Əşir Bəşiroğlu
18
H.Z.TAĞIYEV HAQQINDA BIR QƏDƏR GENĠġ
Biz tarixə düşmüş şəxsiyyətlərin, hansı xalqa,millətə mənsub olmasının fərqinə
varmadan onları yad edirik. Onların arasında H.Z. Tağıyevdə olan keyfiyyətlərə görə
tarixə düşən varsa da çox azdı. Bunlardan biri əfsanəvi Hatəm idi, Səxavət Sahibi
Hatəm. Xalq arasında belə bir məsəl də deyirlər: - Hacını nəinki bütün
azərbaycanlılar, o cümlədən, bir çox başqa xalqlar da tanıyır. Hansı xidmətlərinə
görə? Hatəm səxavətinə, bəli, bəli Hatəm səxavətinə görə. Özü də onun səxavəti adi
səxavət deyildi. Onun əl açmış dilənçiyə pay vermək səxavəti yox, xalqının,
millətinin rifahı, savadlanması üçün bütün varını verməyə hazır olmaq qabilliyətinə.
Yeri gəlmişkən qeyd edək ki, bu Hatəm səxavətli kişi ona əl uzatmış, lakin
işqabiliyyəti olana pay verməyi xoşlamazdı, deyərdi ki, qeyrətli kişi işləməlidir, əl
açmamalıdır.
H.Z.Tağıyev Şərq aləminin ilk messenatı idi. Sərvət və sərməyadarlıq onu heç
zaman xalqdan ayırmamış, mənən və qayğıları ilə xalqla özü arasında daimi bir körpü
salmışdı. Xalqın kədəri onun kədəri, sevinci onun sevinci olmuşdur. Bakı
sərmayədarları içərisində heçbir milyonçu xalqa, camaata bu dərəcədə yaxın
olmamışdı. Çünki o, özü xalqın içərisindən çıxmışdı, adi palçıq daşıyan fəhlədən,
adlı-sanlı, qüdrətli sərmayədar dərəcəsinə yüksəlmişdi.
XIX əsrin əvvələrində doğulmuş Hacı Zeynalabdin Tağıyev uzun, mühüm
hadisələrlə zəngin ömür sürmüşdür. Başlıca fəaliyyəti kapitalist münasibətlərinin
formalaşdığı və bərqərar olduğu dövrə, habelə XX əsrin əvvəllərinin coşğun siyasi
çarpışmalar dövrünə təsadüf edir.
H.Z.Tağıyevin tərcümeyi-halında heç də faktlar axıra qədər aydın deyildir. Elə
anadan olma tarixinin özü tarixi ədəbiyyatda olan müxtəlif ziddiyyətli məlumatları
araşdırmağı tələb edir. Çox yerdə Tağıyevin 1838-ci ildə doğulduğu yazılır. Görünür,
bu məlumatlar N.Nərimanovun adı çəkilən kitabından və H.Z.Tağıyevin 1903-cü ildə
nəşr edilmiş tərcümeyi-halından gətirilən materiallardan götürülmüşdür. Lakin bu
bizim Azərbaycan Respublikası MDTA-da aşkara çıxardığımız və bu kitabda surəti
verilən doğum haqqında şəhadətnamədə tamamilə başqa tarix göstərilir. Həmin
sənədin doğurduğu maraqla əlaqədar olaraq, onu bütövlükdə verməyi lazım bilirik.
Hamının Sevimlisi
19
«D475499 №-li şəhadətnamə
Zaqafqaziya Şiə Ruhani İdarəsindən verilən o haqda ki, Bakı şəhərinin sakini
Hacı Zeynalabdin Tağıyev 1823-cü ildə öz atası Tağı Tağıyevin qanuni arvadı Ümmi
xanım Axund Zülfüqar qızından doğulmuşdur.
12 oktyabr 1899-cu il, Tiflis.
İmza: Ruhani İdarəsinin sədri, Zaqafqaziya Şeyxulislamı Ə.Azundzadə»
Zaqafqaziya müsəlmanları idarəsi tərəfindən verilmiş bu sənəd heç bir şübhə
doğura bilməz, çünki XIX əsrdə doğum haqqında qeydlər məhz dini idarələrdə
aparlırdı.
1916-cı ildə yanvarın 17-də tərtib olunmuş və arxivdə saxlanılan digər sənəddə
də xatırladılır ki, H.Z.Tağıyevin artıq 92 yaşı var. Bu da onun 1823-cü ildə
doğulduğunu bir daha təsdiq edir.
Maraqlıdı ki, 1899-cu il yanvarın 16-da qızı Leylanın anadan olması ilə
əlaqədar verilmiş doğum haqqında şəhadətnamədə H.Z.Tağıyevin 56 yaşı olduğu,
yəni onun 1842-ci ildə doğulduğu göstərilir ki, bu da nə birinci, nə də ikinci təvəllüd
tarixinə uyğun gəlir. Hüseyn Nəcəfovun “Balaxanı mayı” (B. 1986) kitabçasında və
Mövsüm Əliyevin “Maarifçi H.Z.Tağıyev” (“Odlar yurdu” № 14,1988) məqaləsində
Tağıyevin 100 ildən çox yaşamağı barəsində məlumat verilir.
Əksər yazılarda “Sərvət səxavətlə məhşur cənab Hacı Zeynalabdin Tağıyevin
1938-ci ildə Bakı şəhərində anadan olduğu qeyd edilir. Müasir tədqiqatçılardan M.
Əliyev “Maarifpərvər H.Z.Tağıyev” adlı məqaləsində onun 1823-cü ildə anadan
olduğunu, 1924-cü ildə 101 yaşında sətəlcəm xəstəliyindən vəfat etdiyini yazırsa,
ölümü münasibətilə “Bakınski zaboçi” qəzetində verilmiş nekroloqda isə 1924-cü il
sentyabrın 1-də 105 yaşında sətəlcəm xəstəliyindən vəfat etdiyi yazılmışdır. İkinci
məlumatlardan belə çıxır ki, H.Z.Tağıyev 1819-cu ildə anadan olmuşdur.
1900-cu ildə Nəriman Nərimanov və 1903-cü ildə Axund Yusif Talıbzadə
trəfindən yazıldığı ehtimal olunan Hacı Zeynalabdin Tağıyevin tərcümeyi-halında
onun hicri-qəməri 1256, miladi 1838-ci ildə anadan olduğu göstərilmişdir.
Əşir Bəşiroğlu
20
Təxminən 20 il bundan əvvəl hacının qızı Sara xanım Sarayeva – Tağıyeva ilə
söhbət edərkən o, atasının 1838-ci ildə doğulduğunu söyləmiş və demişdi ki, atam
anamla 1896-cı ildə evlənmişdi. Anam Sona xanım Zaqatalalı mülkədar, general-
leytenant Balakişi bəy Ərəblinskinin qızıdır. Ana babamın adı rəsmi sənədlərdə rusca
Vladimir Aleksandroviç kimi yazılmışdır. O, 1828-ci ildə anadan olmuş, 1902-ci ildə
vəfat etmiş və Dərbənddə dəfn olunmuşdur. (Qəbri “Qırxlar” adı ilə məşhur olan çox
qədim qəbiristanlıqda Tuti Bikənin türbəsi yaxınlığındadır). Hacının Sona xanımdan
üç qızı və iki oğlu olmuşdur: - Leyla, Sara, Məmməd, İlyas və Sürəyya. Sara xanım
1899-cu ildə doğulmuş, 1916-cı ildə Zeynal bəyə ərə getmişdir. Ondan bir qızı
olmuşdu. 30-cu illərdə həbsxanadan buraxılandan sonra Sarayev familiyalı bir şəxsə
ərə getmiş və ondan iki oğlu olmuşdur. Əgər M.Əliyevin məlumatını və 1899-cu ildə
verilmiş doğum haqqında Şəhadətnamədəki təvəllüd tarixini əsas götürsək məlum
olur ki, Hacı 1896-cı ildə ikinci dəfə 73 yaşında evlənmişdir. (1896-1823=73).
Hacının bu izdivacından birinci övladı Leyla xanım 1898-ci ildə, sonuncu övladı
Sürəyya isə 1904-cü ildə, o, 81 yaşında olarkən anadan olmuşdur.
Fikrimizcə, Hacı hicri-qəməri təqvimlə, həqiqətən, 1256-cı ildə anadan
olmuşdur. Çünki o, anadan olduğu illərdə Azərbaycanda əhali arasında əsas təqvim
hicri-qəməri idi. Miladi təqvimindən, əsasən dövlət idarələrində istifadə olunurmuş.
Kimsə birinci dəfə, hicri-qəməri 1256-cı ilə miladiyə səhv olaraq 1838-ci il kimi
çevirmiş, sonralar heç kim bu səhv çevrilməyə fikir verməmiş və Hacının 1838-ci
ildə anadan olduğu rəsmiləşmişdi. Buna görə biz Hacının 1840-cı ildə anadan
olduğunu, 1896-cı ildə 56 yaşında Sona xanımla evləndiyini söyləyənlərlə
razılaşmırıq.
12 oktyabr 1899-cu ildə yazılmış doğum haqqında şəhadətnamədə Hacının
1823-cü ildə anadan olduğu yazılmışdır. Qarşıya belə bir sual çıxır: - Hacı nə üçün
doğum haqqında şəhadətnaməni təvəllüdündən 76 il sonra, 1899-cu ildə tərtib
etdirmişdir? Nə üçün bu tarixdən təxminən bir il əvvəl, 16 yanvar 1898-ci ildə anadan
olan Leyla xanımın doğum haqqındakı şəhadətnaməsində atasının 56 yaşı olduğu
yazılmışdır? 1901-ci ildə Hacının əmək fəaliyyətinin 50 illiyi münasibətilə
N.Nərimanovun 1900-cu ildə çap etdirdiyi kitabçası “Hacı Zeynalabdin Tağıyevin
Dostları ilə paylaş: |