40
şərəfli həyat yolu xalqımıza örnəkdir. Müstəqillik illərində məhz
ulu öndərimizin gərgin və titanik səyləri, müdrik siyasi kursu
sayəsində Azərbaycan nəinki öz suverenliyini qoruyub
saxlamış, onu əbədi prosesə çevirmiş, dünyanın qüdrətli
dövlətləri səviyyəsinə yüksəltmişdir.
II aparıcı: Dahi şəxsiyyət Heydər Əliyev Azərbaycan xalqının
xoşbəxt və firavan gələcəyi naminə çox işlər görmüşdür.
Hakimiyyətin birinci mərhələsində biz onu daha çox qurucu,
yaradıcı bir dövlət xadimi kimi görürüksə, artıq ikinci mərhələdə
o, öz xalqının xilaskarı funksiyasını çox böyük məharətlə,
ustalıqla yerinə yetirdi. Sadəcə olaraq bir faktı qeyd etmək
kifayətdir: Heydər Əliyev 1993-cü il iyunun 15-də yenidən
hakimiyyətə qayıtmasaydı, çox güman ki, bugünkü müstəqil
Azərbaycan Respublikasının taleyi də çox acınacaqlı ola bilərdi.
Məhz həmin vaxt Azərbaycan xalqı müstəqilliyə yenicə
qovuşmuş bir dövlətin idarə olunmasını ulu öndərimiz
H.Əliyevə etibar etdi. Heydər Əlirza oğlu da öz öhdəsinə düşən
bu xilaskarlıq missiyasını inamla həyata keçirdi və Azərbaycanı
xilas etdi. H.Əliyev XX əsrin sonu və XXI əsrin əvvəllərində
dünyanın ən tanınmış siyasi liderlərindən biri idi. Onu dünyanın
əksər ölkələri və ən tanınmış siyasi xadimlər belə qəbul edir,
onunla hesablaşırdılar.
I aparıcı: 1993-cü il iyunun 15-də ikinci dəfə hakimiyyətə
qayıdandan sonra H.Əliyev Azərbaycanın inkişafı, milli dövlət
quruculuğu, cəmiyyətimizdə demokratik dəyərlərin bərqərar
olması və xalqımızın rifahının yüksəldilməsi sahəsində misilsiz
xidmətlər göstərmişdir. Əsrlər boyu müstəqillik arzusu ilə
yaşayan və öz azadlığı naminə dəfələrlə ölüm-dirim
mübarizəsinə qalxan xalqımız məhz H.Əliyevin rəhbərliyi
sayəsində istəklərini gerçəkliyə çevirə bildi. Təsadüfi deyil ki,
öz həyatını sevdiyi Vətənin tərəqqisinə həsr etmiş bu dahi
şəxsiyyət hələ keçmiş Sovet İttifaqı dövründən başlayaraq
uzaqgörənliklə dövlət müstəqilliyimiz üçün zəmin hazırlamış,
41
bu gün çoxlarının həsəd apardığı müstəqil respublikamızın
nəhəng iqtisadi, elmi və mədəni potensialını yaratmışdır.
Monitorda H.Əliyevin hakimiyyətə qayıdışı və prezident kimi
and içməsi kadrları göstərilir.
II aparıcı: Heydər Əliyev çox maraqlı, mürəkkəb, zəngin,
keşməkeşli bir ömür yolu keçmiş, həyatın bütün çətinliklərindən
qalib çıxmış, öz zəhməti, zəkası, fitri qabiliyyəti ilə ən yüksək
zirvəyə yüksəlmişdir. Bu uca zirvənin yolları daşlı-kəsəkli olsa
da, polad iradəsi, dönməz xarakteri, şəxsiyyət bütövlüyü bu
zirvəni fəth etməkdə ona kömək etmişdir. Bütün dünyanın etiraf
etdiyi böyük dövlət xadimi, görkəmli siyasətçi, müstəqil
Azərbaycan
dövlətinin
memarı,
zəmanəmizin
nadir
şəxsiyyətlərindən biri Heydər Əliyev çox zəngin irs qoyub
getmişdir.
Ulu Öndər Heydər Əliyevə həsr olunmuş sözləri Baba
Vəziroğluna, musiqisi Kamala aid olan Ağadadaş Ağayevin
ifasında “Sən elə bir zirvəsən” adlı mahnı səslənir. Mahnı
səslənərkən ekranda Heydər Əliyevin fəaliyyəti dövründə
uşaqlarla çəkdirdiyi şəkillər nümayiş olunur.
I aparıcı: Türkiyə dövlətçiliyi tarixində Mustafa Kamal
Atatürk, ABŞ tarixində Ruzvelt, müasir Almaniya tarixində
Adenauer, indiki Fransanın qurulmasında Şarl de Qoll,
Hindistanın siyasi varlığında Cəvahirləl Nehru nə deməkdirsə,
Heydər Əliyev də Azərbaycanın və ümumi sayı 50 milyondan
artıq olan dünya azərbaycanlılarının tarixində o deməkdir. Onun
fəaliyyəti mahiyyət etibarilə gələcəyə hesablanmış hərtərəfli
inkişaf strategiyasının işlənib hazırlanması və həyata keçirilməsi
demək idi. O illərdə xalqın ictimai-siyasi, iqtisadi və mədəni
həyatının bütün sahələrində mümkün olmuş hər hansı tərəqqi və
həyata keçirilmiş təşəbbüslər məhz ümummilli liderimizin
gərgin əməyinin bəhrəsidir. Onun siyasi zəkası sayəsində
Azərbaycanın beynəlxalq aləmdən təcridinə son qoyuldu,
42
ümummilli böhran aradan qaldırıldı, ölkə bütün sabit inkişaf
yoluna çıxdı.
İndi isə gəlin məktəbli oxucularımızın ifasında Ulu öndər
Heydər Əliyevin söylədiyi hikmətli kəlamlara qulaq asaq.
Məktəblilər kəlamları söyləyirlər.
1.
Kitabxana xalq, millət üçün, cəmiyyət üçün müqəddəs
bir yer, mənəviyyat, bilik, zəka mənbəyidir. Ona görə
də
kitabxanaya
daimi
hörmət
xalqımızın
mədəniyyətini nümayiş etdirən amillərdən biridir.
2.
Milli-mənəvi dəyərləri olmayan millət həqiqi
millət, həqiqi xalq ola bilməz. Milli-mənəvi
dəyərlərimiz bizim ana dilimizdir. Azərbaycan
dilidir, bizim adət-ənənələrimizdir. Mənəvi-əxlaqi
mentalitetimizdir. Bunların hamısı ilə fəxr edirik və
fəxr etməliyik.
3.
Milli özünüdərk, milli oyanış, dirçəliş prosesi
xalqımıza birinci növbədə ədəbiyyatdan keçir.
4.
Uşaqlar bizim gələcəyimizdir. Gələcəyimizi nə cür
tərbiyə edəcəyiksə, böyüdəcəyiksə, ölkəmizin,
millətimizin, dövlətimizin gələcəyi bundan asılı
olacaqdır.
5.
Heç vaxt inamımızdan, dinimizdən uzaqlaşmayacaq
və bu mənəvi mənbələrimizdən istifadə edərək
gələcəyimizi quracağıq.
6.
Azadlıq və istiqlaliyyət hər bir xalqın milli sərvətidir.
7.
Ədalətsizliklə ədaləti bərpa etmək olmaz.
8.
Bizim konstitusiyamız xalqın konstitusiyasıdır. Hər
bir vətəndaşın konstitusiyasıdır.
9.
Azərbaycan Respublikası dünya birliyi ilə tam
hüquqlu inteqrasiyaya istiqamət götürmüşdür və
bunun üçün bütün imkanlara malikdir.
10.
Azərbaycan gəncləri Azərbaycanın gələcəyidir.
Dostları ilə paylaş: |