28
geri qaytarılması uğrunda mübarizələrə qoşulacaq və vətənə
layiqli övlad olacaqlar”.
Kitabxanaçının çıxışından sonra qonaqlar çıxış etməlidir.
Çıxışlardan sonra oxucular əsər haqqında öz fikirlərini
bildirməlidirlər.
Vətən oğullarını haraya çağıran, onlarda ruh yüksəkliyi
oyadan, torpaqlarımızı düşmən tapdağından tezliklə azad
olunması üçün mübarizəyə səsləyən, yeniyetmə və gənclərdə
vətənə daha dərindən məhəbbət hissini oyadan tədbirlərdən biri
olan ədəbi-bədii gecənin keçirilməsi uşaq kitabxanaları üçün daha
zəruridir. Ədəbi-bədii gecəni “Vətən mənə oğul desə nə dərdim”,
“Vətəndaşlıq borcu” və s... başlıqlar altında keçirmək olar
.
“Vətən mənə oğul desə nə dərdim” adlı bədii gecənin ssenarisini
təqdim edirik:
(Səhnə cəbhə bölgəsini xatırladan şəkillərlə bəzədilir. Milli
Qəhrəmanların portretləri və Heydər Əliyevin vətənpərvərliklə
bağlı söylədiyi sözlər –
“Hər bir gənc müstəqil Azərbaycanın
gələcəyini təmin etmək üçün vətənini sevməli, xalqımızı
sevməli, dilimizi və milli ənənələrimizi sevməlidir” əks olunur.
Gecə Müslüm Maqomayevin bəstəsi olan “Azərbaycan”
mahnısının sədaları altında açılır. Səhnəyə əsgər geyimli iki
aparıcı daxil olur ).
I aparıcı: Vətən! Bu söz insanlarda daha dərin və əziz hislər
oyadır. Vətənə məhəbbət öz xalqına məhəbbətdir. Vətən uğrunda
hər cür fədakarlığa hazır olmaq lazımdır. Vətənpərvərlik əsrlərlə
insanların qan yaddaşına həkk olunmuş hisslərdəndir.
II aparıcı: Bu dünyaya göz açanda ilk dəfə anamızı
görmüşük. Günlər, aylar keçdikcə onun ilıq nəfəsinə, təbəssümlü
və işıqlı baxışlarına, məhəbbətlə süzülən şirin kəlmələrinə, bütün
varlığımızı bürüyən sevgisinə qızınmışıq, böyümüşük. Ilk
kəlməmiz də “ana” olub. Və illər ötdükcə, yaşa dolduqca, ağlımız
kəsdikcə bilmişik ki, bizim üçün də, ata-anamız üçün də
müqəddəs bir varlıq var. Ona “Vətən” deyirlər. “Vətən”-“Ana”
qoşa çəkilən addır.
29
I aparıcı: Bizim Vətənimiz Azərbaycandır. Onun başı ağ
çalmalı uca dağları, çiçəkli düzləri, meyvəli bağları, hər cür nemət
yetirən torpaqları var. Bu torpaqlar yeralti sərvətlərlə daha
zəngindir. Vətən uzaq və qəhrəman keçmişimiz, bu günümüz,
gələcəyimizdir. Uzaq və qəhrəman keçmişimiz sal qayalar
üzərindəki silinməz izlərdir. Tomris mərdliyidir, Cavanşir
yenilməzliyidir, Nizami poeziyasıdır, Dədə Qorqud hikmətidir,
Nəsirəddin Tusi və Yusif Məmmədəliyev elmidir, Füzuli
məhəbbətidir, Koroğlu cəngisidir, Xətai qılıncıdır, Babək
harayıdır, Nəbi iradəsidir, Heydər Əliyev qətiyyətidir.
(Sonra səhnədə Məhəmməd Hüseyn Şəhriyarın “Azərbaycan”
şeirinin sözlərinə bəstələnmiş mahnı ifa olunur).
I aparıcı: Lakin, günlərin bir günü qara və müdhiş bir
təhlükə anamız Azərbaycanın başı üstündə dolaşdı. Bu təhlükə
Azərbaycanın ağ çalmalı dağlarının sakitliyini pozub, çiçəkli
çəmənlərimizin ətrinə barıt, mərmi qoxusu qarışdırdı,
yaylaqlarımızı çoban tütəyinin səsinə həsrət qoydu. Azərbaycan
Respublikasının ərazisinin 20 faizi işğal olundu, milyondan çox
vətəndaşı öz vətənində qaçqına çevrildi. Biz hamılıqla vətəni
qorumalı, işğal olunmuş ərazilərimizi düşmənin əlindən almalıyıq.
Qanla suvarılmış torpaqlarımızı düşmən tapdağından xilas etmək
biz övladların müqəddəs borcudur. Anaların, bacıların göz
yaşlarını qurutmaq, qəddi əyilmiş qocaların qəddini düzəltmək,
Azərbaycan ordusunun üzərinə ağır və şərəfli vəzifə qoyur.
II aparıcı:
Bu gün nizamlı ordumuz var və ordumuz
hər gün güclənməkdədir. Azərbaycanın silahlı qüvvələri getdikcə
təkmilləşir, təcrübə qazanır, peşəkarlığını artırır, döyüş
qabiliyyətini yüksəldir. O cümlədən ordunun təminatı artdıqca,
xidmətkeçmə də asanlaşır. Bu həm əsgər və zabitlərimizdə, həm
də xalq arasında vətənpərvərlik hissinin artmasına təkan verir.
Vətənpərvərlik ruhu isə hər bir xalqın, dövlətin inkişafında
mühüm rol oynayır. Azərbaycan Prezidenti cənab İlham Əliyev
əsgərlərimizin, gənclərimizin vətənpərvərlik ruhunda tərbiyə
olunmasını vacib sayır: “Azərbaycan heç vaxt torpaqlarının
30
itirilməsi ilə barışmayacaq, nəyin bahasına olursa-olsun, öz doğma
torpaqlarını azad edəcəkdir. Bunu etmək üçün cəmiyyətdə
səfərbərlik olmalıdır. Gənclərimiz, əsgərlərimiz vətənpərvərlik
ruhunda tərbiyə edilməlidir.”
I aparıcı: Abbas Səhhətin “Vətən” şeiri bütün dövr və
zamanlar üçün ən yaxşı örnəkdir. Şeirin son misraları insanın
bəşəri hisslərini ifadə etməklə yanaşı, bəlkə də Vətəni sevməyin
ən gözəl tərifidir. (Oxucu Abbas Səhhətin “Vətən” şeirini
söyləyir).
II aparıcı: Bu gün minlərlə gəncimiz vətəniin keşiyində ayıq-
sayıq dayanıb. Hal-hazırda onların sayəsində torpaq üzərində
inamla, rahat gəzir və işləyirik Onlar ən müqəddəs borclarını
yerinə yetirirlər. Vətənə olan borclarını! Məhz bu gənclər haqda
Heydər Əliyev demişdir: “Orduda xidmət edən gənclər bizim
dəyərli vətəndaşlarımızdır. Onların əksəriyyəti gənclərdir. Onlar
vətəni qoruyurlar, düşmənlə üzbəüz mövqedə dayanırlar,
Azərbaycanın müstəqilliyini qoruyur və möhkəmləndirirlər.
Lazım gələn anda məhz onlar doğma torpaqların azad olunması
üçün ilk addımı atacaqlar”
I aparıcı: Şəhidlər
xiyabanı
respublikamızın
bütün
məktəbliləri üçün əsl birlik, həmrəylik, mərdlik və cəsarət
məbədinə çevrilib. Ulu öndərimizin dediyi kimi, "Biz hərbi
vətənpərvərliyi hər şeydən öncə Şəhidlər xiyabanında əbədiyyət
yuxusuna getmiş, bugünkü azadlıq və müstəqilliyimizin polad
təməlçiləri olmuş, öz fədakarlıqları ilə xalqımızın qəhrəmanlıq
salnaməsinə şanlı səhifələr yazmış igidlərimizdən öyrənməli,
onlardan ibrət götürməliyik".
II aparıcı: Şəhidlər tarixin sönməyən çıraqlarıdır. Onlar daim
azadlıq uğrunda çırpınan yolumuza işıq saçırlar. Vətən yolunda,
milllət yolunda şəhid olanlar ölməzdir. Vətən Təbriz kimi, Çingiz
kimi, Əlif kimi, Salatın kimi, Mübariz kimi... qəhrəmanlarını heç
vaxt unutmayacaq.
Dostları ilə paylaş: |