Fan va innovatsiyalar vazirligi sharof rashidov nomidagi samarqand davlat universityeti

Mustaqil ta’lim topshiriqlarini himoyasini baholash (MT) – 30 ballni taqsimlanishi:
“A’lo”- 87-100 %, – baho o‘quv dasturining barcha bo‘limlari bo‘yicha guruhli va yakka tartibda berilgan barcha topshiriqlarni muddatida, to‘liq to‘g‘ri va sifatli bajargan, ishga qiziqish va mas’uliyat bilan yondashgan, yetarli darajada nazariy va amaliy bilimlarga ega ekanligini, topshiriqni (masalaga) bajarishga ijodiy yondasha olishini ko‘rsata olgan talabaga qo‘yiladi.
“Yaxshi” 73-86 %, – baho o‘quv dasturining barcha bo‘limlari bo‘yicha guruhli va yakka tartibda berilgan topshiriqlarni to‘liq va to‘g‘ri bajargan, lekin ayrim kamchiliklarga yo‘l qo‘ygan, topshirilgan vazifani asosan mustaqil bajargan, yaxshi nazariy va amaliy bilimlarga ega ekanligini ko‘rsatgan, ishga yetarlicha mas’uliyat bilan yondashgan talabaga qo‘yiladi.
“Qoniqarli” 60-72 %, – baho o‘quv dasturining barcha bo‘limlari bo‘yicha guruhli va yakka tartibda berilagn topshiriqlarni bajargan, lekin yetarlicha mustaqillik va faollik ko‘rsatmagan, qator topshiriqlarni muddatidan kechiktirib bajargan, nazariy va amaliy bilim darajasi o‘rtacha ekanligini namoyon etgan talabaga qo‘yiladi.
“Qoniqarsiz” 0-59, % – baho o‘quv dasturining barcha bo‘limlari bo‘yicha guruhli va yakka tartibda berilgan topshiriqlarni umuman bajarmagan yoki kam qismini bajargan, ishga mas’uliyatsizlik bilan yondashgan, nazariy va amaliy bilimi past saviyada ekanligini ko‘rsatgan talabaga qo‘yiladi.