qırpılmayan gözlərinə, bircə əzələsi də
tərpənməyən qətiyyətli sifətinə baxıb az qalırdı dəli olsun.
«Bu adam niyə bu dərəcədə sakitdir?! Axı mən onu bu saat
vura bilərəm?! Bax, bıçaq mənim əlimdə, onun sinəsindən
ikicə qanş məsafədədir. Bıçağı dəstəyinə qədər onun ürəyinə
saplamağıma bircə saniyə lazımdır. O mənə nə edə bilər ki?
Əlbəttə, heç nə! Mən ondan güclüyəm, ondan hündürəm.
Silah da mənim əlimdədir. Bəs o, niyə belə arxaymdır? Onun
gözlərində, lap iynə ucu boyda olsun, qorxu əlaməti yoxdur.
Əksinə, istehza var bu baxışlarda. Həm də özünə arxayınlıq.
Yəni, zərbədən yayınıb, bıçağı əlimdən ala bilər? Yox! Bəlkə
artıq məni haradansa nişan alıblar? Lənət sənə kor şeytan! Bu
niyə belə sakit baxır? Bunu da vuracağam! Cəhənnəmə ki!
Mənin üçün daha heç nəyin fərqi yoxdur. Vurum, yoxsa...»
- Çəkil qabağımdan, yazıqsan!
Əhliman bunu dedisə də, hiss edirdi ki, qətiyyəti azalıb.
Dəhşətli an hökm sürürdü. Nə
Çinarənin, nə də Ramalın danışmağa heyi yox idi. Ananın
qorxudan gözləri geniş açılmış, sifəti ağappaq ağarmışdı.
Uşağın isə həyəcandan ağzı açıq qalmışdı.
- Ver bıçağı, dedim sənə!
downloaded from KitabYurdu.org
downloaded from KitabYurdu.org
182
Qasımlı bu dəfə elə hökmlə əmr etdi və gözlərində elə soyuq
qığılcımlar oynadı ki, əlində bıçaq tutmuş adama bu şəkildə
hökmü ancaq əlində avtomat silah tutmuş adam verə bilərdi.
Ancaq Qasımlının başqa heç bir əlacı yox idi. O, nəyin
bahasına olursa-olsun qalib gəlməliydi və ... qalib gəldi!
Əhliman əlini yavaş-yavaş aşağı endirdi. Polkovnik bundan
istifadə edərək, əlini uzadıb
onun boşalmış əlindən bıçağı aldı. Sanki hipnoz olmuş qatil
dayanıb nifrətlə Qasımlıya baxırdı.
Elə bu vaxt darvazanın düz qabağında basılmış əyləcin kəskin
səsi eşidildi. Dayanmış maşının qapıları bərk çırpıldı. Bunu
eşidən kimi, sürətlə çevrilib darvazaya tərəf qaçan Əhliman,
qapını açıb həyətə girən mayor Əmirəliyevlə üz- üzə gəldi. O,
həmin anda mayoru yolundan kənarlaşdırıb, həyətdən çıxmaq
istədi. Hətta Əmirəliyevi itələdi də! Cinayət-axtarış
bölməsinin rəisi buna bəndmiş kimi, onun çənəsinə yumruqla
güclü zərbə vurdu. Həmin an tutaşdılar. Möhkəm bədənli,
kifayət qədər güclü olan mayor tezliklə üstün gəldi və
Əhlimanı döşəməyə yıxdı.
Bu zaman gənc bir polis işçisi də həyətə girdi. Əvvəlcə bıçağı
əlində tutmuş Qasımlıya, sonra isə dizini Əhlimanın sinəsinə
qoymuş mayora nəzər salıb yerində dayandı. Qasımlı
yaxınlaşıb bıçağı ona uzatdı. Polis əməkdaşı təəccüblə bıçağı
alıb yenə Əmirəliyevə baxdı.
downloaded from KitabYurdu.org
Dostları ilə paylaş: |