Ağarəhim Əsərlər
192
suala cavab axtarırlar: ―Sintaktik təhlilə verilən pedaqoji tələblər
hansıdır?‖
Məktəb təcrübəsi göstərir ki, sintaktik təhlilə geniş praktik fəa-
liyyət tələb edən tələblər verilir:
1) Sintaktik təhlil üçün seçilən cümlələr tərbiyəvi xarakterə ma-
lik olmalı;
2) Təhlil şagirlərin yaradıcı fəallığını təmin etməli;
3) Cümlələrdə şagirdlərə məlum olmayan qayda və qanunlara
aid dil faktlarının işlənməsinə imkan daxilində yer verilməli;
4) Təhlil məktəblilərin abstrakt təfəkkürünün inkişafına şərait
yaratmalı;
5) Şagirdlərin morfologiyadan aldıqları bilik, bacarıq və vərdiş-
lərin möhkəmləndirilməsinə əsaslı təsir göstərməli;
6) Təhlil məktəblilərin ifadəli və məntiqi oxu vərdişlərinin for-
malaşmasına kömək etməli;
7) Sintaktik təhlil şagirdlərin nitqinin inkişafı istiqamətində apa-
rılmalı;
8) Təhlil məktəblilərdə düzgün orfoqrafiya vərdişlərinin yara-
dılmasına xidmət etməlidir.
Sintaktik təhlil üçün cümlələri ibtidai siniflərin ifadə və imla
mətnlərindən, şagirdlərin özlərinin qurduqları şifahi və yazılı inşa-
lardan seçmək mümkündür. Proqramın tələbinə görə, sintaktik təh-
lil I sinifdə şifahi aparılır. Məktəblilər müəllimin sualları əsasında
cümlədə kimin və nəyin haqqında danışıldığını, onlar haqqında nə
deyildiyini müəyyənləşdirməyi, cümlədə sözlərə kimdir? nədir?
nə edir? nə etdi? necədir? və s. kimi suallar verməyi bacarırlar. II
sinifdə bu iş bir qədər də genişləndirilir. İntonasiyaya görə cümlə-
nin növlərini (nəqli, sual, nida), onların sonunda qoyulan durğu işa-
rələrini düzgün müəyyənləşdirmək üzrə geniş iş aparılır. Bu cümlə-
lərdə sözlərə suallar verilir, onun cümlənin əsas üzvü olduğu mey-
dana çıxarılır. III-IV siniflərdə isə sintaktik təhlil daha elmi xarak-
ter alır. Şagirdləri yuxarı siniflərdə sistematik sintaksis kursu mə-
nimsəməyə hazırlayır.
Sintaktik təhlil prosesində məktəblilər öyrənirlər ki, sintaksisin
Ağarəhim Əsərlər
193
əsas vahidi olan cümlə sözlərin məna və qrammatik cəhətdən bağlı-
lığı əsasında yaranır. Hər cür söz yığını müəyyən bitmiş bir fikir
ifadə etmədiyi kimi, cümlə də ola bilmir. Məsələn, Kərim, ox, Bül-
bül, uç və s.
I sinifdə tədris ilinin ikinci yarısından şagirdlər müəllimin kö-
məyi ilə həmin sözlərdən Kərim oxuyur, bülbül uçur cümlələrini
qururlar. Bu zaman onlar praktik şəkildə görürlər ki, mənaca əlaqə-
lənmiş sözlərin sistemli düzülüşü, onların şəkilçilərlə bağlanaraq,
bir fıkir ifadə etməsi nəticəsində cümlə əmələ gəlir. Bundan sonra
cümlədəki bir sözə görə digərinə suallar verilir: Kərim nə edir?
Kərim oxuyur? Bülbül nə edir? Nə uçur?
II sinifdə isə onlar həmin cümlələrin baş üzvlərindən (mübtəda
və xəbərdən) ibarət olduqlarını mənimsəyirlər. Bu sinifdə artıq şa-
girdlər mübtəda və xəbər anlayışlarına yiyələnirlər. Cümlənin
qrammatik əsasının mübtəda və xəbərdən ibarət olması, ikinci dərə-
cəli üzvlərin isə bunların (mübtəda və xəbər) ətrafında qruplaşması,
başqa sözlə, mübtəda, xəbər zonası əmələ gətirməsi linqvistikada
elmi cəhətdən əsaslandırılır. Cümlənin ikinci dərəcəli üzvlərindən
fərqli olaraq, mübtəda və xəbər cümlə əmələ gətirə, bitmiş fikir ifa-
də edə bilərlər.
Bu üzvlərin cümlənin qrammatik əsası olmasını başa salmaq
üçün II sinifdə şagirdlərə aşağıdakı tipli cümlələr təqdim olunur.
Məlahət maraqlı hekayə oxudu. — Məlahət oxudu.
Uşaqlar həyətdə futbol oynayırdılar. — Uşaqlar oynayırdılar.
Onlar qarşı-qarşıya yazılmış cümlələri oxuyur və müqayisə əsa-
sında belə bir nəticəyə gəlirlər ki, hər iki tərəfdəki cümlələrdə cüm-
lənin baş üzvləri Məlahət və oxuyur, uşaqlar və oynayırlar sözlə-
ridir. Məlahət və uşaqlar sözləri kim?, oxudu sözü nə etdi?, oy-
nayırdılar sözü nə edirdilər? sualına cavab verir. Bundan sonra
şagirdlərə həm də praktik şəkildə çatdırılır ki, sol tərəfdəki cümlə-
lərdə baş üzvlərdən birini atdıqda cümlə öz funksiyasını tam icra
edə bilmir. Hər ikisini atdıqda isə cümlədəki sözlər (ikinci dərəcəli
üzvlər) bitmiş fıkir ifadə etmir. Cümlə öz funksiyasını tamamilə iti-
rir. Qabaqcıl müəllimlər bu işin başqa variantından da istifadə edir-
Ağarəhim Əsərlər
194
lər. Belə ki, yazı taxtasına yalnız baş üzvlərdən (mübtəda və xəbər-
dən) ibarət cümlələr yazılır. Əvvəlcədən təqdim olunmuş ikinci də-
rəcəli üzvlərdən birini, yaxud ikisini əlavə etməklə cümlələr geniş-
ləndirilir. Bu priyom əsasında cümlədə baş üzvlərin əsas, ikinci də-
rəcəli üzvlərin isə köməkçi rolu məktəblilərə çatdırılır. Beləliklə,
onlar cümlə üzvlərinin cümlə əmələ gətirmək sahəsindəki rolunu
dərk etməyə başlayırlar. Cümlə üzvlərinin cümlədəki yeri, funksi-
yası mənimsənildikdən sonra sinifdə sintaktik təhlil aparmaq imka-
nı yaranır.
Təhlil prosesində sintaktik vahidlərin yerinin cümlədə müəy-
yənləşdirilməsində şagirdlər çətinlik çəkirlər. Onlar sadə müxtəsər
cümlələrdə əksər hallarda mübtədanın əvvəldə, xəbərin isə sonda
işləndiyini görürlər. Mübtədanın cümlədə ilk, xəbərin isə son ele-
ment olmasına əsaslanan məktəblilər çox zaman sintaktik təhlildə
mexaniki hərəkət edirlər. Bu formal məntiq nəticəsində onlar cümlə
üzvlərinə görə təhlilə mübtədanı tapmaqdan başlayırlar. Bununla da
ciddi elmi səhvə yol verirlər. Ona görə də ibtidai sinif şagirdlərinə
rəngarəng praktik çalışmalar (terminlər) vasitəsi ilə başa salınmalı-
dır ki, cümlədə mübtəda həmişə əvvəldə, xəbər isə sonda gəlməyə
də bilər. Mübtəda və xəbərin yeri cümlədə sabit deyil. Bəzən cüm-
lənin əvvəlində ikinci dərəcəli üzvlərdən biri işlənir. Bu baxımdan
sintaktik təhlildə cümlənin formasını əsas götürmək məqbul sayıla
bilməz. Burada cümlənin məzmunu başlıca funksiya daşıyır. Xəbər
mübtədaya nisbətən aparıcı rola malik olür.
Sintaktik təhlildə cümlənin məzmunu əsas götürülür, xəbərin
mübtədaya görə başlıca funksiya yerinə yetirdiyi nəzərə alınır,
mübtəda xəbərin köməyi ilə müəyyənləşdirilir.
Azərbaycan dilinin daxili qanunları göstərir ki, sintaktik təhlil
prosesində əvvəl xəbərin tapılması təkcə mübtədanın deyil, həmçi-
nin ikinci dərəcəli üzvlərinin müəyyənləşdirilməsi üçün də açar ro-
lunu oynayır. Onu da nəzərə almaq lazımdır ki, dilimizdə mübtəda-
sı müstəqil sözlərdə ifadə olunan cümlələrlə yanaşı, mübtədası xə-
bərin köməyi ilə meydana çıxan Dünən mağazadan maraqlı kitab
aldım. Sabah ekskursiyaya gedəcəyik və s. cümlələr də işlənir.
Dostları ilə paylaş: |