25
Böyük yaşlı oxucuların yaşını və zövqünü nəzərə alıb
kitabxanada guşə təşkil etmək yerinə düşər. Çünki guşə sərgiyə
nisbətən geniş olur. Guşədə kitabdan başqa qəzet və jurnal
məqalələri, ədəbiyyat tövsiyə siyahıları, mövzuya uyğun şəkillər
nümayiş olunur. Guşənin birinci hissəsini ulu öndər Heydər
Əliyevə həsr etmək olar. Çünki məktəblilərin vətənpərvərlik
tərbiyəsində ən başlıca yeri görkəmli şəxsiyyət, müdrik və aqil bir
insan, Azərbaycanın müstəqilliyinin möhkəmlənməsi sahəsində
böyük xidmətləri olan ulu öndər Heydər Əliyevin həyatı,
fəaliyyəti və ömür yolunun mənalı səhifələrinin vərəqlənməsi
tutur. Bu böyük insanın simasında vətənə məhəbbətin, torpağa
bağlılığın, vətənpərvərliyin gözəl nümunələrini görən oxucuların
hər biri bu böyük şəxsiyyətdən əxlaqi keyfiyyətlər əxz edirlər.
Nəticədə oxucular özlərini Azərbaycanın layiqli vətəndaşı sayır,
özlərində onun müdafiəsinə hazır olduqlarına əminlik yaradır. Bir
vətənpərvər şəxsiyyət kimi kitabxanada ulu öndərə həsr edilən
“Biz qalib gələcəyik!” başlığı ilə poeziya gecəsi də keçirmək olar.
Poeziya gecəsində öncə aparıcı ulu öndərin həyat və
fəaliyyətindən, Azərbaycan Respublikasının azad, müstəqil bir
dövlət kimi tanınmasında gördüyü işlərdən danışmalı, sonra ona
həsr olunmuş şeirlər dinlənilməlidir. Bundan əlavə. “Heydər
Əliyev və müstəqil Azərbaycan” mövzusunda rəsm müsabiqəsi
keçirilə bilər. Müsabiqənin vaxtı bitdikdən sonra oxucuların
rəsmlərinin sərgisi keçirilməli və münsiflər heyəti tərəfindən
qaliblər müəyyənləşdirilməli və mükafatlandırılmalıdır.
Azərbaycan şifahi xalq və yazılı ədəbiyyatı daim xalqın,
xüsusilə
uşaq
və
yeniyetmələrin
vətənpərvər
kimi
formalaşmasinda mühüm rol oynamışdir. Kalssiklərimiz Mirzə
Fətəli Axundovun maarifçilik ənənələri, Cəlil Məmmədquluzadə,
Seyid Əzim Şirvani, Mirzə Ələkbər Sabir, Cəfər Cabbarlı, Səməd
Vurğun və digərlərinin yaradıcılığındakı vətənpərvərlik
prinsipləri həmişə uca tutulmalıdır. Belə ki, bu klassiklərimizin
əsərləri əsasında “Torpaq, uğrunda ölən varsa, Vətəndir”, “Vətən
daşı olmayandan, olmaz ölkə vətəndaşı”, “Vətəndaşlıq borcumuz”
26
və s. mövzularda oxucu konfransı, müzakirələr, ədəbi-bədii
gecələr hazırlamaq olar.
Vətənpərvərlik mövzusunda yazılmış kitabların oxucular
arasında təbliği üçün daha böyük vaxt tələb edən tədbirlərdən biri
oxucu konfransıdır. Oxucu konfransları geniş oxucu kütləsinin
dərin marağına səbəb olan tədbirlərdəndir. Müxtəlif yazıçıların
vətənə, qəhrəmanlara aid əsərləri ilə bağlı oxucu konfranslarının
keçirilməsi əhəmiyyətlidir. Oxucu konfransının keçirilməsinə 1,5-
2 ay qalmış mövzu seçilməli, hazırlıq işləri görülməlidir.
Kitabxanaçı konfransda iştirak edəcək hər bir oxucunu
ədəbiyyatla təmin etməlidir. Məsələn: Elxan Elatlının “Qisas
gecəsi” əsəri üzrə oxucu konfransının keçirilməsi mövzuya daha
uyğun gəlir. Konfransın daha maraqlı və səmərəli keçməsi üçün
kitabxanaçı tədbirə bir ay qalmış kitabı oxuculara təqdim
etməlidir. Oxucu konfransına əsərin müəllifini, müəllimləri,
zabitləri, müharibə veteranlarını və başqa insanları dəvət etmək
olar. Konfransda əvvəlcə kitabxanaçı özü çıxış etməli, əsər
haqqında danışmalıdır. Kitabxanaçının çıxışı:
Kitabxanaçı: “Əziz oxucular! Bugünkü konfrans Elxan
Elatlının vətənpərvərlik mövzusunda yazılmış “Qisas gecəsi”
əsərinə həsr edilb. Bu yazıçının vətənpərvərlik mövzusunda
qələmə aldığı üçüncü romanıdır. Bundan əvvəl E.Elatlı
vətənpərvərlik mövzusunda “Qan ləkəsi”, “Cəhənnəmdən gələn
səs” romanlarını yazmışdır. Bu romanlar xalqımızın böyük
sevgisini qazanmışdır. Hər hansı bir şəxsiyyətin qəlbərdə uzun
illər yaşamasında və sevilməsində bədii əsərlərin nə qədər böyük
rola malik olduğunu hamımız yaxşı bılırik. “Qisas gecəsi” romanı
Azərbaycanın Milli Qəhrəmanı Mübariz İbrahimovun qısa
həyatından və şərəfli döyüş yolundan bəhs edir. Romanın
gənclərimizin hərbi vətənpərvrlik tərbiyəsində böyük rol
oynayacağina inanırıq. Kitabın ilk səhifəsində Azərbaycan
Respublikasının Prezidentinin Mübariz İbrahimov haqqında
dediyi sözlər verilmişdir. “Mübariz yaxşı bilirdi ki, o döyüşdən
sağ-salamat çıxa bilməyəcək. Ancaq Vətən sevgisi, torpaq sevgisi,
27
onda olan vətənpərvərlik ruhu onu şəhidlik zirvəsinə ucaltdı.
Mübariz bütün gənclərimiz üçün örnəkdir, nümunədir”.
Mübariz İbrahimov son döyüşdən sağ qayıtmayacağını yəqin ki
bilirdi. Buna görə də bacardığı qədər düşmən əsgəri öldürüb,
sonra həlak olmuşdur. Düşmənə xeyli itki verib özü də şəhid olan
Mübarizə həsr olunmuş bu kitabı oxumaqla şəhidlərimizin ruhu
qarşısında borcumuzun bir hissəsini yerinə yetirmiş olarıq. Yazıçı
E.Elatlı Azərbaycanın Milli Qəhrəmanı Mübariz İbrahimovun
iyirmi iki illik ömür yolundan bəhs edən bu romanında onun
daxili aləmini, həyacanlarını, mənəvi dünyasında baş verən
oyanışı, onu daim narahat edən, intiqama səsləyən səbəbləri bədii
detallarla açıb göstərməyə çalışmışdır.
Kitabxanaçının çıxışından sonra söz konfrans iştirakçılarına
verilir. Sonda iştirakçılar gələcəyimiz olan uşaqlar arasında
vətənpərvərliyin təbliği mövzusunda müzakirələr aparır, öz təklif
və rəylərini bildirirlər.
Kitabxanada həmçinin Nüşabə Məmmədlinin vətənpərvərlik
mövzusunda yazılmış “Zəngulə” əsəri haqqında da müzakirə
aparmaq olar. “Zəngulə” əsərində Qarabağ müharibəsinin
dəhşətləri çox inandırıcı təsvir edilmişdir. Əsər müharibə zamanı
əsir düşən ata-analarımızın, baba-nənələrimizin, bacı-
qardaşlarımızın, qız-gəlinlərimizin, balalarımızın acınacaqlı
taleyindən, işgəncəli həyatından bəhs edir. Əsərin baş qəhrəmanı
– 9 yaşlı Rəhimənin 3 il əsirlikdə gördüyü dəhşətlər hər bir
oxucunu sarsıdır. Erməni vəhşiliklərinin şahidi olan bu qızcığazın
naləsini, fəryadını eşitməmək, duymamaq mümkün deyil.
Rəhimənin, eləcə də əsirlərimizin fəryadı bizdə düşmənə olan
nifrəti, qisas hissini daha da alovlandırır. Anasını və Vətənini
sevən hər bir azərbaycanlı bu hadisələrə laqeyd yanaşmamalıdır.
Nüşabə Məmmədlinin “Zəngulə” əsəri xalqımızı mübarizəyə sövq
edir.
Əziz oxucular, əsl vətənpərvər oxucu bu əsəri oxumalı və
yoldaşları arasında təbliğ etməlidir. Mən inanıram ki, əsəri oxuyan
hər kəsdə intiqam hissləri daha da güclənəcək, torpaqlarımızın
Dostları ilə paylaş: |