34
(2004), “Heydər Əliyev” (2005, Moskva, rus dilində,
V.Andriyanovla birgə) kimi kitablar çap etdirmişdir. Bu kitablar
müstəqilliyimizin, yenidən dirçəldilməkdə olan dövlətçilik
ənənələrimizin isti-isti yazılan tarixi, canlı və həmişə yaşayan
sənədləridir. Tarixi şəxsiyyətlər haqqında dərc edilən belə
kitablar gələcək nəsil üçün tarixi yaddaş baxımından
təqdirəlayiqdir.
İnşa müsabiqəsi − Yuxarı sinif şagirdləri ilə “Heydər Əliyev
və Azərbaycan” başlığı altında inşa müsabiqəsi keçirmək
olar. Keçirilən tədbirdən sonra uşaq qəzet və jurnallarında,
kitabxananın saytında müsabiqə qalibləri haqqında məlumatlar,
tədbirin şəkilləri verilsə oxucuların daha çox marağına səbəb
olar.
Konfrans − Kitabxanalarda yuxarı sinif şagirdlərinin iştirakı
ilə “Heydər Əliyevin fəaliyyəti müasir gəncliyin gözü ilə” oxucu
konfransı da təşkil etmək mümkündür. Konfransdan öncə onun
proqramı tərtib olunmalı, konfransın keçiriləcəyi dəqiq vaxt
müəyyən olunmalıdır. Proqramda konfransda çıxış edəcək
qonaqların, tarixçilərin, ədəbiyyatşünasların və şagirdlərin
adları, onların çıxış edəcəkləri mövzular, tədbirin keçiriləcəyi
məkan və zaman qeyd olunur. Konfrans zamanı Heydər
Əliyevin fəaliyyətinə, yaradıcılığına yaxından bələd olan millət
vəkilləri, Mədəniyyət Nazirliyinin nümayəndələri, jurnalist,
yazıçı və şairlərin çıxışları dinlənilir. Oxucu konfransının
planını sizə təqdim edirik:
1. Giriş hissə (Heydər Əliyevin həyat və yaradıcılığı haqqında
məruzə);
2.Heydər
Əliyevin
yaradıcılığı
haqqında
kitabxana
rəhbərliyinin, millət vəkillərinin, siyasətçilərin, yazıçı və
şairlərin çıxışları;
3.Yuxarı sinif şagirdlərindən ibarət olan oxucuların Heydər
Əliyevin fəaliyyətindən bəhs edən müzakirələri;
4. Ədəbi bədii kompazisiya;
35
5. Konfransın yekunu.
Yubiley ərəfəsində keçirilən tədbirlər məktəblərlə birgə
iş planı əsasında olsa daha uğurlu alınar. “Heydər
parkı” ətrafında olan məktəblərlə birlikdə hazırlanmış
ədəbi-bədii kompozisiyanın açıq havada keçirilməsi daha
məqsədəuyğundur. Həmin rayon rəhbərliyi İcra hakimiyyəti
nümayəndələri də bu tədbirə dəvət oluna bilərlər. Belə
tədbirlərdən maraqlısı da “Gül bayramı” müsabiqəsidir.
Kitabxana və məktəbin birgə hazırladığı tədbirdə elan olunmuş
müsabiqəyə qatılan məktəblilər ümummilli liderə həsr olunmuş
kompozisiyada çıxış edirlər. Yekunda daha çox fərqlənən
məktəblərə rayon icra hakimiyyəti başçısının xüsusi mükafatı
təqdim olunur. “Gül bayramı” müsabiqəsində məktəblilər, eyni
zamanda, müxtəlif nominasiyalarda bacarıqlarını da nümayiş
etdirə bilərlər.
Ədəbi-bədii gecə − Heydər Əliyevin irsinin təbliği üçün
ədəbi-bədii
gecələrin
keçirilməsi
zəruridir.
Gecəni
“Azərbaycanın özü qədər əbədi olan şəxsiyyəti Heydər Əliyev”
başlığı ilə adlandırmaq olar. Tədbirin ssenarisini sizə təqdim
edirik.
Səhnə ümummilli lider Heydər Əliyevin portreti, fəaliyyətini
əks etdirən şəkillərlə, bir çox şair və yazıçıların onun haqqında
yazdığı əsərlərlə, Heydər Əliyevin hikmətli kəlamları ilə
bəzədilir. Gecəyə Heydər Əliyevin yaradıcılığına yaxından
bələd olan tanınmış millət vəkilləri, yazıçılar, şairlər,
siyasətçilər, jurnalistlər, tarixçilər, müəllimlər və s. dəvət olunur.
Tədbir Azərbaycan himninin səslənməsi ilə başlayır. Sonra isə
tədbir iştirakçılarına Heydər Əliyevdən bəhs edən slayd təqdim
olunur. Daha sonra kitabxanaçı tədbiri açıq elan edir. İki nəfər
aparıcı səhnəyə çıxıb tədbir iştirakçılarını salamlayırlar.
I aparıcı: Azərbaycan! Sən əsrlər boyu tarixdə ad-san qazanmış
şəxsiyyətləri – Tomrisi, Cavanşiri, Babəki, Şah İsmayıl Xətaini
və başqalarını yetişdirmisən. Sən belə tarixi simalardan yenə də
yetirməliydin. Və yetirdin də! Bu sima XX əsrin adamı, Heydər
36
Əlirza oğlu Əliyev oldu. Heydər Əliyevin 70-80-cı illərdəki
nəhəng quruculuq və ictimai-siyasi fəaliyyəti olmasaydı,
Azərbaycan indiki müstəqilliyinə nail ola bilməzdi. O, yenidən
hakimiyyətə qayıtmasaydı Azərbaycan və Azərbaycan xalqı çox
müsibətlərlə qarşılaşardı, dünya ictimaiyyəti Azərbaycan
həqiqətlərindən indiki şəkildə xəbər tutmazdı. Tarix məqam
gözləyirdi. Azərbaycanın xilaskarı Heydər Əliyev gəlib
çatmasaydı az qala Azərbaycan, Vətən, torpaq, milli şərəf, milli
dil, din və ibrətamiz keçmişimiz unudulacaqdı. Unudurduq ki,
biz zülmün, təqibin, sürgünün, qəsdin acısını duymuş
Bakıxanovun və Qutqaşınlının, Mirzə Cəlilin və Sabirin, Hadi
və Səhhətin, Cavid və Cavadın, Müşfiq və Çəmənzəminlinin
repressiyaya qurban gedən 29 min Azərbaycan ziyalısının həqiqi
varisləriyik. O zaman hələ qol-qanadı tam bərkiməmiş, körpə
uşaq kimi yenicə ayağa qalxmış Azərbaycanın başının üstünü
fəlakət təhlükəsi aldı. Bunu görən sinəsi dağlı xalq Babək
qeyrətli, Nəbi hünərli, Cavanşir siyasətli oğlunu Heydər Əliyevi
harayladı:
Heydər! Oğul, Tanrı sənə yar olsun,
Üzün gülsün, düşmənlərin xar olsun,
Bir əncam qıl ana yurdun halına
Bəlkə, bir gün zəfər himni çalına!
II aparıcı: Xalqın imdad səsini eşidib, ulu öndər özünü xalqın
köməyinə yetirdi. Vətən göylərində Günəş kimi parladı, şimşək
kimi çaxdı, müdrik Qorqud kimi didərgin xalqının önündə
dayandı. Öz müdrik kəlamı, dərin ağlı, işıqlı zəkası, güclü
siyasəti ilə prezident seçildi, dünya şöhrəti qazandı. Onun
uzaqgörənliyi və siyasəti sayəsində Azərbaycanın haqq səsinə
hay verməyən dünya indi Azərbaycan həqiqətlərini qəbul edir,
ona dayaq durur. Bu gün torpaqlarımızda qan tökülmür, analar,
bacılar yeni şəhid qəbirləri üstündə göz yaşı axıtmırlar.
“Kəssə hər kim tökülən qan izini,
Qurtaran dahi odur yer üzünü.”
Dostları ilə paylaş: |