Elxan Elatlı PƏNCƏRƏDƏ GÖRÜNƏn köLGƏ detektiv roman
Yüklə 4,8 Kb. Pdf görüntüsü
|
downloaded from KitabYurdu.org 183 Mayor yerə yıxdığı caninin sinəsindən qalxıb onu bütün qüvvəsi ilə təpikləməyə başladı. Əhliman isə onu iyrənc söyüşlərlə söyür, əlləri ilə bədənini qorumağa çalışırdı. Darvazaya tərəf addımlayan Qanbay Qasımlı çevrilib onlara baxdı. Əmirəliyev neçə gündən bəri çəkdiyi əziyyətlərin, Əhlimanın ona qaytardığı kobud və özündən razı cavablarının heyfini çıxır, getdikcə bir az da qızışırdı. Qasımlı başını qaldıranda gözü yenə də damda qıvrılan sarmaşığa sataşdı. «Necə də gözəldir! - deyə düşündü. - Düşünərək belə bir gözəlliyi yaratmaq olmazdı. Görəsən, bunun toxumundan apanb həyətdə əksəm, balkonuma çıxar?...» Sonuncu dəfə, heyrətindən hələ də özünə gəlməmiş Çinarə ilə oğluna nəzər yetirib həyətdən çıxdı. Bu zaman arxadan Əhlimanın naləsini eşitdi: - Ay Allah, öldüm! Cibindən siqaret çıxarıb yandırdı. Darvazanın önündə dayanmış polis maşınının yanından ötüb bir qədər kənarda saxladığı Volqaya yaxınlaşdı. Təmkinlə qapını açıb maşına əyləşdi və onu işə saldı. Döngəni burulub əsas yola çıxdı və bundan sonra sürəti artırdı. Kənddə onu gözləyirdilər. Yığışıb Balaya getmək lazım idi. Həmin gün axşam rayonun prokuroru Bayəddini öz kabinetinə gətizdirdi. Əhlimanın həbs olunduğunu sürücü ilk dəfə onun downloaded from KitabYurdu.org downloaded from KitabYurdu.org 184 dilindən eşitdi. Prokurorun səmimiyyətinə inanan və onun sözlərinə görə Əhlimanın bir də heç vaxt bu dünyada azad insan kimi gəzə bilməyəcəyinə əmin olan Bayəddin həmin axşam bunlan danışdı: «Mayın 18-də, axşamüstü, şəhərin gölə baxan kənarında emalatxanası olan tanış karbürator ustasının yanına getmişdim. Son günlər məni tez-tez sərnişinlərin yanında üzüqara edən karbüratoru ona göstərmək istəyirdim. Usta işini qurtaranda saat, təxminən, səkkiz olardı. Maşına minib evə getmək istəyirdim ki, bir qadın mənə yaxınlaşdı. - Qardaş, məni Göydağa apararsan? - dedi. Bu qadını birinci dəfə idi ki, görürdüm. Əvvəlcə, istədim razılaşmayım. Yorğun idim. Həm də tək qadınla axşam vaxtı uzaq yola çıxmaq istəməzdim. Rayon yeridir, mən də həmişə söz-söhbətdən qorxmuşam. Amma həmin gün qazancım az olmuşdu. Əlimə düşən bir-iki manat pulu da ustaya vermişdim. Qadın özü də çox abırlı, təmiz qadına oxşayırdı. Odur ki, bir az fikirləşib razılaşdım. Arxa qapını açıb onu maşına dəvət etdim və Göydağa yola düşdük. Şəhərdən çıxana kimi küçələrə göz gəzdirirdim. Arzu edirdim ki, o tərəflərə gedən bir adama rast gəlim və onu da maşına götürüm. Ancaq heç bir tanış sifətə rast gəlmədim. Küçələrdə downloaded from KitabYurdu.org downloaded from KitabYurdu.org 185 adamlar seyrəlmişdi. Havanın qaralmağına bir saatdan da az vaxt qalırdı. Şəhərdən çıxan kimi sürəti artırdım. Meşə yoluna çataçatda maşın zəhrimar birdən-birə dayandı. Yenə karbüratordan şübhələndim və düşüb onu sökərək üzərində qurdalanmağa başladım. Belə işlərdə bir elə də səriştəm yoxdur. Odur ki, əlimdən gələni edib, üstəlik Allaha yalvanrdım ki, tanış, təcrübəli sürücülərdən birini bizə yetirsin. Bu vaxt gördüm ki, Cavanşirin maşını şəhərdən gəlir. Çoxdan olmuş söz-söhbətə görə onunla danışmırdıq. Həm də onun maşın barədə bildiyi mənimkindən də az idi. Buna baxmayaraq, küsülü olmasaydıq, onu saxlayıb bədbəxt qadını kəndlərinə aparmağı xahiş edərdim. Onun daha mənə pulu da lazım deyildi. Təki düşdüyüm narahatçılıqdan qurtara biləydim. Cavanşir yanımızdan ötüb keçdi. Daha başqa maşının gələcəyinə ümidim də yox idi. Bütün qüvvəmi toplayıb karbüratorla əlləşməyə başladım. Artıq hava qaralmışdı. Kiçik elektrik lampasını akkumulyatora qoşub, onun işığında işləyirdim. Bu vaxta qədər səsini çıxarmayan qadın maşından düşüb yanıma gəldi. Mən onun necə həyəcan keçirdiyini açıq-aşkar duyurdum. - Qardaş, əgər düzəlmirsə, mən piyada gedim - dedi. downloaded from KitabYurdu.org downloaded from KitabYurdu.org 186 Əlimi saxlayıb ona baxdım. Hələ mənim yanımda ətraf qaranlığa necə qorxa-qorxa baxdığını görürdüm. - Nə danışırsan, bacı? - dedim. - Guya bilmirsən, qabaqda iki yerdə köç var?! Qadın mənim nə demək istədiyimi başa düşdü. Qabaqda iki yerdə, düz yolun kənannda qoyun sürüləri var idi. Bu sürüləri azman qoyun itləri qoruyurdu. Belə bir vaxtda o itlərin əlinə yad adam düşsəydi, onu parça-parça edə bilərdilər. Bədbəxtçilikdən belə köçün birini də arxada qoyub gəlmişdik. Yəni şəhər tərəfə də piyada getmək qorxulu idi. Özü də elə bir qadın üçün! Görünüşündən açıq hiss olunurdu ki, çöl- bayır görməyib. Hətta şəhərli qızma daha çox oxşayırdı. - Kimin yoldaşısan? - deyə ondan soruşdum. - Əhlimanın... - dedi və elə bil başıma qaynar su tökdülər. Mən onun necə əzazil, necə qansız bir adam olduğunu bilirdim. Qadını maşına götürməyimə həddindən artıq peşman olmuşdum. Ancaq neyləmək olardı? Maşını düzəldib onu kəndə aparmalıydım. Gecəni meşədə keçirmək daha pis nəticə verərdi. Az qaldı acığımı onun üstünə tökəm: - Bir az ertə çıxa bilməzdin yola?! Qadın heç nə demədi. Arxaya çevrildi və birdən ağlamağa başladı. downloaded from KitabYurdu.org Yüklə 4,8 Kb. Dostları ilə paylaş:
|