onlarla müharibə edirəm. Əgər mən onları bir saat [rahat] buraxsam
onlar bütün İsmayıl övladının ölkəsini Bağdada qədər məhv
edərlər".''*®.
5.
Azərbaycanda torpaq
münasibətləri və
ərəblərin
vergi siyasəti
Qeyd etdiyimiz kimi, ərəblər Azərbaycanı və Arranı istila
etdikdən sonra, tutduqları digər ölkələrdə olduğu kimi, burada da öz
sələfləri olan İran və Bizans vergi aparatını saxlamışdılar.
Əməvilər hakimiyyət başına gələndən sonra, vergi toplamaq
qaydası dəyişməyə başladı, lakin bu vergilər yenə də o qədər ağır
deyildi. Anili Samuilin dediyinə görə, Əməvilər Zaqafqaziya
ölkələrində bərqərar olduqdan sonra aşağıdakı vergiləri alırdılar:
"Hər həyətdən dörd dirhəm, üç modi^"*® ələnmiş buğda, heyvan
tükündən bir ip və bir əlcək. Əmr edilmişdi ki, keşişlərdən, habelə
azadlardan və atlılardan bir şey alınmasın".^^® Keşişlərə belə
münasibətin səbəbi o idi ki, ərəblər Arran, Ermənistan və digər
xristian ölkələrində kilsələrə hima- yəçilik edir, onların
toxunulmazlığını və vergidən azad olmaq hüququna malik
olduqlarını etiraf edirdilər. Ərəb hakimləri ruhanilərə ona görə
imtiyaz verirdilər ki, əhalini dinin köməyi ilə itaətdə saxlasınlar.
*
Beləliklə, Azərbaycanın və Arranın istilasının lap ilk dövründə
vergilərin ayrı-ayrı şəxslərdən deyil, bütün ölkədən alındığı faktına
təsadüf edirik. Bunu təsdiq edən sənəd, 658-ci ildə əl-Əştərin Misir
hakimi vəzifəsinə təyin edilməsi ilə əlaqədar olaraq xəlifə Əlinin
(656—661-ci illər) ona yazdığı məşhur məktubdur. Əl-Əştərə əmr
olunurdu ki, "xərac yığmağa deyil, torpağın becərilməsinə çox böyük
diqqət versin, çünki [xərac] yalnız becərilmiş torpaqdan alına bilər
və hər kəs torpağın becərildiyini [hesaba almadan] xərac tələb edirsə,
ölkəni var-yoxdan çıxarır, xalqı qırıb tükədir, buna görə də belə bir
şəxs yalnız qısa müddətdə fəaliyyət göstərə bilər. Əgər xalq
vergilərin ağırlığından, yaxud hər hansı təbii fəlakətdən, suvarmanın
kəsilməsindən,
bədbəxt
hadisələrdən,
ya
da
torpağın
dəyişdirilməsindən, onun bataqlığa və ya quraq yerlərə
çevrilməsindən öz narazılığını bildirirsə, onların dərdini öz bildiyin
yolla yüngülləşdir. Sən bunlara gücçatmaz ağır bir yük kimi
baxmamalısan".^®* Sonra deyilirdi ki, əgər torpaq gəlir verməzsə,
xəzinəyə daxil olan vergi kəsilər.
103