157
– Biqeyrət! Gözünün qabağında arvadına zır dəli desin-
lər, sən də dur mal kimi gözlərini döy! Ay Allah sən niyə
məni öldürmürsən, niyə canımı alıb bu qalınqabıqdan xilas
eləmirsən! Camaatın kişiləri gələndə arvadları zağ-zağ əsir-
lər, qorxularından siçan deşiyi axtarırlar gizlənməyə. Bizimki
isə, elə bil hamam kisəçisidir. Barmaqları arvad əlindən
betərdir.
Möhsün:
– Aşa..., – Aşa bir anlıq durub ərinə baxdı, ərinin dişi
bağarsağını gəmirirdi – Aşa səni lənətə gələsən. Aşa Allah
səni öldürsün! Heyif mənim bu dəfəki ömrümə, çox heyif...
Gör neçə ildir ki, səhər-axşam sənin acı sözlərinlə zəhərləni-
rəm... Allah məni bu əzabdan qurtar. Ölməyə razıyam Al-
lahım, təki məni el içində xar olmağa qoyma, ya Rəbbim!
– Amin! İnşallah tez ölərsən, bəlkə mən də bir gün
görəm...
Möhsün yenə də ayağa qalxdı. Aşa bu saat ona endirilə-
cək ağır silləni qarşılamaq üçün biləklərini sifətinə tutdu.
Ancaq Möhsün havaya qaldırdığı əlini astaca endirdi, pencə-
yini geyib bayıra çıxdı. Amma aradan 15 dəqiqə keçməmiş
iki nəfər polis işçisi ilə otağa daxil oldu. Polislərdən biri baş
leytenant, digəri isə gizir idi.
Baş leytenant:
– Poliklinikadan xəbər veriblər ki, bu ünvanda işıq pulu
yığanı döyüb yaralamısınız.
Aşa:
– İşıq pulu yığan yox, işıqkəsəni!
158
– İzahat almalıyıq. Möhsün müəllim sizi yaxşı insan ki-
mi tanıyırıq, amma belə bir işin sizin kimi bir alicənab ada-
mın evində baş verməsinə düzü çox məəttəl qalmışam.
Möhsün:
– Allah şeytana lənət eləsin, bir işdi olub. Yaralının və-
ziyyəti necədir?
– Kəfkirin tininə düşüb deyə başına yeddi tikiş qoyub-
lar.
Aşa:
– Kəfkir deyildi, çömçəydi!
Möhsün arvadına çımxırdı, – “Çömçə deyildi, kəfkir
idi!!! Keç o biri otağa!”. İncəvara Aşa ərini pərt eləmədi, ya-
taq otağına keçib qapını çırpdı.
Möhsün hər şeyi öz boynuna götürüb, zərərçəkəni onun
vurduğunu izahatında bildirib imzaladı.
Baş leytenant:
– İnciməyin, amma bizimlə bölməyə getməlisiniz.
Möhsün:
– Nə incimək, iti öldürənə sürütləyərlər, bir qələtdir elə-
mişik, özümüz də cəzamızı çəkməliyik.
Polislər Möhsünü maşına mindirib aparanda Aşa yataq
otağının pəncərəsindən pərdəni aralayıb xəlvəti baxırdı. Ar-
vadın matı-qutu qurumuşdu. Əri maşından ona sarı boyla-
nanda, o pərdəni çəkib üzünü gizlədi.
Aradan bir saat keçməmişdi ki, böyük oğlu ilə qızı şə-
hərdən xalasıgildən qayıtdılar. Hər ikisinin halından məlum
olurdu ki, səfərlərindən razıdırlar. Analarını və balaca Ay-
xanı növbə ilə öpdülər.
159
Oğlu:
– Ana, atam hanı?
Aşa:
– Neynirsən?
– Yenə sinifdə məni uşaqların içində rüsvay elədi...
– Necə yəni?
– Axşam evdə xahiş elədim ki, hazırlıqlarımı çatdıra bil-
mirəm, olar sabah məndən dərs soruşmayasan, o da can-
dərdi razılaşdı. Amma sinifə girib jurnalı açan kimi məni
qabağa çağırdı, – “Abdullayev Gülağa, dərsini bilirsən?”.
Başımı aşağı dikib dedim, – “Yox”. “Çıx qabağa!” – deyib
məni yazı taxtasına çıxardı, məni dizləriüstə qoyub dərsboyu
əlləriyuxarı saxladı. Məni o ki var uşaqlara güldürdü...
– Oğul, səncə düz eləmirmi? Sənin nə geyim, nə yemək,
nə kitab-dəftər dərdin var. Hər şeyi almışıq, bircə borcun var
– o da oxumaq. Sənin yaşında, atan bir qoyun dərisini əlində
gəzdirirdi, qoyun-quzu otaranda, kolxoza işləməyə gedəndə
də vaxt tapıb arada o dərinin üstündə oturub dərslərini oxu-
yardı. Oxumaqdan adam yorulmaz... Məncə atan düz eləyib
– birinci özününkünü cəzalandırmalıdır ki, özgəsinə dərs ol-
sun. O məktəbdə sənin müəllimin, evdə isə atandır. Onunsa
istədiyi təkcə bir şey var – övladları oxuyub adam olsunlar.
– Ana, bunları sən deyirsən? Sənə bir şey olmayıb ki, sən
yaxşısan? Bəs hanı atam?
– Polislər tutub apardılar...
– Hara?! Niyə!?
– Bir nəfəri mən döyüb yaralamışam, o da polisə şikayət
edib. Atan da günahı öz boynuna götürdü...
160
– Zarafat edirsən!?
– Məni zarafat edən görmüsən?
– Sən axırda bu kişinin başını yeyəcəksən ana! Axı nə
istəyirsən sən, niyə hər şeyə bir mız qoyursan, heç nəyi bə-
yənmirsən axı?
– Bilmirəm oğul. Allah şeytana lənət eləsin. Elə bilirəm
ki, dilimi dinc saxlasam əlimdəki hər şey dağılacaq, hamınızı
birdəfəlik itirəcəyəm.
– Sən ağlını itirmisən ana..!
– Bilirəm oğul...
Aşa uşaqların yataq otağına keçib qapını arxadan kilid-
lədi. Çarpayıya sərilib hönkürtüsünü uşaqlar duymasın deyə
ağzını yastığa dayayıb için-için zarıdı.
* * *
Polislərin Möhsünü aparmalarından üç saatadək vaxt
keçmişdi, lakin kişidən xəbər-ətər yox idi. “Yəqin axşama
yaxın evə buraxarlar” – deyə Aşa düşünürdü. İlk dəfəydi ki,
ərinin sifətinə baxacaq üzü yox idi. Bu “dır-dır” davasında
ilk dəfə alçaq vəziyyətə düşdüyünü anlamışdı. Elə bil qadını
hal vurmuşdu – ərinin burnundan fitil-fitil gətirdiyi dəqiqə-
ləri gözü qabağına gətirdikcə xəcalət onu bürüyürdü. “Bir-
dən onu həbs etsələr, təkbaşına uşaqlarıma necə baxaram?” –
Möhsünsüzlüyün acısını aydınca anlamağa başlayırdı. Güla-
ğanı bölməyə göndərdi ki, bir xəbər öyrənsin.
Gülağa polis bölməsindən axşamtərəfi qayıtdı:
– Sən nə eləmisən ana! Sənin ağlın tamam çaşıb! Niyə
camaatın uşağını o kökə salmısan!
Dostları ilə paylaş: |